Намуна барои пешниҳодот

Барои сар кардани омӯзиши Китоби Муқаддас дар якум шанбеи моҳи июн

«Мо медонем, ки ҳама ном дорад. Ба фикри шумо, оё Худо низ ном дорад? [Ба ҷавоб гӯш диҳед.] Албатта, Худо унвонҳои зиёд дорад, ба монанди Парвардигор, Худои Таоло ва ғайра, лекин дар Китоби Муқаддас гуфта шудааст, ки Худо номи шахсии худро дорад. [Хуруҷ 3:14-ро хонед ва сархати 2-юми саҳифаи 5-и замимаеро, ки дар охири Китоби Муқаддас оварда шудааст, нишон диҳед.] Аз ин ҷо маълум мешавад, ки номи Худо «Йеҳӯва» ё «Яҳува» мебошад. Яҳува ин номро ба худ барои он додааст, ки мо бо Ӯ муносибатҳои наздик инкишоф дода тавонем. Донистани номи Худо ва маънои он ба мо кӯмак мекунад, ки ба Ӯ такя кунем. [Забур 90:14-ро хонед.]» Дар бораи вохӯрии навбатӣ маслиҳат кунед, то ки саволи зеринро муҳокима намоед: «Номи шахсии Худо чӣ маъно дорад?»

Сӯҳбат дар асоси Китоби Муқаддас

◼ Вақте ки даромад хеле кам аст, зиндагиро пеш бурдан душвор мегардад. Шумо бо ин розиед? Чӣ ба мо кӯмак мекунад, ки пули доштаамонро нӯг ба нӯг расонем?

Луқо 14:28 — Нақшаҳои хуб кашидашуда ба мо кӯмак мерасонанд, ки пулро аввалан ба чизҳои ҳақиқатан ҳам зарур сарф кунем.

1 Тимотиюс 6:6–8 — Китоби Муқаддас моро таълим медиҳад, ки бо он чи ки дорем, қаноат карданро ёд гирем.

◼ Бисёри одамон фикр мекунанд, ки аз арвоҳи мурдагон роҳнамоиву мадад пурсидан ягон нодурустие надорад. Китоби Муқаддас дар ин бора чӣ мегӯяд?

Такрори Шариат 18:9–12 — Худо амр медиҳад, ки ба мурдагон муроҷиат нанамоем ва бо рӯҳу арвоҳ робита накунем.

Забур 145:3, 4 — Дар Навиштаҳои Муқаддас такрор ба такрор гуфта мешавад, ки мурдагон ҳеҷ чизро дарк намекунанд.