Пешниҳодоти намунавӣ

Сар кардани омӯзиши Китоби Муқаддас дар якум шанбеи моҳи август

«Имрӯз одамон ба динҳои гуногун тааллуқ доранд ва Худоро бо роҳҳои гуногун ибодат мекунанд. Ба фикри шумо муносибати Худо ба ин чӣ гуна аст? [Ба ҷавоб гӯш диҳед.] Пайғамбарон танҳо як дин, яъне дини ҳақиқиро таълим медоданд. Ин ба роҳе монанд аст, ки сӯи ҳаёт роҳнамоӣ мекунад. Диққат диҳед, ки Китоби Муқаддас дар ин бора чӣ мегӯяд. [Матто 7:14-ро хонед.] Ибодати ҳақиқӣ бояд бар чӣ асос ёбад? [Юҳанно 4:24-ро хонед.] Ҳамин тавр, Худо танҳо ибодатеро қабул мекунад, ки он дар Каломи ростӣ асос меёбад». Дар бораи вохӯрии навбатӣ маслиҳат кунед, то ки саволи зеринро муҳокима намоед: «Баъзе нишонаҳое, ки ибодати ҳақиқиро муайян мекунанд, кадоманд?»

Сӯҳбат дар асоси Китоби Муқаддас

◼ «Оё ба фарзандон аз кӯдакиашон дар бораи Худо таълим додан зарур аст, ё ин ки интизор шавем то онҳо калон шаванд ва худашон эътиқоди диниашонро интихоб намоянд?»

Эфсӯсиён 6:4 — Китоби Муқаддас ба падарон дастур медиҳад, ки роҳҳои Худоро ба фарзандонашон таълим диҳанд.

Масалҳо 1:8 — Модарон низ барои ба фарзандонашон дар бораи Худо таълим додан, нақши муҳим мебозанд.

◼ Вақте ки мо хато мекунем, худро айбдор ҳис мекунем. Ба фикри шумо Худо ба гуноҳҳои мо чӣ гуна назар мекунад?

Забур 102:12 — Мо ҳатто тасаввур карда наметавонем, ки Худо то чӣ андоза гуноҳҳоямонро мебахшад.

Забур 102:14 — Худо нокомилии моро ба назар гирифта, барои бахшидан тайёр аст.