Ngaahi Fakataha Ngāue ki Sānuali
Uike Kamata Sānuali 3
Hiva 207
5 min: Ngaahi fanongonongo fakalotofonua. Fakaeʻa fuonounou ha ngaahi meʻa mahuʻinga ʻe niʻihi ʻi he ngaahi makasini ʻoku lolotonga maʻú ʻe fakamānako ki he kakai ʻi he kauhala fakalotofonuá.
25 min: Ngaahi fie maʻu fakalotofonuá. Pe malanga ke fai ʻe ha taha ʻo e kau mātuʻá ʻi he “The Problem of Learning to Wait,” fakatuʻunga ʻi he Ko e Taua Leʻo (faka-Pilitania), ʻOkatopa 15, 1993, peesi 8-11.
15 min: “Tokoniʻi ʻa e Niʻihi Kehé ke Nau Houngaʻia ʻi he Lahi ʻo e Mahuʻinga ʻo ʻEtau Ngaahi Tohí.” Fetalanoaʻaki mo e fakatahaʻangá. Fai ha fakahāhā fuonounou ʻo hoko atu ʻi he palakalafi 3 mo e 4. Fakahāhā hono ngāueʻaki ʻa e kiʻi tohi ko e ʻOku ʻI Ai Ha ʻOtua ʻOku Tokanga Mai? ʻi he fetalanoaʻaki ʻi he palakalafi 5.
Hiva 32 mo e lotu tuku.
Uike Kamata Sānuali 10
Hiva 48
10 min: Ngaahi fanongonongo fakalotofonua mo e Ngaahi Fanongonongo feʻunga mālie mei he Ko ʻEtau Ngāue Fakafaifekau ʻo e Puleʻangá.
15 min: ʻOkú Ke Mateuteu ke Fehangahangai mo ha Meʻa ʻOku ʻAhiʻahiʻi ai Hoʻo Tuí ʻi he Tuʻunga Fakafaitoʻó? Malanga fakatupu ueʻi loto ke fai ʻe ha taha ʻo e kau mātuʻa alafuá ke tokoniʻi ʻa e ngaahi tokouá ke nau houngaʻia ʻi he ʻaonga ʻo e maluʻi ʻoku fai ʻe he kaati ko e Advance Medical Directive/Release, ʻo ngāueʻaki ʻa e ngaahi meʻa mahuʻinga mei he palakalafi 1-3 ʻo e fakalahi ʻi he Ko ʻEtau Ngāue Fakafaifekau ʻo e Puleʻanga ʻo Nōvema 1990. ʻI he niʻihi ʻo e ngaahi Fakataha Fakavahe ko e “Ngaahi Meʻa ʻOku Akoʻi Mei He ʻOtuá,” naʻe lahi hake ʻi he peseti ʻe 50 ʻo e ngaahi kaatí ni naʻe ngāueʻaki ke maʻu ha ngaahi tohi naʻe tuku foʻou maí naʻe teʻeki ai ke fai ha fakamoʻoni hingoa ki ai, pea ʻikai ke ʻi ai ha taha kehe ke fakamoʻoni hingoa ki ai, pe fuʻu motuʻa. Tufaki ʻa e ngaahi kaati foʻoú ki he kau malanga kuo papitaisó pē, pea fai ha lāulea ki he fakahinohino ki hono fakafonu ʻo e kaatí ʻi he tohi ʻo ʻOkatopa 15, 1991. Fakahinohino ki he ngaahi tokouá ke ʻOUA ʻe fakafonu ʻa e ngaahi kaatí ʻi he poó ni kae ʻave ia ki honau ʻapí, fakakaukau mo faʻa lotu ki he meʻa ʻoku fie maʻu kiate kinautolú, pea toki fakafonu ʻa e kaatí. Pea ʻOUA ʻE FAKAMOʻONI HINGOA ʻi he kaatí. Toe ʻomai ʻa e kaati kuo ʻosi fakafonú ki he fakataha Ako Tohi ʻa e Fakatahaʻangá hono hokó, ʻa ia ʻe tokoni ai ʻa e kau mātuʻá ʻi hono ʻai ʻa e ngaahi kaatí ke fai ai ʻa e fakamoʻoni hingoá, pea ke ʻi ai mo ha taha kehe ke ne fakamoʻoni hingoa ki ai, pea hiki ʻa e ʻahó. Ko e toko taha ʻokú ne faiako ʻi he Ako Tohi ʻa e Fakatahaʻangá te ne ngāueʻaki ha fakahokohoko fakamuimui taha ke fakapapauʻi ko e kātoa ʻo kinautolu ʻi heʻene kulupú ʻoku nau fai ʻa e meʻá ni. (ʻE malava ke tokoni atu ki he ngaahi mātuʻa kuo papitaisó ki hono fakafonu ʻa e Identity Cards ki heʻenau fānaú.) Ka ʻi ai ha taha ʻe ʻikai te ne haʻu ki he Ako Tohi ʻa e Fakatahaʻangá ʻe kei lava pē ke tokoniʻi ʻe he kau faiakó/kau mātuʻá ʻi he Fakataha Ngāue hoko maí kae ʻoua kuo maʻu ʻe kinautolu kotoa pē kau malanga ʻosi papitaisó ʻenau kaatí kuo tonu hono fakafonú pea mo fakamoʻoni hingoa ki ai. ʻOku totonu ki he kau mātuʻá ke nau maʻu ha fakahokohoko ʻo kinautolu ʻoku kei toé pea feinga ke fakafonu ʻa e ngaahi kaatí hono kotoa ʻi he vave taha ʻe malavá.
20 min: “Toe ʻAʻahi ke Langaʻi Hake ʻa e Houngaʻiá.” Fetalanoaʻaki mo e kau fanongó. Fakahāhā ʻa e founga hono fai ha toe ʻaʻahi ki ha taha naʻá ne tali ʻa e kiʻi tohi ko e ʻOku ʻI Ai Ha ʻOtua ʻOku Tokanga Mai? ʻi hono ngāueʻaki ʻa e ngaahi fokotuʻu ʻi he palakalafi 5.
Hiva 84 mo e lotu tuku.
Uike Kamata Sānuali 17
Hiva 222
10 min: Ngaahi fanongonongo fakalotofonua mo e fakamatala paʻangá. Fakakau ki ai mo e fakamālō ki he ngaahi tokoni naʻe maʻú. Fakahāhā ʻa e houngaʻia ki he tokoni fakapaʻanga ʻa e kau malangá ki he ngaahi ngāue ʻa e Sosaieté pea pehē pē mo e fakatahaʻangá. Fakamanatu ki ha taha ʻoku teʻeki ke fakafonu ʻene kaati ko e Advance Medical Directive/Release ke ne fai ia ʻi he poó ni ʻaki ʻene sio ki he toko taha faiako ʻo e Ako Tohi ʻa e Fakatahaʻangá ʻokú ne kau ki aí pe ko ha taha kehe ʻo e kau mātuʻá.
20 min: “Ko e Ngāue ʻi he Feituʻu ʻOku Toutou Ngāueʻí.” Fehuʻi mo e tali ke fai ʻe he ʻovasia ngāué. ʻI he ngaahi fakatahaʻanga ʻoku toutou ngāueʻi ʻa e ngaahi feituʻu ʻoku nau ngāue aí, fai ha fakahāhā ʻo ngāueʻaki ʻa e lea kamata ʻe taha mei he ngaahi lea kamata ʻi he tohi Reasoning ʻoku lave ki ai ʻi he palakalafi 4 mo e 5 pea pehē pē mo ha lea kamata feʻunga ʻe taha ʻoku toʻo mei he palakalafi 6 mo e 7 pe ko ia kuo teuteuʻi tautefito ke feʻunga mo e feituʻu fakalotofonuá. ʻI he ngaahi fakatahaʻanga ʻoku ʻikai ke ngāueʻi maʻu pē honau ngaahi feituʻú, ʻoku ʻi ai ʻa e ngaahi lea kamata kehe ʻoku feʻunga mei he tohi Reasoning ʻoku totonu ke ngāueʻaki ʻi he ongo fakahāhaá. ʻOku totonu ke ʻahiʻahiʻi lelei ʻa e ongo fakahāhā ko ʻení.
15 min: Ko e Hā ʻa e Kahaʻu ʻo e Foʻi Māmaní? Fakatuʻunga ʻi he tohi Reasoning peesi 112-117. (5 min.) Malanga ke fakakau ki ai ʻa e ngaahi poini ʻi he ngaahi kaveinga tokoni ʻoku kamata ʻi he peesi 112 mo e 113, ʻo aʻu ki he lotolotonga ʻo e peesi 14. (7 min.) Ko ha toko taha malanga foʻou mo ha toko taha malanga taukei ʻokú na fetalanoaʻaki ʻi he fakamatala ʻi he peesi 114-116. Ko e ngaahi kāinga ʻi he māmaní ʻo e toko taha malanga foʻoú ʻoku nau kikihi ʻo pehē ʻoku fakahā ʻe he Tohi Tapú ʻe fakaʻauha ʻa e foʻi māmaní. ʻOku kole ʻe he toko taha malanga foʻoú ha tokoni mei he toko taha malanga taukeí ke ne maʻu ʻa e mahino ki he ngaahi konga Tohi Tapu ʻoku lave ki he foʻi māmaní. (3 min.) Fakaʻosí, fetalanoaʻaki ʻi he fehuʻi he peesi 117 “What kind of people will God favour with endless life on earth.” Fakalototoʻaʻi kotoa ke nau feinga lahi ke nau taau ke maʻu ʻa e fiefia ʻi ha monū pehē.
Hiva 212 mo e lotu tuku.
Uike Kamata Sānuali 24
Hiva 172
5 min: Ngaahi fanongonongo fakalotofonua. Fakalototoʻaʻi kotoa ke nau kau ʻi he ngāue fakamalangá ʻi he uiké ni. Fakahā ʻa e ngaahi fokotuʻutuʻu ʻa e fakatahaʻangá ki he ngāue fakamalangá.
10 min: Puha Fehuʻi. Malanga, fakakau ki ai mo e kau fanongó. Tokoniʻi kotoa ke maʻu ʻa e mahino ki he ʻuhinga ʻoku totonu ke fakahoko ai ʻa e meʻa ʻo hangē ko ia ʻoku fakahā ʻi he ʻuluaki palakalafi ʻe tolú. ʻI he taimi ʻe niʻihi ʻoku fai ha ngaahi tā telefoni ki he Sosaieté pea nau maʻu mo e ngaahi tohi mei he kakai ʻiteʻita ʻo nau pehē kuo ʻosi fakahā ki he Kau Fakamoʻoni ʻa Sihová ʻi ha ngaahi taimi ke ʻoua te nau toe ʻaʻahi ange, ka neongo ia ʻoku nau kei ʻalu ange pē. Ko ia ai, ʻi he lolotonga ʻo e kau ki he ngāue fale-ki-he-falé, ʻoku totonu ke tau vakaiʻi ʻa e sila ʻo e mape ʻo e feituʻú pea hikiʻi ʻa e ngaahi ʻapi kuo nau kole mai ke ʻoua ʻe toe ʻaʻahi angé.
15 min: Ngāueʻaki ʻe he Fāmilí ʻa e Yearbook Foʻoú. Ko e ʻulu ʻo e fāmilí te ne tataki ʻa e fāmilí ʻi hono toe vakaiʻi fakatupu loto-māfana ʻo e konga talateu ʻo e tohí ʻi he ʻuluaki ngaahi peesi ʻo e Yearbook 1994. Fakaʻosi ʻaki hono fokotuʻutuʻu ki he fāmilí ke nau lau ha ngaahi peesi ʻe niʻihi ʻo e Yearbook ʻi he uike taki taha.
15 min: Ko e Ngāue Fakamalanga ʻa e Fakatahaʻangá. Ko e ʻovasia ngāué mo ha taha ʻo e kau mātuʻá te na toe vakai ki he ngāue ʻa e fakatahaʻangá ʻi he māhina ʻe fā kuo ʻosí. Ko e vahe tolu ia ʻe taha ʻo e taʻu fakangāue kuo ʻosí (Sēpitema-Tisema). ʻOku fēfē ʻa e ngāue ʻa e fakatahaʻangá? Fai ha fakaongoongolelei ki he ngaahi tafaʻaki ʻoku lelei ai ʻa e ngāue ʻa e fakatahaʻangá. Toe fakahā foki ʻa e ngaahi tafaʻaki ʻe malava ke toe ʻi ai ha fakalaka ʻi he ngāue ʻa e fakatahaʻangá, pea fai ha ngaahi fokotuʻu ʻoku ʻaonga ki aí. Fakakau atu ha ngaahi meʻa naʻe hokosia nounou ʻe taha pe ua ko e meʻa fakalototoʻa mei he ʻuluaki māhina ʻe fā ʻo e taʻu fakangāué. Fakaʻosi ʻaki ha meʻa ʻoku fakatupu langa hake. Naʻe maʻu ʻa e fiefia ʻe Sīsū ʻi heʻene fakahoko ʻene ngāue fakamalangá. Te tau toe maʻu foki ha fiefia lahi ʻi heʻetau femoʻuekina ai pē ʻi he ngāue kuo vaheʻi mai ʻe Sihova ke tau faí.—Sione 4:34; 1 Kol. 15:58.
Hiva 151 mo e lotu tuku.
Uike Kamata Sānuali 31
Hiva 113
5 min: Ngaahi fanongonongo fakalotofonua. Fakalototoʻaʻi kotoa ke kamata tōmuʻa ʻi he ngāue fakamalangá ʻaki ʻa e kau ki ai ʻi he ngataʻanga ʻo e uike ní. Fakahā nai ha ngaahi fokotuʻu ke tokoni ki hono tuʻuaki ʻa e ngaahi makasini ʻoku lolotonga maʻú.
10 min: Tuʻuaki Atu ʻa e Tohi ko e Te Ke Malava ʻo Moʻui Taʻengata he Palataisi ʻi he Māmaní Mei He Fale ki he Fale. Malanga nounou mo fakalotomāfana ʻo kau ki he fakamoʻoni ki he lahi ʻo e mahuʻinga ʻo e tohí ʻi hono tokoniʻi ʻa e kakaí ke nau ʻilo mo lotu kia Sihova. Fakahāhā hono ngāueʻaki nai ʻe ha toko taha malanga ʻa e ngaahi fokotuʻu ʻi he tatau ko eni ʻo e Ko ʻEtau Ngāue Fakafaifekau ʻo e Puleʻangá ke teuteu ki hono ngāueʻaki ʻa e tohí ni ʻi he ngāue fakamalangá.
20 min: “Ko Hono Maʻu ʻa e Ngaahi Fakatahá—Ko ha Fatongia Mafatukituki Ia.” Fehuʻi mo e tali. Fekauʻaki mo e palakalafi 2, fakaʻekeʻeke ha kau malanga ʻe niʻihi kuo nau lavaʻi ʻa e ngaahi ngaahi faingataʻaʻiaʻanga ke nau maʻu maʻu pē ʻa e ngaahi fakatahá.
10 min: Ngaahi fie maʻu fakalotofonuá. Pe ha malanga ke fai ʻe ha taha ʻo e kau mātuʻá ʻi he “Have a Right View of God’s Mercy,” fakatuʻunga ʻi he Ko e Taua Leʻo (faka-Pilitania), ʻOkatopa 1, 1993, peesi 22-25.
Hiva 168 mo e lotu tuku.