Tokimanyia onyaso dia nde mbeya Yeso Kristo, Ona Nzambi
1 Oleki nshi ya ntondo, ɛlɔ kene, efula ka wane wayata one akristo mbewo haweye Yeso. Hawotshikitanya la She. Omaloko, one eko wonya w’ololo wa menya dibuku Le plus grand homme de tous les temps. Lo menda woho one walembetshiyama Kristo l’atei a dibuku diako, la ntondo ka sho mbisha anto, sho pombaka tokêkesane kana mbeya kene katama loko woho wa monga l’akoka wa kimanyia oteketshi aso dia nde mbeka woho wa mbeya Ona Nzambi. Ngande wahombama tshama na?
2 Tosale la wolo aso dia mimɛ mbala kako otoi la sawo diakotola yambalo otsha le Yeso ndo diele l’etshina kadio l’atei wa Bible.
L’okongo wa mbisha onto moyo, kokaka sho mbote onkone:
◼ “Ɛlɔ kene, teko lo tambola asukanyi aso kene kakanawo etena kadiawo lo Bible one: woho wa monga la loseno la pondjo weko. [Tshikɛ onto ako dihole akadimole.] Eko ohomba mete ne dia, Bible teketaka dia dikoka so suke la mbala akumi anei. Otshikitanelo akona ayohomba mbela dui so le so na? Ohenda kene kata Enyelo 21:4. [Adia.] Onde we akalembete kene kolakemi oka? [Tshikɛ onto ako dihole akadimole.] Woho akona wakoka onto monga la loseno la pondjo na?” Tadia Joani 17:3, ndo totɛtɛ di’ohomba wa mbeka dia mbeya Nzambi, la Yeso Kristo On’ande. Naka onto ambenya oko ayashande, towenya dibuku Le plus grand homme ndo tokeketsha woshelo ande l’ekimanyelo k’ete w’awui wahonyi watanema lo mbɔtwɛlɔ.
3 Naka omak’etatelo onto ako kondjashaka dimena, totshike kiatshikatshi Andja one wayoka? Totondja lokanyi otoi kana tokanyi tohende t’eshika t’oma lo okanda w’enyaso. Lombande dia we ndja nto mbala kekina lo wonya w’ongenyangenya dia nyu ndjotetemala la sawo dianyu.
4 Naka oteketshi aso eko lo tatshu esadi esadi, ondo ayoleka dimena susa sawo di’enyami dingo. Ondo apandjudi w’eyoyo wayena one sawo diayela ne kema wolo kamba ladio olimu:
L’okongo a sho ndjaenya one anto kapanda mbeso, sho kokaka mbuta onkone:
◼ “Ɛlɔ kene, teko lo tambola asukanyi aso kene kakanawo etena kadiawo lo Bible one: woho wa kondja loseno la pondjo weko. Oko enyelo, lembetɛ kene kakate Yeso lo Joani 17:3. [Adia.] Dibuku ne diakafundama dia kimanyia anto dia vo mbeya Yeso Kristo ololo kame la wetshelo ande.” Tenya esato emotshi w’amena wa lo dibuku Le plus grand homme. Todifole lo mbɔtwelɔ ndo tadia palagalafe kahende ka l’ote a dui wahonyi one: “Apprenons à le connaître, pour notre bien.” Naka onto ako ndjashaka, tôkani lande dia mbosha okanda.
5 Naka tambotshika dibuku, toke etshina ka wekelo wa Bible lo mbukiya one kokaka sho sawola dia kene k’endana la tshapita ya ntondo, “Des messages venant du ciel,” wonya ako kana lo diembwelo di’oyoyo diayosalema l’okongo a nshi motshi. Lo dihole dia mbutela onto ako wenya engana wayoviya diembwelo di’oyoyo, towote tsho one lo taahe tomotshi ta wenya, nde ayeka awui akina w’ohomba w’endana la Yeso Kristo wayosama oma lo Bible, Dui dia Nzambi.
6 Onde hatokoke kamba olimu la oseka diaaso tshe di’ololo diayototanemɛ woho wa kotola yambalo y’anto lo mete k’endana la Yeso Kristo, Ona Nzambi dia mbakimanyia woho wa vo mboto lo mboka kayowatola lo loseno la pondjo! —Mat. 7:14.