Аз ҳоло васеъ кардани доираи хизмататонро ба нақша гиред
1. Дар айёми Шоми ёдбуд мо чӣ имконияти олиҷанобе дорем ва чӣ тавр ба ин тайёр шудан мумкин аст?
1 Дар айёми ҳар Шоми ёдбуд мо имконияти наве дорем, то «Худовандро бо забони худ бағоят ҳамд» гӯем (Заб. 108:30). Яке аз роҳҳои нишон додани миннатдорӣ ба Атокунандаи фидия — ин дар моҳи март васеъ кардани доираи хизматамон аст. Оё шумо ба ин тайёред? Ҳоло барои тартиб додани нақша вақти аз ҳама мусоид аст (Мас. 21:5).
2. Шумо ва дигарон ба кам шудани талаботи соат барои пешравони ёвар дар моҳи апрели соли гузашта чӣ тавр муносибат кардед?
2 Чун пешрави ёвар хизмат кардан. Соли гузашта аз шунидани он ки талаботи соатҳо барои пешравони ёвар дар моҳи апрел кам шудааст воизон аз ин хеле ба ҳаяҷон омаданд. Як бародар навишт: «Ман то ҳол дар синфи болоӣ мехонам ва вазъияти ман имкон намедиҳад, ки мунтазам чун пешрав хизмат кунам. Лекин ман дар моҳи апрел барои иҷро кардани 30 соат варақа барои чун пешрави ёвар хизмат намуданро пур карданиам ва кӯшиш менамоям то 50 соат хизмат кунам». Хоҳаре, ки рӯзи пурра кор мекунад, навишт: «Си соат — чӣ қадар имконпазир аст!» Вақте ки дар бораи кам шудани талаботи соат эълон шуд, як пешрави собиқ, ки синну солаш аз 80 зиёд аст, гуфт: «Ин мавридро ман интизор будам! Яҳува медонад, ки хизмати пешравӣ вақти беҳтарини ҳаётам буд!» Дигарон, ки имконияти чун пешрави ёвар хизмат кардан надоштанд, барои худ мақсадҳо гузоштанд, то дар хизмат зиёдтар иштирок кунанд.
3. Барои дар моҳи март, апрел ва май чун пешрави ёвар хизмат кардан кадом сабабҳоро дида баромадан мумкин аст?
3 Дар моҳи март барои чун пешрави ёвар хизмат кардан имконияти олиҷаноб хоҳем дошт, зеро аз нав барои мо иҷро кардани 30 ё 50 соат пешниҳод карда мешавад. Ғайр аз ин, аз рӯзи шанбе, 17 март сар карда мо дар маъракаи махсус иштирок хоҳем кард, то дигаронро ба Шоми ёдбуд, ки 5 апрел ҷашн гирифта мешавад, даъват кунем. Бисёриҳо аз васеъ кардани доираи хизматашон чунон хурсанд мешаванд, ки дар моҳи апрел ва май низ барои чун пешрави ёвар 50 соат хизмат кардан хоҳиш пайдо хоҳанд намуд.
4. Чӣ тавр доираи хизматамонро васеъ карда метавонем ва бо кадом натиҷа?
4 Дар давоми ибодати оилавии навбатиатон шумо маслиҳат карда метавонед, ки чӣ тавр ҳар як аъзои оила дар айёми Шоми ёдбуд хизматашро васеъ карда метавонад (Мас. 15:22). Яҳуваро бипурсед, то Ӯ кӯшишҳоятонро баракат диҳад (1 Юҳ. 3:22). Бо васеъ гардондани доираи хизмататон шумо на танҳо ба таври зиёд Яҳуваро ҷалол хоҳед дод, балки ҳамчунин хурсандиатонро зиёд хоҳед кард (2 Қӯр. 9:6).