Dikongɛ dia losanganya l’ostshimbedi layaye
1 Nshi tshɛ, akristo wa mɛtɛ tetshaka Diolelo lo dihole dia ntondo lo lɔsɛnɔ lawɔ, lo ndjela dui diakatome Yeso ndo diofundami lo Mateu 6:33. Ɔtɛ a dui wa losanganya l’otshimbedi layotatɛ la salema lo Lovula 1994, “[Ntondo, totetemale la nyanga Diolelo, NW],” mbɔtɔnɛka l’ɔlɔlɔ tshɛ mɛtɛ.
2 Omak’etatelo ka losanganya, wayɔtɛtɛ lo kɛnɛ k’endana la mɛtɛ ka Diolelo, lowandji lahɛtahɛta lele la mbilo kalɔ, emboledi, ambolami ndo l’ɛlɛmbɛ alɔ. Mɛtɛ, ɛlɛmbɛ efula wodjami nshi nyɛ oma le mbolamatadi y’anto di’ɔlɔlɔ w’anto wekɔ l’atshina awɔ lo Bible.
3 Ayɔtɛkɛtama dikambo di’okokelo ndo di’ɛngɛnɔngɛnɔ wakondjaso naka sho mbetɛ Diolelo la ntondo k’akambo akina tshɛ lo nsɛnɔ yaso. Tayokondja alako w’eshika wayohomba tokimanyia dia sho ndjakokɛ oma lo tɔkiɔkɔ ta tokanyi t’anyanya. Asawo wa lo sɛkɛ, di’ɛnyɛlɔ ndo alako akina wayɛnya lande na kele eko ohomba momba sso diaso dimɛna.
4 Lushi la samalo, wanɛ walanga nongola batismu ndo wamboshila kotsha tɛdikɔ talɔmbama wayɛnya ndjakimɔ k’etondo awɔ otsha le Jehowa lo sɛkɛ. Lo wedi okina, sho nangaka monga sho tshɛ lawɔ lushi la lobingu dia nonga dako dia lo sɛkɛ diele la ɔtɛ a dui onɛ: “Kɛnɛ kayokotsha Diolelo diaki Nzambi dikambo di’anto.”
5 Tosale woho wa ndjalɔngɔsɔla dia monga lawɔ nshi yakɔ hiende yayoviya losanganya l’otshembedi. Dikongɛ, kamɛ ndo osanganelo w’ɔlɔlɔ l’anangɛso ndo akadiɛso, ayotokondjɛ ekeketshelo w’eshika ndo wawangasanu wele ndoko onto la l’atei aso layokombola pomba.