Ngaahi Fakataha Ngāue ki Sanuali
Uike Kamata Sanuali 4
Hiva 163
10 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga.
15 min: “Ngāueleleiʻaki ʻa e Ngaahi Tohi Motuʻá.” Fehuʻi mo e tali. Lave ki he ngaahi tohi motuʻa ʻoku ʻi he sitoka fakalotofonuá. ʻOhake ha niʻihi ʻo honau ngaahi tafaʻaki mahuʻingá, pea fakamatalaʻi ʻa e founga ʻe lava ke tuʻuaki ai ki he niʻihi kehé. Fakalototoʻaʻi ʻa e tokotaha kotoa pē ke tuʻuaki ʻa e ngaahi tohi ko ʻení ʻi he ngāue fakamalangá pea ʻi he faifakamoʻoni ʻikai ʻi he founga anga-mahení he lolotonga ʻo Sanualí. Fakakau atu ki ai hano fakahāhaaʻi ha tuʻuaki nounou, mo faingofua.
20 min: “Ko ʻEtau Fakapapau—Ke Tulimui ki he Founga ʻa Sihova ki he Moʻuí.” Ko ha malanga. Fakakau atu ki ai ʻa e fakalototoʻa ki he tokotaha kotoa pē ke maʻu maʻu pē ʻa e ngaahi fakataha fakauike ʻe nima ʻa e fakatahaʻangá.
Hiva 84 mo e lotu tuku.
Uike Kamata Sanuali 11
Hiva 212
10 min: Ngaahi fanongonongo fakalotofonua. Fakamatala paʻangá.
20 min: ʻOkú Ke Vakaiʻi Fakaʻaho ʻa e Ngaahi Konga Tohitapú? Malanga mo e fetalanoaʻaki mo e kau fanongó. ʻI he taʻu taki taha ʻoku tokonaki mai ai ʻe he Sōsaietí ʻa e kiʻi tohi Ko Hono Vakaiʻi Fakaʻaho ʻa e Tohitapú. ʻOkú ke ngāueleleiʻaki fakafoʻituitui pe fakafāmili ʻa e tohi ko ʻení? Fakamatalaʻi ʻa e ngaahi ʻuhinga ʻaonga ki he ʻuhinga ʻoku totonu ai ke tau lāulea ki he konga Tohitapú ʻi he ʻaho taki taha. Fakamatalaʻi ʻa e ngaahi fakamatala mei he talateu ʻo e Ko Hono Vakaiʻi Fakaʻaho ʻa e Tohitapú—1999, peesi 3-4. Fakaafeʻi ʻa e kau malangá ke nau lave ki he feinga makehe ʻoku nau fai ke nau lāulea faitotonu ai ki he konga tohi fakaʻahó mo e ngaahi fakamatalá fakafoʻituitui mo fakafāmili.
15 min: “Mou Kataki Pe.” Fetalanoaʻaki ʻi he vahaʻa ʻo e ngaahi mēmipa ʻo ha fāmili. ʻOku nau fakamanatu ʻa e ngaahi founga ʻe lava ke nau fakahāhā ai ʻa e anga-kātakí ki ha tuʻunga lahi ange ʻi heʻenau ngāue fakafaifekaú. Fakakau atu ki ai mo e ngaahi fakamatala feʻungamālie mei he Watchtower ʻo Sune 15, 1995, peesi 12.
Hiva 135 mo e lotu tuku.
Uike Kamata Sanuali 18
Hiva 143
5 min: Ngaahi fanongonongo fakalotofonua.
10 min: Ngaahi fiemaʻu fakalotofonua.
15 min: “Takimuʻa ʻa e Kau ʻOvasiá—Kau Faiako ʻi he Ako Tohi ʻa e Fakatahaʻangá.” Malanga ke fai ʻe ha tokotaha faiako ako tohi alafaʻifaʻitakiʻanga, ʻa ia ʻokú ne fakamanatu ai hono ngaahi fatongiá. ʻOkú ne fakahaaʻi ʻa e founga ʻoku tokoni ai ʻa e ngāue peheé ki he fakalakalaka mo e moʻui lelei fakalaumālie ʻa e fakatahaʻangá. Fakakau atu ki ai mo e ngaahi fakamatala tefito mei he Organized to Accomplish Our Ministry, peesi 43-45, 74-76.
15 min: “Ko Hono Kamata ʻa e Ngaahi Ako ʻi he Polosiua Fiemaʻu.” Lāulea ʻi he fehuʻi mo e tali.
Hiva 48 mo e lotu tuku.
Uike Kamata Sanuali 25
Hiva 207
10 min: Ngaahi fanongonongo fakalotofonua.
15 min: “Fakatonutonu ʻi he Ngaahi Houa ʻOku Fiemaʻu ki he Kau Tāimuʻá.” Malanga ke fai ʻe ha tokotaha mātuʻa. Fakaongoongoleleiʻi ʻa e kau tāimuʻa ʻi he fakatahaʻangá, pea fakalototoʻaʻi ha kau malanga tokolahi ange ke nau kau ki he ngāue tāimuʻa tokoní mo tuʻumaʻú, ʻo fakakaukau ki ha ngāue lahi ange he lolotonga ʻo Maʻasi, ʻEpeleli, mo Meé. Fakakau atu ki ai mo e fakamatala mei he fakalahi ʻo ʻEtau Ngāue Fakafaifekau ʻo e Puleʻanga ʻo Fepueli 1997 mo Siulai 1998.
20 min: Ko Hono Fai ha Fili Fakalao ki he Faitoʻo ʻIkai ha Toto ki Hono Tokangaʻi ʻo e Moʻuí (Ng. 15:28, 29). Ko ha tokotaha mātuʻa taau ke ne fakamatalaʻi ʻa e mahuʻinga ʻo hono fakafonu ʻa e kaati Advance Medical Directive/Release, ʻo makatuʻunga ʻi he fakamatala hoko haké mo e tohi ʻi ʻOkatopa 15, 1991. Ko e fakahinohino fakamānavaʻi ʻi he Sāme 19:7 ʻoku hā ai ko e Ngāue 15:28, 29 ko ha fakahāhā ia ʻo e lao haohaoa ʻa e ʻOtuá ki he totó. ʻOku feinga ʻa e kau lotu mateakí ke pouaki ʻa e lao ko iá. Ko e kaati ko ʻení te ne ʻai ke ʻiloa hoʻo fakapapau ke fai peheé pea lea maʻau ʻi he taimi ʻoku ʻikai ai te ke malava ke ke lea maʻaú. (Fakafehoanaki mo Palovepi 22:3.) Ko ha kaati foʻou ʻoku tokonaki mai ai ha fakamatala lolotonga ʻo hoʻo fakafisi ke huhu totó. ʻI he hili ʻa e fakataha ko ʻení, ko e Kau Fakamoʻoni ʻosi papitaisó ʻe ʻoatu ki ai ha kaati foʻou, pea ko e faʻahinga ʻoku ʻi ai haʻanau fānau iiki ʻoku teʻeki ke papitaisó ʻe ʻoatu ki ai ʻa e Identity Card ki he tama taki taha. Ko e ngaahi kātí ʻe ʻikai ke fakafonu ia ʻi he pō ko ʻeni. ʻOku totonu ke nau fakafonu fakalelei ia ʻi ʻapi kae ʻOUA ʻe fakamoʻoni hingoa ai. Ko e fakamoʻoni hingoá, fakamoʻoní, pea mo e ʻaho ki he ngaahi kātí kotoa ʻe fai ia ʻi he hili ʻa e Ako Tohi ʻa e Fakatahaʻangá ka hoko maí, ʻo tokangaʻi ʻe he tokotaha faiako ʻo e ako tohí. Ki muʻa ke fakamoʻoni hingoá, fakapapauʻi naʻe fakafonu fakalelei ʻa e ngaahi kātí. Ko e faʻahinga ʻoku nau fakamoʻoni hingoa ko e kau fakamoʻoní ʻoku totonu ke nau sio tonu ʻi he fakamoʻoni hingoa ʻa e tokotaha ʻoku ʻaʻana ʻa e kātí. ʻI hono liliu lea mei he kaati ko ʻení ki honau ngaahi tuʻunga mo e ngaahi tuipau pē ʻa kinautolú, ko e kau malanga teʻeki papitaisó te nau hiki nai haʻanau fakahinohino pē ʻa kinautolu ke nau ngāueʻaki pea mo ʻenau fānaú. ʻOku totonu ki he kau faiako ʻo e Ako Tohí ke ʻai ha lisi ke fakapapauʻi ai ko e faʻahinga kotoa pē kuo vaheʻi ki heʻenau kulupú ʻoku nau maʻu ʻa e tokoni ʻoku nau fiemaʻu ki hono fakafonu ʻa e kaati Advance Medical Directive/Release.
Hiva 149 mo e lotu tuku.