O ka Thabela ho Dula o le Mong Jwang?

Na o jewa ke bodutu? Haeba ho jwalo, o ka nna wa ikutlwa jwalo ka mopesaleme ya ileng a re: “Ke fetohile ya jwalo ka nonyana e nnotshi hodima marulelo.” (Pesaleme ya 102:7) Bibele e na le dikeletso tse ka o thusang ho sebetsana le mathata a tliswang ke ho dula o le mong.

• Atamela ho Modimo

• Bala ditemana tsa Bibele tse kgothatsang

• Ithute hore na ke hobaneng ha dintho tse bohloko di etsahala

• Qoba ho tshwenyeha ho sa hlokahale

• Etsa metswalle

• Dula o ikwetlisa

Atamela ho Modimo

Le haeba o dula o le mong, o ka kgona ho thaba ka hore o hlokomele hore o hloka ho tseba ka Modimo. (Matheu 5:3, 6) Dintlha tsena tse latelang di ka o thusa.

• Divideo tse kgutshwane tse buang ka dithuto tsa bohlokwa tsa Bibele

• “Dipotso Tsa Bibele di a Arajwa”​—Karolo ena e araba dipotso tseo batho ba bangata ba ipotsang tsona

• “Na e Entswe?”​—Karolo ena e bua ka tsela e ntle le e rarahaneng eo dintho di bopilweng ka yona

Bala ditemana tsa Bibele tse kgothatsang

Ditemana tsena di tshedisitse batho ba bangata. Ho e na le hore o bale ditemana tse ngata ka nako e le nngwe, leka ho sebedisa nako ena ho nahanisisa ka temana ka nngwe mme o rapele.​—Mareka 1:35.

• Pesaleme ya 23:1-6

• Pesaleme ya 34:1-22

• Pesaleme ya 46:1-11

• Pesaleme ya 63:6-8

• Pesaleme ya 91:1-6

• Matheu 6:25-34

• 2 Bakorinthe 1:3, 4

• Bafilipi 4:6, 7

• 1 Petrose 5:6, 7

Ithute hore na ke hobaneng ha dintho tse bohloko di etsahala

O ka kgona ho sebetsana le boemo bofe kapa bofe bo tshwenyang haeba o tseba hore na ke hobaneng ha dintho tse bohloko di etsahala, le hore na Modimo o tla di fedisa jwang.​—Esaia 65:17.

• Ke hobaneng ha Modimo a dumella mathata?

• Bibele e reng ka ho kula le ka bophelo?

• Bapalami ba bane ba dipere ba hlahang bukeng ya Tshenolo ke bomang

• Mmuso wa Modimo o tla etsang?

Qoba ho tshwenyeha ho sa hlokahale

Dihlooho tse latelang di ka o thusa ho sebetsana le ho tshwenyeha ho tliswang ke ho dula o le mong, hape di ka o thusa hore o ‘kgaotse ho tshwenyeha.’​—Matheu 6:25.

• O ka etsang hore o kgaotse ho tshwenyeha?

• O ka thaba ha o e na le maikutlo a nepahetseng

• Ho tshwenyeha ka dikotsi

• Ho tshwenyeha ka tjhelete

Etsa metswalle

Ho ba le metswalle ho ka o thusa hore o nahane hantle le hore o thabe, hape metswalle e ya hlokahala haholo nakong ena eo ho leng thata ho kopana le batho. Haeba ha o kgone ho tswa ka tlung, o ka sebedisa nako ena ho buisana le metswalle kapa wa etsa e metjha o sebedisa divideo kapa mekgwa e meng ya metjha ya puisano. Dihlooho tse latelang di ka o thusa hore o fumane metswalle ya nnete le hore o be “motswalle wa nnete.”​—Liproverbia 17:17.

• Motswalle wa sebele ke ya jwang?

• Ke hobaneng ha ke se na metswalle?

• Eba motswalle ka hore o be motho ya fanang

• Eba motswalle ka hore o be motho ya lebohang

Dula o ikwetlisa

Bibele e a dumela hore “kwetliso ya mmele e na le molemo.” (1 Timothea 4:8) Ho ikwetlisa ho ka o thusa hore o nahane hantle hape o be o thabe, haholoholo haeba o dula o le mong. Esita le haeba o sa kgone ho tswa ka tlung, ho na le dintho tseo o ka dulang o di etsa.

• Ikwetlise ka mehla

• Eba le boikutlo bo nepahetseng ka bophelo