Ngaahi Fakataha Ngāue ki Fēpueli

Uike Kamata Fēpueli 7

Hiva 163

15 min: Ngaahi fanongonongo fakalotofonua mo e Ngaahi Fanongonongo kuo filifili mei he Ko ʻEtau Ngāue Fakafaifekau ʻo e Puleʻangá. Fakaeʻa ʻa hono tuʻuaki atu ʻo e makasiní ʻo makatuʻunga ʻi he ngaahi tatau ʻoku lolotonga maʻú. Toe vakai ki he ngaahi poini tefito ʻi he Puha Fehuʻí.

18 min: “Fakatupulekina ʻa e Fie Fanongo ki he Puleʻanga Melino ʻo e ʻOtuá.” Fetalanoaʻaki ʻi he kupu ko ení mo e kau fanongó. ʻAi ha ongo fakahāhā ʻe ua. ʻI he hili ʻa e lave ki he palakalafi 2, fakahā ʻa e founga ke tuku atu ai ha tuleki ki he toko taha ʻapi ʻoku femoʻuekiná. ʻAi ha toko taha malanga ke ne ʻeke ʻi he anga-ʻaʻapa ha fehuʻi ʻa ia ʻe fakatoka ai ha makatuʻunga ki ha toe ʻaʻahi. Fakahāhā ʻa e founga ʻoku hā ʻi he palakalafi 3 ʻa ia ʻoku fakahā ai ʻe he toko taha ʻapí ha fie fanongo pea ʻoku ngāueʻaki ʻe he toko taha malangá ʻa e kiʻi tohí. ʻOku toe totonu foki ke fakatoka heni ha makatuʻunga ki ha toe ʻaʻahi.

12 min: Maʻu ʻa e ʻAonga mei he 1994 Yearbook. ʻI he ngāueʻaki ʻa e fakamatala ʻi he 1994 Yearbook, peesi 10-18, ʻoku fetalanoaʻaki ai ha taha ʻo e kau mātuʻá mo ha sevāniti ki he ngaahi meʻa fakalototoʻa ʻoku malava ke ngāueʻaki ki hono langaʻi hake ʻa e houngaʻia ki he kautaha fakateokalatí.

Hiva 172 mo e lotu tuku.

Uike Kamata Fēpueli 14

Hiva 207

10 min: Ngaahi fanongonongo fakalotofonua. Fakamatala paʻanga. Lave ki he ngaahi fakahā ʻo e houngaʻia mei he Sosaieté ki he ngaahi tokoni fakapaʻanga naʻe ʻave ki ai, pea fakaongoongoleleiʻi ʻa e fakatahaʻangá ki heʻenau poupou mateaki ki he ngaahi fie maʻu ʻa e fakatahaʻanga fakalotofonuá. Fakalototoʻaʻi ke kau ki he ngāue fakamalangá ʻi he fakaʻosinga ʻo e uiké.

20 min: “Langaʻi ke Tupu ʻi Hono Fai ha Ngaahi Toe ʻAʻahi ʻAki ha Taumuʻa.” Fehuʻi mo e tali. Fai ha fakahāhā ʻo e toe ʻaʻahi ʻo makatuʻunga ʻi he founga ʻoku hā ʻi he palakalafi 3. Fakaeʻa ʻa e fie maʻu ke ʻiloʻilo ʻo ʻoua ʻe fuʻu fakamatala lahi ʻi he lolotonga ʻo e ʻaʻahí, pea fakamamafaʻi ʻa e mahuʻinga ʻo hono fakahūhū ʻo fokotuʻu ʻa e fie fanongo ʻi ha ʻaʻahi ʻi he kahaʻú.

15 min: “Ko ha ʻAonga Lahi Ē Ke Toe Lau ʻa e Meʻa Kuo Fai ʻe Sihová!” Fehuʻi mo e tali ʻi he palakalafi 1-11 ʻo e kupu ko eni ʻi he konga fakalahí. ʻAi ha ongo fakamatala kuo ʻosi teuteu ke fai ʻe ha ongo tokoua ʻa ia kuo ʻi ai haʻana polokalama lau tohi fakatāutaha pe fakafāmili. Kole kiate kinaua ke na lave ki he meʻa kuó na fiefia ʻi heʻena ako ki aí.

Hiva 32 mo e lotu tuku.

Uike Kamata Fēpueli 21

Hiva 107

5 min: Ngaahi fanongonongo fakalotofonua.

15 min: “Fakavīkivikiʻi ʻa e ʻUluaki Tama ʻa Sihová!” Fehuʻi mo e tali. Ke fai eni ʻi ha founga māfana mo faivelenga ʻe ha taha ʻo e kau mātuʻá, ʻo fakalototoʻaʻi ʻa e faʻahinga kotoa ke nau ʻai ha fakahokohoko ʻo e faʻahinga te nau fakaafeʻi ke nau maʻu ʻa e Fakamanatú pea mo e fakataha malanga fakahāhā tuʻumaʻu hono hokó. Fai ha fakahāhā ʻi he ngaahi meʻa ʻoku hā ʻi he palakalafi 7. ʻAi ha toko taha malanga ke ne fakafetaulaki ki ha taha ʻokú ne hū mai ki he Kingdom Hall pea ʻokú ne sio takai. ʻOku ʻilo ʻe he toko taha malangá naʻe fakalototoʻaʻi ʻa e tangata ko iá ʻe hano kāinga ʻa ia ʻokú ne nofo ʻi ha kolo ʻe taha ke ne haʻu ki he Kingdom Hall. ʻOku fakaafeʻi ʻe he toko taha malangá ʻa e tangatá ni ke ne tangutu fakataha mo ia pea mo hono fāmilí koeʻuhi ke lava ke nau ngāue fakataha ʻaki ʻa e Tohi Tapú mo e tohi hivá. ʻOku pehē ʻe he toko taha malangá te ne tali ha ngaahi fehuʻi ʻe ʻeke nai ʻe he tangatá ni ʻi he hili ʻa e fakatahá. Fakaʻosi ʻaki ʻa e konga ko ʻení ʻa hono fanongonongo atu ʻa e taimi ʻe fai ai ʻe he fakatahaʻangá ʻa e Fakamanatú.

10 min: Ko e Tohi Tapú​—Ko e Matavai Lelei Taha ia ki Hotau Fakalototoʻá. Tohi Reasoning peesi 117-21. Malanga ke fai ʻe ha taha ʻo e kau mātuʻá. ʻOku fie maʻu ʻa e fakalototoʻa ki he tokolahi ʻi loto pea pehē ki tuʻa ʻi he fakatahaʻangá. Fakahā ʻa e founga ʻoku malava ke ngāueʻaki ai ʻe he toko taha malanga taki taha ʻi he fakatahaʻangá ʻa e Folofola ʻa e ʻOtuá ke fakalototoʻaʻi ʻa e niʻihi kehé.

15 min: “Ko Hono ʻUhingā ʻE ʻOku Fehiʻa ai ʻa Māmani Kiate Kimautolu.” Malanga ke fai ʻe ha toko taha taukei ʻo e kau mātuʻá.

Hiva 149 mo e lotu tuku.

Uike Kamata Fēpueli 28

Hiva 212

5 min: Ngaahi fanongonongo fakalotofonua. ʻŪ Ongoongo Fakateokalati.

15 min: “Ko ha ʻAonga Lahi Ē Ke Toe Lau ʻa e Meʻa Kuo Fai ʻe Sihová!” Fehuʻi mo e tali ʻi he palakalafi 12-20 ʻo e konga fakalahí. Ke fai ʻe ha ongo toko taha malanga ha fakamatala kuo ʻosi teuteu ʻo kau ki he ʻaonga kuó na maʻu mei he lau ʻo e tohí.

15 min: “Poupouʻi Fakaʻaufuli ʻa e Polokalama Fakataha Fakahāhā ʻi Hoʻo Fakatahaʻangá.” Ko ha malanga, ka ʻe fakakau nai ki ai ha fehuʻi ʻe taha pe ua ʻoku fai fakahangatonu ki he kau fanongó. Fakamatalaʻi ʻa e founga ʻoku malava ke ʻai ai ha faʻahinga fie fanongo ʻa ia ko ʻenau toki fuofua maʻu ia ʻa e Fakataha Fakahāhaá ke nau ongoʻi ʻoku talitali lelei kinautolu. ʻAi ha fakamatala kuo ʻosi teuteu mei ha toko taha malanga ke fakahā ai ʻa e founga kuó ne maʻu ai ʻa e ʻaonga mei hono maʻu maʻu pē ʻa e Fakataha Fakahāhaá.

10 min: “Tokanga Telia Naʻa Hala ʻa e Anga-ʻOfá.” Ko ha malanga.

Hiva 162 mo e lotu tuku.