Пешниҳодоти намунавӣ

Сар кардани омӯзиши Китоби Муқаддас дар якум шанбеи моҳи сентябр

«Одамоне ки миллат ва эътиқодашон гуногун аст, ҳар рӯз ба Худо дуо мегӯянд. Ба фикри шумо оё Худо ба дуои ҳама гӯш мекунад ва ҷавоб медиҳад? [Ба ҷавоб гӯш диҳед.] Диққат диҳед, ки Китоби Муқаддас дар ин бора чӣ мегӯяд. [Забур 64:3-ро хонед.] Худо ҳамаи одамони гуногунмиллатро даъват менамояд, ки ба воситаи дуо ба Ӯ наздик шаванд. Оё ин маънои онро дорад, ки Худо дуои ҳамаро гӯш мекунад? [1 Петрус 3:7-ро хонед.] Ин оят нишон медиҳад, ки Худо дуои мардонеро, ки бо занашон дағалона рафтор мекунанд, метавонад гӯш накунад». Дар бораи вохӯрии навбатӣ маслиҳат кунед, то ки саволи зеринро муҳокима намоед: «Чӣ тавр бояд дуо гуфт?»

Сӯҳбат дар асоси Китоби Муқаддас

◼ Имрӯз ҷаҳон пур аз бадӣ аст, ба фикри шумо сабабгори ҳамаи ин кист?

1 Юҳанно 5:19 — Китоби Муқаддас нишон медиҳад, ки дар ҷаҳон Шайтон роҳбарӣ мекунад.

Юҳанно 12:31 — «Мири ин ҷаҳон», Шайтон, ба наздикӣ нест карда мешавад.

◼ Ба фикри шумо оё пулро сарфакорона истифода бурдан аз рӯи хирад аст, ё онро бояд дарҳол харҷ кард?

Луқо 14:28 — Пеш аз хариди ягон чиз бояд фикр кард, ки ман дар ҳақиқат ба ин чиз ниёз дорам ва шароитам имкон медиҳад.

Масалҳо 22:7 — Аз рӯи хирад мебуд, ки пеш аз пул қарз гирифтан, хуб андеша кунем.