Fakataha Ngāue ki Nōvema

Uike Kamata Nōvema 7

Hiva 149

10 min: Ngaahi fanongonongo fakalotofonua mo e Fanongonongo kuo filifili mei he ʻEtau Ngāue Fakafaifekau ʻo e Puleʻanga. Lave ki ha poini fakatupunga talanoa ʻe taha pe ua ʻi he ngaahi makasini fakamuimui taha taki taha ʻa ia ʻe lava ke ngāueʻaki ʻi hono tuʻuaki kinautolú.

18 min: “ʻOku Maʻu ʻe he Folofola ʻa e ʻOtuá ʻa e Mālohi.” Fehuʻi mo e tali. Fakakau ki ai ha fakamatala ki he mahuʻinga ʻo e lau Tohi Tapu tuʻumaʻu ʻo makatuʻunga ʻi he talateu ʻo e Ko Hono Vakaiʻi Fakaʻaho ʻa e Tohi Tapú​—1994.

17 min: “Ko e Tohi Tapú​—Ko e Maʻuʻanga ʻo e Fiemālie mo e ʻAmanaki ʻi ha Māmani Faingataʻaʻia.” Fetalanoaʻaki mo e kau fanongó. Fokotuʻutuʻu ha ongo fakahāhā ʻe ua ke fakahāhaaʻi ai ʻa e founga ke ngāueʻaki ai ʻa e ngaahi founga malanga kuo fokotuʻu maí.

Hiva 220 mo e lotu tuku.

Uike Kamata Nōvema 14

Hiva 133

10 min: Ngaahi fanongonongo fakalotofonua. Lau ʻa e fakamatala paʻangá pea mo ha ngaahi fakamālō ki ha tokoni kuo fai. Fakamanatu ʻa e ngaahi fokotuʻutuʻu ki he ngāue fakamalanga he lolotonga ʻo e uike hono hokó.

17 min: “Ko e Faʻahinga Laumālie Fēfē ʻOkú Ke Fakahāhaá?” Ko ha malanga. Fakakau ki ai ha fakamatala mei he tatau ʻo e The Watchtower ʻo Sune 15, 1977, peesi 369, palakalafi 4 mo e 5.

18 min: “Ngaahi Founga ke ʻAi ke Lelei Ange ai ʻEtau Ngāue Fakamalanga Fekauʻaki mo e Puleʻangá.” Fehuʻi mo e tali. Fakaafeʻi ʻa e kau fanongó ke nau fakahā ha ngaahi meʻa naʻe hokosia ʻo fakahaaʻi ai ʻa e founga naʻe ngāueʻaki ai ʻa e ngaahi fokotuʻu naʻe ʻomai ʻi he ʻEtau Ngāue Fakafaifekau ʻo e Puleʻanga ʻo maʻu ha ngaahi ola lelei.

Hiva 32 mo e lotu tuku.

Uike Kamata Nōvema 21

Hiva 42

12 min: Ngaahi fanongonongo fakalotofonua. Puha Fehuʻi. Ko ha malanga. Ngāueʻaki fakalotofonua ʻa e fakamatalá.

15 min: Ngaahi fiemaʻu fakalotofonua. Pe ko ha malanga ke fai ʻe ha taha ʻo e kau mātuʻá ʻo makatuʻunga ʻi he “Houngaʻia ʻI Hoʻo Ngāue Toputapú” ʻi he tatau ʻo e The Watchtower, ʻo Sepitema 1, 1994, peesi 29.

18 min: “Tokoniʻi ke Nau Toe Fanongo ‘ʻI ha Taimi Ange’” Fetalanoaʻaki mo e kau fanongó. ʻAi ha ongo fakahāhā ʻosi teuteuʻi lelei ʻe ua ke fakahaaʻi ʻa e founga ʻe ngāueʻaki ai ʻa e Tohi Tapú ʻi hono kamata ha ako.

Hiva 98 mo e lotu tuku.

Uike Kamata Nōvema 28

Hiva 135

10 min: Ngaahi fanongonongo fakalotofonua. Fakahāhaaʻi ʻa e ngaahi founga ʻo hono tuʻuaki atu ʻa e ngaahi makasini fakamuimui tahá.

17 min: “Ngaahi Tāpuaki ʻOku Maʻu Mei He Ngāue Mo e Niʻihi Kehé.” Fehuʻi mo e tali. Fakalototoʻaʻi kotoa ke poupouʻi ʻa e ngaahi fakataha ki he ngāue fakamalanga kuo fokotuʻutuʻu ʻe he fakatahaʻangá kaeʻoua ʻe ʻai maʻu pē ʻa e ngaahi fokotuʻutuʻu fakataautaha ke taki taha ʻalu pē ʻiate ia. Ko e ngāue fakataha mo e kulupú ʻoku iku ai ki ha toe ngaahi tāpuaki, toe ola lelei ange ai ʻa e ngāué, pea fefakalototoʻaʻaki ai.

18 min: Ko hono tuʻuaki atu ʻa e Tohi ʻo e Ngaahi Talanoa Faka-Tohitapú he lolotonga ʻo Tīsemá. ʻOku lahi ʻaupito ʻa hono fiemaʻu ʻo e tohí ni. ʻOku laui teau miliona ʻa e kakai ʻoku nau taku ko e kau muimui kinautolu ʻo Sīsū pea ʻoku nau taukaveʻi ʻoku nau tui ki he Tohi Tapú. ʻOku fiemaʻu ke ʻilo ʻa e kakaí ki he meʻa ʻoku akoʻi moʻoni mai ʻe he Tohi Tapú​—ko honau fakahaofí ʻoku fakatuʻunga ai. Lave ki ha talanoa ʻe ua pe tolu ʻa ia ʻe lava nai ke ngāueʻaki ʻi hono tuʻuaki ʻa e tohí. ʻAi ha tokotaha malanga ola lelei ke ne fakahāhā ha founga malanga ʻo ngāueʻaki ha taha ʻo e ngaahi talanoá ni. Fakalototoʻaʻi kotoa ke kau ki hono tuʻuaki atu ʻa e tohí ni he lolotonga ʻo Tīsemá.

Hiva 84 mo e lotu tuku.