2 Воқеанома
28 Оҳоз+ дар 20-солагиаш подшоҳ шуд ва 16 сол дар Ерусалим ҳукмронӣ кард. Ӯ он чиро, ки дар назари Яҳува дуруст буд, ба амал наовард ва мисли бобояш Довуд рафтор накард,+ 2 балки аз пайи шоҳони Исроил+ рафт. Ӯ ҳатто ҳайкалҳои рехтаи+ Баалҳоро сохт. 3 Беш аз ин, ӯ ба корҳои ҳароми халқҳое,+ ки Яҳува аз пеши исроилиён ронда буд, пайравӣ намуда, дар водии Писари Ҳиннӯм* қурбонӣ оварда дуд кард ва писаронашро дар оташ сӯзонд.+ 4 Ӯ ҳамчунин бар баландиҳо,+ теппаҳо ва зери ҳар дарахти сершоху барг+ қурбонӣ оварда дуд мекард.
5 Аз ин рӯ Худояш Яҳува ӯро ба дасти подшоҳи Арам*+ супурд ва онҳо ӯро шикаст дода, асирони зиёдеро ба Димишқ+ бурданд. Худо ҳамчунин ӯро ба дасти подшоҳи Исроил супурд, ки аз халқи ӯ бисёриҳоро ба қатл расонд. 6 Фақаҳи+ писари Рамалёҳу дар як рӯз дар Яҳудо 120 000 ҷанговари далерро кушт, зеро Яҳудо Яҳува, Худои бобоёнашонро, тарк кард.+ 7 Зикрӣ ном ҷанговари эфроимӣ Маасиёҳуи писари подшоҳ, Азриқоми нозири дарбор* ва Элқоноро, ки баъди шоҳ дуюм буд, ба қатл расонд. 8 Беш аз ин, исроилиён аз бародарони худ 200 000 нафар — занон ва писарону духтаронро, асир карданд. Онҳо ҳамчунин ғанимати бисёре гирифта, онро ба Сомария+ бурданд.
9 Аз пеши роҳи лашкар, ки ба Сомария мерафт, Ӯдид ном пайғамбари Яҳува баромада, гуфт: «Яҳува, Худои бобоёнатон, Яҳудоро барои он ба дасти шумо супурд+ ки, аз онҳо хашмгин буд, шумо бошед, онҳоро чунон бераҳмона куштед, ки садои бераҳмиятон то ба осмон расид. 10 Акнун шумо мардуми Яҳудо ва Ерусалимро ғулому канизи худ карданиед.+ Магар шумо ҳам дар пеши Худоятон Яҳува гунаҳкор нестед? 11 Пас, ба ман гӯш диҳед ва бародарони худро, ки асир кардаед, баргардонед, зеро оташи ғазаби Яҳува бар шумост».
12 Он гоҳ баъзе аз сарварони эфроимӣ — Азарёи писари Еҳуҳонон, Баракёи писари Машиллимӯт, Еҳизқиёҳуи писари Шаллум ва Амосои писари Ҳадлой, пеши роҳи онҳоеро, ки аз ҷанг бармегаштанд, гирифта, 13 гуфтанд: «Асиронро ба ин ҷо наоред, вагарна дар пеши Яҳува гунаҳкор мешавем. Коре, ки шумо карданиед, ба айбу гуноҳи мо гуноҳ зам мекунад, ҳол он ки гуноҳи мо бе ин ҳам азим аст ва оташи ғазаби Худо бар Исроил аланга гирифтааст». 14 Он гоҳ ҷанговарони яроқдор асирону ғаниматро+ ба мирон ва тамоми ҷамоат супурданд. 15 Мардоне, ки ном ба ном таъйин шуда буданд, бархостанд ва асиронро гирифта, ба бараҳнагони онҳо аз ғанимат либос доданд. Ин касон онҳоро либосу пойафзол пӯшонданд, хӯронданд, нӯшонданд ва равған молиданд. Илова бар ин, касони беқувватро ба харҳо савор карда, асиронро ба назди бародаронашон ба Ериҳӯ, ба шаҳри нахлҳо, оварданд. Пас аз ин онҳо ба Сомария баргаштанд.
16 Он вақт шоҳ Оҳоз аз подшоҳони Ошур мадад пурсид.+ 17 Адӯмиён боз ба Яҳудо ҳамла оварда, одамонро ба асирӣ бурданд. 18 Ҳамчунин фалиштиён+ ба шаҳрҳои Шефило+ ва Негеби Яҳудо тохтутоз карда, Байт-Шемеш,+ Аёлӯн,+ Ҷадирӯт, Сукӯву шаҳракҳои тобеи* он, Тимнову+ шаҳракҳои тобеи он ва Ҷимзӯву шаҳракҳои тобеи онро забт намуданд ва дар онҳо сокин шуданд. 19 Яҳува Яҳудоро сархам кард, зеро бо айби Оҳози шоҳи Исроил Яҳудо ба Яҳува бевафоӣ кард ва ба бадахлоқӣ дода шуд.
20 Оқибат Тиҷлат-Филосари*+ шоҳи Ошур бар зидди Оҳоз баромад ва ба ҷойи ёрӣ додан ба ӯ зулм кард.+ 21 Ҳарчанд Оҳоз аз хонаи Яҳува, қасри подшоҳ+ ва хонаҳои мирон чизҳои қиматбаҳоро гирифта, ба шоҳи Ошур туҳфа кард, ин фоидае наовард. 22 Шоҳ Оҳоз бо вуҷуди азобҳояш ба Яҳува боз бештар хиёнат кард. 23 Ӯ ба худоёни Димишқ, ки ӯро шикаст доданд,+ қурбониҳо оварда,+ гуфт: «Худоёни шоҳони Арам ба онҳо ёрӣ медиҳанд, ман низ ба онҳо қурбонӣ меорам, то ба ман ёрӣ диҳанд».+ Аммо ин кораш ӯву тамоми Исроилро ба бало гирифтор кард. 24 Беш аз ин, Оҳоз ашёи хонаи Худоро ҷамъ оварда, пора-пора кард,+ дарҳои хонаи Яҳуваро баст+ ва дар ҳар гӯшаи Ерусалим барои худ қурбонгоҳ сохт. 25 Ӯ дар ҳамаи шаҳрҳои Яҳудо барои ба худоёни дигар қурбонӣ оварда дуд кардан баландиҳо сохт+ ва Яҳува, Худои бобоёнашро, ба хашм овард.
26 Воқеаҳои дигари ҳаёти ӯ, тамоми корҳояш, аз аввал то охир, дар Китоби шоҳони Яҳудо ва Исроил навишта шудааст.+ 27 Оҳоз ором гирифта бо бобоёни худ хобид, вале ӯро ба қабри шоҳони Исроил нагузоштанд, балки дар шаҳр, дар Ерусалим, гӯронданд.+ Ба ҷойи ӯ писараш Ҳизқиё подшоҳ шуд.