Замимаи саволҳо

◼ Кӣ бояд купон ва дархости интернетиро пур кунад?

Адабиёти мо одатан купон дорад, ки онро барои дархост кардани адабиёт ё барои хоҳиш кардани ташрифи Шоҳидони Яҳува пур карда ба филиал фиристодан мумкин аст. Беш аз ин, аз вебсайти мо www.watchtower.org омӯзиши Китоби Муқаддас дархост кардан мумкин аст. Ба туфайли ин бисёр одамон бо ҳақиқат шинос мешаванд. Лекин, мушкилӣ дар натиҷаи он пайдо мешавад, ки воизон ин имкониятро барои расонидани кӯмаки рӯҳонӣ ба хешовандонашону дигар одамон истифода мебаранд.

Касоне, ки барояшон аз филиал адабиёт бе дархости худи онҳо фиристода мешавад, норозигӣ баён мекунанд, ки ташкилоти мо онҳоро безобита мекунад ё номи онҳоро ба ягон рӯйхати обунашудагон даровардааст. Вақте ки воизон назди одамоне меоянд, ки шахсан ташрифи Шоҳидонро дархост накардаанд, онҳо аз хашми шахс дар ҳолати ногувор қарор мегиранд. Аз ин рӯ, воизон набояд ба ҷои шавқмандон ба воситаи вебсайт ё пур кардани купонҳо дархост кунанд. Вақте филиал мефаҳмад, ки воиз ба ҷои шавқмандон дархост мефиристад, филиал онро рад мекунад.

Пас, чӣ тавр мо ба хеш ё шиносамон аз ҷиҳати рӯҳонӣ кӯмак карда метавонем? Агар шумо хоҳед, ки ӯ адабиёт гирад, шумо метавонед шахсан ба ӯ онро чун тӯҳфа фирсонед. Лекин, агар ӯ рағбат зоҳир кунад ва ташрифи Шоҳидонро хоҳиш кунаду шумо чӣ тавр бо пирони ҷамъомади маҳаллӣ алоқа карданро надонед, шумо бояд варақаи «Лутфан бо ин шахс боздид кунед» (S-43)-ро пур карда ба котиби ҷамъомадатон диҳед. Ӯ онро дида мебарояд ва ба филиал мефиристад. Лекин, агар шахси шавқманд дар маҳбас ё дар ҳолати ба ин монанд қарор дошта бошад, шумо набояд ба ҷои ӯ ба филиал муроҷиат кунед. Беҳтараш, шумо ӯро барангезед, ки худаш ба филиал мактуб нависад.