Wekelo w’Onto Ndamɛ: Dikambo Diasungana Sho Mbidja Yimba

¹ Kakɔna kele dikambo di’ohomba le so diasungana sho mbidja yimba na? Mɛtɛ, sho pombaka ndjâkiyanya lo yoho ya lânde dia mbidja ndo momba diokanelo dia ma ma l’asaso la Jehowa. Wekelo w’onto ndamɛ ekɔ ohomba efula dia keketsha lɔngɛnyi la ngasɔ. Ɛlɔ kɛnɛ anto yema tshitshɛ ato wa l’atei aso mbakondja diaaso dia mbetsha wenya efula lo kanaka lomba ndo lo mbekaka vɔamɛ. Oyadi kakɔna tshɛ, naka sho hatale Dui dia Nzambi tena la tena, sho kokaka nɛmba polo ndo lo yɛdikɔ ya pomba wolo wa shika ekolo la ntondo ka lomba la l’andja ɔnɛ kâmɛ la saki ya l’emunyi yadjawɔ la ntondo.

² Tongake la Saki k’Efula ka Dui: Lam’akatashola asangwelo wa Nzambi mbala ka ntondo, sho takalomɔlomɔka dia kondja ewo k’efula. Koko, ondo l’ɔkɔngɔ w’etena kɛmɔtshi saki kaso ka lo nyuma kakakitakita. Ondo tekɔ l’ohomba wa ‘nyomokombola’ mbo ya ndɛ ya lo nyuma. (1 Pet. 2:⁠2) Woho akɔna wokokiso fudia saki kɛsɔ na?

³ Solo kɛngɔ katotolekaka nanga mbeyaka tosha saki ka ndɛ nɛ dia tɔ toholaka woho watotɔlɛka. Yema ya wenya yekaso shoamɛ mbeyaka ndjâla la shɛngiya ya woho akɔ wâmɛ lo nyuma. Lam’alɛso mbo mɔtshi ya lo nyuma y’amɛna efula, sho kokaka ndjâla la saki ka akambo a mɛtɛ woshami. Ɔngɛnɔngɛnɔ watomba oma l’ewo kakondjaso kokaka tokeketsha dia sho nyomotshima efula lo Dui dia Jehowa.

⁴ Toyasale Ekongelo Kɛmɔtshi Koleki Sungana: Kânga mbayaombɛ anto amɔtshi dikɔlɔ di’otondo lo dikambo dia wekelo awɔ wa vɔamɛ, akina ndeka mɛna dimɛna dia ndjaombɛ yema y’etena tshitshɛ, koko mbala la mbala. Naka sho mɛnaka dia pindju ka pɛ mbalekaso kimɛ awui, kete ondo tayɔsa yɛdikɔ dia mbekaka la ntondo ka ndɛ yangɔ ya la pindju. Naka lomba laso ndekaka salangana la dikɔlɔ, kete sho kokaka sɔna dia sala wekelo akɔ la ntondo ka ndala. Oyadi woho akɔna tshɛ, ohomba ele wekelo ɔsɔ wasalemake mbala la mbala ndo toyelake ekongelo koleki sungana l’ehomba aso.

⁵ Lam’atokeketshawɔ dia mbeka efula, ondo sho mbutaka esadi eto ɔnɛ, ekongelo kaso kambotalolaka edja. Koko, onto l’onto l’atei aso pombaka mbuta mɛtɛ lam’asɛdingolande woho wakambande l’etena kele lande. Ondo sho mbetshaka wenya efula nshi tshɛ lo menda televiziɔ? Onde sho mbetawɔka tshika saki yaso shoamɛ? Oma lo ɔsɛdingwelo w’oshika wa woho wakambaso l’etena kele laso, ondo sho ndjɛnaka dia tekɔ la wenya nshi tshɛ wokokiso mbeka shoamɛ.​—⁠Ef. 5:​15, 16.

⁶ Wekelo wa Dui dia Nzambi sunganaka sho mbidja yimba efula. Hatotokondja ɛlɔlɔ efula oma lɔkɔ naka sho pemba sala dui dikina lo wonya akɔ wâmɛ. Naka tekɔ la mbekelo ka têka ko talɛ, talonga aladiyɔ kana tenda televiziɔ, kete hatotoyasha tshɛ lo kɛnɛ kayangaso dia mbeya. (1 Tim. 4:15) Ɔnkɔnɛ, totshike akambo tshɛ wekelo yimba.​—⁠Enda lo Manuel pour l’École, lɛkɛ 32 la 33.

⁷ Ekɔ ohomba dia mbekaka ndo ndjelaka alako washa Bible nshi tshɛ, nɛ dia yoho shɔ mbatɔlɔmba Jehowa. Toyale l’oweso wa mbidja mɛtɛ yatanema l’ekanda l’atei w’otema aso. Tokambe la waaso tshɛ dia mbala, sɛdingola ndo kana lomba lo tokanyi ta lo nyuma, oyadi kânga sho bu la wenya efula wa sala dikambo sɔ.​—⁠Euh. 6:​6-8; Kol. 1:​9, 10.