Kemiso Ea Liboka Tsa Tšebeletso

Beke e Qalang ka la 14 July

Pina ea 56

10 mets: Litsebiso tsa phutheho. Litsebiso tse khethiloeng Tšebeletsong ea Rōna ea ’Muso. Molebeli oa tšebeletso o bua ka litokisetso tsa tšimo e sa abuoang. Hlahloba lengolo la tšimo e sa abuoang la la 30 May, 2003, lingoliloeng tse tla tsamaisoa, letsatsi, sebaka se tla sebetsoa, bolulo le tokisetso ea lipalangoang. Na ho na le ba ka bang bo-pula-maliboho ba thusang? Liphutheho tse sa eeng tšimong e sa abuoang li lokela ho tšohla litokisetso tsa ho sebetsa tšimo e sebetsoang ka seoelo. U sebelisa litlhahiso tse leqepheng la 4, lokisetsa hore ho be le lipontšo tse peli tsa se hlileng se ka etsahalang ha ho tsamaisoa Molula-Qhooa oa July 15 le Tšoha! ea August 8 tšimong ea phutheho ea lōna. Pontšong ka ’ngoe, limakasine tsena li lokela ho tsamaisoa li le peli le hoja ho buelloa e le ’ngoe.

15 mets: Borapeli ba Jehova bo Entša Bophelo ba Rōna Joang? Puisano le bamameli. Borapeli ba ’nete ke senotlolo sa bophelo bo thabileng le bo nang le morero. (1) Bo re thusa ho sebetsana ka katleho le mathata le matšoenyeho a bophelo. (Bafil. 4:6, 7) (2) Bo re thusa ho hlaolela litšobotsi tse thabisang Molimo. (2 Pet. 1:5-8) (3) Bo re thusa ho sebelisa nako le matlotlo a rōna ka tsela e molemo ka ho fetisisa. (1 Tim. 6:17-19) (4) Bo fana ka tšepo ea sebele bakeng sa bokamoso. (2 Pet. 3:13) (5) Bo re nolofalletsa ho hlaolela kamano e haufi-ufi le Jehova. (Jak. 4:8) Bontša kamoo lintho tsena li haellang kateng ho ba sa tsebeng Jehova kapa ba sa mo sebeletseng.

20 mets: “Ho Ananela Mohau oa Molimo.”a Ha le tšohla serapa sa 3, fana ka litlhahiso tse ka sebelisoang ho qalisa tselana ea limakasine, joalokaha ho boletsoe Tšebeletsong ea Rōna ea ’Muso ea October 1998, leqepheng la 12. Botsa mohoeletsi a le mong kapa ba babeli ba tšoanelehang hore na ke mokhoa ofe oo ba o sebelisang o atlehang oa ho qalisa lithuto tsa Bibele. Khothalletsa bohle hore sepheo sa bona e be ho qalisa le ho khanna thuto ea Bibele.—om-SU leq. 91.

Pina ea 176 le thapelo e koalang.

Beke e Qalang ka la 21 July

Pina ea 184

10 mets: Litsebiso tsa phutheho. Tlaleho ea lichelete.

10 mets: “Lenaneo le Lecha la Kopano ea Potoloho.” Puo le puisano le bamameli. Bolela letsatsi la kopano ea potoloho e latelang. Haeba phutheho e tla ea kopanong ka mor’a likhoeli tse ’maloa, bolela hore bohle ba batlang ho kolobetsoa ba lokela ho tsebisa molebeli ea okamelang. Khothalletsa bohle hore ba etse boiteko bo khethehileng ba ho mema ba ithutang Bibele le bona ’me ba be teng lenaneong lohle la kopano.

25 mets: Etsisang Mohlala oa Bona oa ho Bolela ka Sebete. Puisano le bamameli e thehiloeng bukeng ea Rapela Molimo, leqepheng la 170-1. Kōpa bamameli hore ba arabe lipotso tse serapeng sa 7 ’me ba akarelletse mangolo a bontšitsoeng likarabong tsa bona. Bala a mang a mangolo a bontšitsoeng. Totobatsa thuto eo re ithutang eona litlalehong tsena le kamoo li re thusang ho ba le pono e nepahetseng ka mosebetsi oa rōna oa boboleli.

Pina ea 201 le thapelo e koalang.

Beke e Qalang ka la 28 July

Pina ea 45

10 mets: Litsebiso tsa phutheho. Hopotsa bahoeletsi ho fana ka litlaleho tsa bona tsa tšebeletso ea tšimo tsa July. U sebelisa litlhahiso tse leqepheng la 4, lokisetsa hore ho be le lipontšo tse peli tsa kamoo ho ka tsamaisoang Molula-Qhooa oa August 1 le Tsoha! ea August 8. Pontšong ka ’ngoe, limakasine tsena li lokela ho tsamaisoa li le peli le hoja ho buelloa e le ’ngoe. Pontšo e ’ngoe e lokela ho ba ea mohoeletsi ea pakang ka mokhoa o sa reroang.

15 mets: Litlhoko tsa phutheho.

20 mets: “Ho Paka re le Sehlopha ho Tlisa Thabo.”b Ha le tšohla serapa sa 3, akarelletsa litlhahiso tse Lebokoseng la Lipotso la Tšebeletso ea Rōna ea ’Muso ea September 2001. Ka bokhutšoanyane buisana le molebeli oa Thuto ea Buka ea Phutheho. Mo botse hore na o entse litokisetso life tsa tšebeletso ea tšimo bakeng sa sehlopha sa hae sa thuto ea buka le hore bahoeletsi ba rua molemo joang ka ho paka e le sehlopha.

Pina ea 36 le thapelo e koalang.

Beke e Qalang ka la 4 August

Pina ea 178

10 mets: Litsebiso tsa phutheho. Bolela lingoliloeng tse tla tsamaisoa khoeling ena. Ka bokhutšoanyane lokisetsa hore ho be le pontšo e le ’ngoe kapa tse peli tsa linehelano tse ka sebelisoang.

20 mets: “Ho Tsamaisa Lingoliloeng Tšimong ea Lipuo Tse Ngata.”c Sebelisa lipotso tse fanoeng. Ha le tšohla serapa sa 3, lokisetsa hore ho be le pontšo e bonolo ea nehelano ka puo ea naha e ’ngoe empa e le e buuoang tšimong ea lōna ’me ho se na phutheho ea puo eo.—km-SU 7/02 leq. 1 ser. 4.

15 mets: Bacha ba Rorisa Jehova! Puo le puisano le bamameli. Re thabela ho utloa bacha ba fana ka likarabo tse lokiselitsoeng hantle ha re le libokeng. Hoa thabisa ho ba bona ba le mafolofolo ’me ba tsoela pele Sekolong sa Tšebeletso sa Puso ea Molimo. Ba bontša tumelo ea ’nete ha ba paka hantle tšebeletsong. Boitšoaro ba bona ba bomolimo bo tlotlisa Jehova. (yb88 leq. 53-4) Khatelo-pele ea bona moeeng ke motheo oa hore ba fumane litokelo tse eketsehileng nakong e tlang. Ka bokhutšoanyane buisana le bacha ba Bakreste ba babeli kapa ba bararo ba thabelang ho kopanela tšebeletsong ea phutheho kamehla. Ka mofuthu babatsa bacha ba phutheho ka boiteko bo botle boo ba bo etsang ho rorisa Jehova.

Pina ea 49 le thapelo e koalang.

[Mongolo o botlaaseng ba leqephe]