Бигзор айёми Шоми ёдбуд ба шумо хурсандӣ орад!
1. Яке аз роҳҳои зиёд кардани хурсандиамон дар айёми Шоми ёдбуд кадом аст?
1 Оё шумо мехоҳед, дар давоми моҳҳои март, апрел ва май хурсандии худро зиёд кунед? Яке аз роҳҳо дар хизмат бештар иштирок кардан ва агар имконпазир бошад, чун пешрави ёвар хизмат кардан аст. Чӣ тавр он хурсандии моро зиёд мегардонад?
2. Чӣ тавр хизмат хурсандии моро зиёд мегардонад?
2 Хурсандии худро зиёд гардонед. Яҳува моро бо қобилияти хурсандӣ кардан ва аз ибодати Ӯ қаноатмандӣ гирифтан, офаридааст, зеро бо ин талаботи рӯҳонии мо қонеъ мегардад (Мат. 5:3). Ӯ ҳамчунин моро чунон офаридааст, ки аз додани чизе ба дигарон хурсандӣ гирифта тавонем (Аъм. 20:35). Хизмат ба мо имкон медиҳад, ки ду чизро иҷро кунем, яъне Худоро ибодат намоем ва ба одамон кӯмак расонем. Аз ин рӯ чунин гуфтан аз рӯи мантиқ аст, ки ҳар чӣ бештар дар хизмат иштирок кунем, ҳамон қадар хурсандии бештар хоҳем гирифт. Ба ин монанд ҳар қадаре ки бисёртар мавъиза кунем, ҳамон қадар маҳоратамон зиёд мегардад. Дар баробари бомаҳорат гаштанамон, имони мо бақувват гардида, дар мавъиза тарсу ҳаяҷонамон камтар мешавад. Мо барои шаҳодат додан ва сар кардани омӯзиши Китоби Муқаддас имкониятҳои зиёд дошта метавонем. Ҳамаи ин хизматро тароватбахш мегардонад.
3. Чаро моҳҳои март ва апрел барои пешрави ёвар шудан имконияти хуб хоҳад буд?
3 Моҳҳои март ва апрел барои чун пешрави ёвар хизмат кардан имконияти хуб хоҳанд буд, чунки мо метавонем 30 ё 50 соат хизмат карданро интихоб кунем. Илова бар ин, аз рӯзи шанбе, 22 март сар карда то Шоми ёдбуд, рӯзи душанбе, 14 апрел мо метавонем дар маросими хурсандиовар барои даъват намудани дигарон ба Шоми ёдбуд иштирок намоем. Ҷамъомадҳо ба ваҷд хоҳанд омад, зеро дар ин вақт бисёриҳо «якдилона» хизмат хоҳанд кард, то боварӣ ҳосил кунанд, ки ҳамаи шавқмандон даъват шудаанд (Саф. 3:9).
4. Барои пешрави ёвар шудан мо бояд чӣ кор кунем?
4 Аз ҳозир тайёрӣ бинед. Агар шумо то ҳол инро накарда бошед, аз ҳозир реҷаи худро дида бароед, ки барои як ё якчанд моҳ хизмат кардан, ба он кадом дигаргуниҳоро дароварда метавонед. Дар ин бора дуо гӯед (Яъқ. 1:5). Оиди ин бо оилаатон ва бо дигар аъзоёни ҷамъомад сӯҳбат кунед (Мас. 15:22). Эҳтимол, хоҳед фаҳмид, ки нигоҳ накарда ба душвориҳои бо саломатӣ алоқаманд ё серкорӣ шумо низ метавонед он хурсандиеро, ки аз пешрави ёвар шудан бармеояд, ҳис кунед.
5. Дар айёми Шоми ёдбуд бештар хизмат кардан чӣ натиҷа меорад?
5 Яҳува мехоҳад, ки ходимони Ӯ хурсанд бошанд (Заб. 31:11). Дар ин айёми Шоми ёдбуд бештар хизмат кардан, на танҳо хурсандии моро зиёд мегардонад, балки ба Падари осмониамон низ хурсандӣ мебахшад (Мас. 23:24; 27:11).