Taimi-Tēpile ki he Fakataha Ngāué
Uike Kamata Mē 8
Hiva 135
13 min: Ngaahi fanongonongo fakalotofonua mo e Fanongonongo kuo filifili mei he ʻEtau Ngāue Fakafaifekau ʻo e Puleʻanga.
22 min: “Fakataha-Lahi Fakavahe ‘Kau Fai ki he Folofola ʻa e ʻOtuá’ 2000 ʻa e Kau Fakamoʻoni ʻa Sihová.” Ke fai ʻe he Sekelitalí ʻa e fehuʻi mo e tali ʻi he kupu ʻi he fakalahí. Fakamamafaʻi ʻa e mahuʻinga ʻo hono fokotuʻutuʻu ʻe he tokotaha kotoa pē ʻa e ngaahi ʻaho mālōlō pau ʻi ha taimi ki muʻa koeʻuhi ke nau maʻu ʻa e ʻaho kotoa pē ʻo e fakataha-lahí, ʻo kau ai ʻa e Falaité.
10 min: Fakamanatu ʻa e Puha Fehuʻí.
Hiva 98 mo e lotu tuku.
Uike Kamata Mē 15
Hiva 120
13 min: Ngaahi Fanongonongo fakalotofonua. Fakamatala paʻangá.
17 min: “ʻOkú Ke Houngaʻia ʻi he Ngaahi Meʻa Toputapú?” Ko ha malanga ke fai ʻe ha tokotaha mātuʻa. Fakamamafaʻi ʻa e mahuʻinga ʻo e kau ki he ʻaho kotoa ʻe tolu ʻo e fakataha-lahi fakavahé.
15 min: “Ko ha Monū ʻOku ʻAtā ke Maʻu ʻe he Kau Talavoú.” Malanga mo ha fetalanoaʻaki mo e kau fanongó. Lave ki he ngaahi meʻa naʻe hokosia ʻoku maʻu ʻi he Taua Leʻo ʻo Tīsema 1, 1996, peesi 23, palakalafi 15. Fakaafeʻi ʻa e kau talavoú ke nau fakamanamanatu ʻa e founga naʻa nau fiefia ai ʻi he tufa ʻo e ngaahi makasiní. ʻAi ha toʻutupu ʻe toko taha pe toko ua ke na fakahāhā ha tuʻuaki makasini faingofua ʻi he matapā-ki-he-matapaá. Fakalototoʻaʻi ʻa e ngaahi mātuʻá ke nau ō mo ʻenau fānaú ʻi he ngāue fakamakasiní ʻi he uike kotoa pē.
Hiva 207 mo e lotu tuku.
Uike Kamata Mē 22
Hiva 163
8 min: Ngaahi fanongonongo fakalotofonua.
20 min: “Mou Hanganaki ʻĀ Pē.” Fetalanoaʻaki ʻi he fehuʻi mo e tali. Fakamatalaʻi ʻa e ʻuhinga ʻoku fakavavevave ai ke tau hanganaki ʻāʻā fakalaumālié neongo ʻoku ʻikai te tau ʻiloʻi ʻa e ʻahó mo e houá.—Sio ki he Ngaahi Kupu ki he Ako mei he “Ko e Taua Leʻo” Faka-Pilitānia 1995 (br2), peesi 63.
17 min: Tokoniʻi ʻa e Faʻahinga Mahuʻingaʻia Foʻoú Ke Nau Houngaʻia ʻi he Toputapu ʻo e Nofo Malí. Ke tataki ʻe ha tokotaha mātuʻa ʻa e fetalanoaʻaki mo e kau fanongó ʻo makatuʻunga ʻi he tohi Reasoning, peesi 248-250. ʻOku tau fetaulaki mo ha ngaahi hoa mali ʻoku nau tali ʻa e pōpoaki ʻo e Puleʻangá ka ʻoku tuai ke nau fai ha fakalakalaka koeʻuhi ʻoku nau nofo fakataha ʻo ʻikai ha tokoni ʻa ha mali fakalao. Lāulea ki he founga ke tokoniʻi ai kinautolu ke nau mahinoʻi ʻa e ʻuhinga kuo pau ai ke poupouʻi ʻe he kau Kalisitiané ʻa e nofo mali lāngilangiʻiá. (Sio ki he Awake! ʻo Sanuali 8, 1992, peesi 26-27.) Fai ha ngaahi fokotuʻu fekauʻaki mo e meʻa ʻe lava ke tau lea fakapotopoto ʻaki ke tokoniʻi ʻa e ngaahi hoa mali peheé ke nau sio ki he ʻuhinga ʻe ʻikai lava ai ke nau hoko ko ha konga ʻo e fakatahaʻangá kae ʻoua ke lēsisita fakalao ʻenau nofo malí.
Hiva 195 mo e lotu tuku.
Uike Kamata Mē 29
Hiva 135
12 min: Ngaahi fanongonongo fakalotofonua. Fakamanatu ki he tokotaha kotoa ke ʻomai ʻenau līpooti ngāue fakamalanga ki Meé. Fakahāhā ha tuʻuaki nounou ʻo e tohi ʻoku tuʻuaki ʻi Suné. Fakahaaʻi ʻa e founga ke tuʻuaki ai ha ako Tohitapú, ʻo ngāueʻaki ʻa e lēsoni 13 ʻi he polosiua Fiemaʻu.
15 min: “Maʻu ʻa e Fiefia ʻi Hoʻo Ngāue Toputapú.” Ko ha malanga. Lāulea ki he ngaahi ʻuhinga ʻoku ʻi ai ai ʻa e ʻuhinga ke tau fiefia ai ʻi heʻetau ngāue fakafaifekaú.—Sio ki he Insight, Voliume 2, peesi 120.
18 min: Ko e Lau Tohitapu ko Ia ʻOku Fakapaleʻí. Malanga mo ha fakahāhā makatuʻunga ʻi he School Guidebook, peesi 34-35, palakalafi 6-7. Ko ha tuʻunga ʻo e polokalama lau Tohitapú, ʻa ia ʻoku makatuʻunga mei ai ʻa e ngaahi meʻa mahuʻinga ʻi he Tohitapú, ko e konga ia ʻo e ngaahi meʻa ʻoku kau ki he Ako Fakafaifekau Fakateokalatí. (Tīsema 1999 ʻEtau Ngāue Fakafaifekau ʻo e Puleʻanga, peesi 7) ʻAi ha kulupu ʻo ha fāmili ke nau fakahāhā ʻa e founga ʻoku lava ai ha fāmili ke lāulea ki ha konga ʻo e lautohi ki he uike ko ení ki he akó. ʻOku nau fili ha poini mahuʻinga ʻe taha pe ua pea fai mo ha fekumi fakalahi ʻi he Watch Tower Publications Index pe Insight on the Scriptures. Fakahaaʻi ʻa e founga ʻe lava ai ke hoko ʻo mohu ʻuhinga lahi ange ʻa e lau ʻo e Tohitapú, ʻo teuʻi lelei ange ai kitautolu ke tau ‘tofa totonu ʻa e folofola ʻo e moʻoní.’—2 Tim. 2:15.
Hiva 163 mo e lotu tuku.
Uike Kamata Sune 5
Hiva 51
10 min: Ngaahi fanongonongo fakalotofonua. Ngaahi meʻa naʻe hokosia ʻi hono ngāueʻaki ʻa e polosiua Fiemaʻu.
15 min: Ngaahi fiemaʻu fakalotofonuá.
20 min: “‘Siviʻi Pe ʻOku Taau’—Anga-Fēfē?” Malanga ke fai ʻe ha tokotaha mātuʻa. Fakamanatu ʻa e fokotuʻutuʻu Fakatohitapu ki hono maʻu ha kau sevāniti fakafaifekau ʻi he fakatahaʻangá. (Sio ki he Insight, Voliume 2, peesi 409.) Fakahaaʻi ʻa e ngaahi tuʻunga taau kuo pau ke nau aʻusia ki hono fakanofó. (Sio ki he tohi Our Ministry, peesi 55-57.) ʻOhake ʻa e ngaahi founga ʻe lava ke ngāue ki ai ʻa e kau sevāniti fakafaifekaú, pea fakalototoʻaʻi ʻa e fanga tokoua lahi ange ke nau kakapa atu ki he monū ko ení.
Hiva 204 mo e lotu tuku.