Taimi-Tēpile ki he Fakataha Ngāué

Uike Kamata Mē 12

Hiva 26 (212)

10 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga. Fakakau ai ʻa e fakamatala ʻi he “Ko ha Līpooti ʻA Ia ʻOku Lelei!” ʻI hono ngāueʻaki ʻa e ngaahi fokotuʻu ʻi he peesi 6, ʻai ha ongo fakahāhā mavahevahe ʻo e founga ke tuʻuaki ai ʻa e Taua Leʻo ʻo Mē 15 mo e Awake! ʻo Mē 22. ʻI he tuʻunga taki taha, ʻoku totonu ke tuʻuaki tauhoa ʻa e ongo makasiní, neongo ko e taha pē ʻoku lāulea ki aí. Fakakau ai ʻa e fakamatala ki he fokotuʻutuʻu ki ha meʻaʻofá.

20 min: Ngaahi Mātuʻa​—Tokoniʻi Hoʻomou Fānaú Ke Nau Fakalakalaka. Ko ha malanga ʻo lāulea ki he ngaahi meʻa mahuʻinga ʻi he tohi Ako Fakafaifekau, peesi 9-​12 mo e 21-​38. Fakalototoʻaʻi ʻa e ngaahi mātuʻá ke nau ngāueʻaki ʻa e niʻihi ʻo e fakamatala ko ení ʻi heʻenau ako fakafāmilí, fakataha mo e taumuʻa ko hono akoʻi ʻenau fānaú ke nau fakalakalaka ʻi he ngāue fakafaifekaú. Fakahanga ʻa e tokangá ki he ngaahi poini pau ʻa ia ʻe lava ke ngāueʻaki ke tokoniʻi ʻa e fānaú ke nau fakatupulekina ʻa e ngaahi pōtoʻi ʻoku fiemaʻú.

15 min: “Tuku Mai ʻa e Ongoongo Leleí.”a Fokotuʻutuʻu ki muʻa ki ha tokotaha malanga ʻe toko taha pe toko ua ke na fakamatala nounou ki he founga naʻá na malava ai ke feʻunuʻaki ʻa hona ngaahi tuʻunga fakafoʻituituí koeʻuhi ke fakalahi ai ʻena kau ʻi he ngāue fakamalangá.

Hiva 5 (46) mo e lotu tuku.

Uike Kamata Mē 19

Hiva 23 (200)

10 min: Ngaahi fanongonongo fakalotofonua. Fakamatala paʻangá.

20 min: “Fakataha-Lahi Fakavahe 2003 ‘ʻAve ki he ʻOtuá ʻa e Lāngilangí’ ʻa e Kau Fakamoʻoni ʻa Sihová.”b Ke fai ʻe he sekelitali ʻa e fakatahaʻangá, fakataha mo e tokangataha ki he palakalafi 4-​8. Ki muʻa ke lāulea ki he fakalahí, lau ʻa e tohi ki he vahevahe ʻo e fakataha-lahí ʻo Tīsema 27, 2002. Fakaongoongoleleiʻi māfana ʻa e tokotaha kotoa ʻi heʻenau fai vave ʻenau ngaahi fokotuʻutuʻu ki he fakataha-lahí.

15 min: “Fakahīkihikiʻi ʻa Sihova ʻAki ʻa e Fakamoʻoni ʻi he Founga ʻIkai Anga-Mahení.” Malanga mo e fetalanoaʻaki mo e kau fanongó. ʻI he lāulea ki he palakalafi 3, ʻeke ki he kau fanongó ʻa e meʻa ʻe lava ke leaʻaki ke kamataʻi ha fetalanoaʻaki faka-Tohitapu ʻi he niʻihi ʻo e ngaahi tuʻunga ko ení: (1) lolotonga ʻa e tuʻu laine ʻi ha kānita totongi, (2) lolotonga hono ngāueʻaki ʻa e meʻalele maʻá e kakaí, (3) ki ha kaungāʻapi ʻoku ngāue ʻi he loto ʻapí, (4) ki ha kaungāngāue ʻi ho feituʻu ngāueʻangá, pea (5) ki ha kaungā kalasi ʻi he akó. Fokotuʻutuʻu ki muʻa ki ha meʻa naʻe hokosia fakalotofonua ʻoku fakahaaʻi ai ʻa e founga naʻe fai ai ʻe he tokotaha malangá ha fakamoʻoni lavameʻa ʻi he founga ʻikai anga-mahení.

Hiva 11 (85) mo e lotu tuku.

Uike Kamata Mē 26

Hiva 16 (143)

10 min: Ngaahi fanongonongo fakalotofonua. Fakamanatu ki he tokotaha kotoa ke ʻomai ʻenau līpooti ngāue ki Meé. ʻI hono ngāueʻaki ʻa e ngaahi fokotuʻu ʻi he peesi 6, ʻai ha ongo fakahāhā mavahevahe ʻo e founga ke tuʻuaki ai ʻa e Taua Leʻo ʻo Sune 1 mo e Awake! ʻo Sune 8. ʻI he tuʻunga taki taha, ʻoku totonu ke tuʻuaki tauhoa ʻa e ongo makasiní, neongo ko e taha pē ʻoku lāulea ki aí. ʻI he fakaʻosi ʻo e taha ʻo e ongo tuʻuakí, tuku ʻa e tuleki Te Ke Saiʻia ke ʻIlo Lahi Ange ki he Tohitapú? ʻi ha tokotaha-ʻapi ʻa ia naʻe ʻikai te ne tali ʻa e ongo makasiní.

10 min: Puha Fehuʻi. Ko ha malanga. Fakamanatu nounou ha ngaahi fokotuʻu ki he tuʻuaki he telefoní naʻe hā ʻi he ʻEtau Ngāue Fakafaifekau ʻo e Puleʻanga ʻo Fepueli 2001, peesi 5, palakalafi 12-​15, pe ko ha ngaahi fokotuʻu kehe kuo ola lelei ʻi he feituʻu ngāue fakalotofonuá.

25 min: “Ko e Folofola ʻa e ʻOtuá ʻa e Moʻoní.”c Ngāueʻaki ʻa e ngaahi fehuʻi ʻoku ʻoatú. Fakaafeʻi ʻa e kau fanongó ke nau fakamatala ki he founga naʻe tokoniʻi ai kinautolu ke nau ako ʻa e moʻoní ʻi hono ngāueʻaki ʻe he kau malangá ʻa e Tohitapú ke tali ʻenau ngaahi fehuʻí. ʻI he lāulea ki he palakalafi 4, ʻai ha tokotaha malanga lavameʻa ke ne fakahāhā ʻa e founga ke ngāueʻaki ai ʻa e Tohitapú ʻi he ʻuluaki ʻaʻahí, ʻo ngāueʻaki ʻa e niʻihi ʻo e ngaahi fokotuʻu ʻoku hā ʻi he kupu “Tofa Totonu ʻa e Folofola ʻa e ʻOtuá.”​—km 4/03 p. 3.

Hiva 6 (45) mo e lotu tuku.

Uike Kamata Sune 2

Hiva 21 (191)

10 min: Ngaahi fanongonongo fakalotofonua. Fakamanatu ha fokotuʻu ʻe taha pe ua ʻi he fakalahi ʻo ʻEtau Ngāue Fakafaifekau ʻo e Puleʻanga ʻo Sanuali 2002 ki hono tuʻuaki ʻa e polosiua Fiemaʻu mo e tohi ʻIlo.

20 min: Nofo Mali Tāú—Ko ha Fiemaʻu Fakaʻotua. Malanga mo e fetalanoaʻaki mo e kau fanongó. ʻI he ngaahi fonua lahi, ʻoku anga-maheni ʻaki ai ki he ngaahi hoá ke nau nofo fakataha ʻo ʻikai mali fakalao. ʻOku taukaveʻi ʻe he niʻihi ʻoku ʻi ai ʻa e ngaahi ʻaonga ʻo e meʻá ni. Fakahanga ʻa e tokangá ki he vakai ʻa e Tohitapú, ʻo fakamamafaʻi ko e nofo malí naʻe fokotuʻu fakaʻotua ia. (rs-E p. 248-9) Ko e nofo fakataha taʻemalí ko e feʻauaki ia. (fy p. 17) ʻI he kehe mei he tui ʻa e tokolahi, ʻoku fakahaaʻi ʻi he ngaahi fakatotoló ko e nofo fakataha ki muʻa ke malí ʻoku fakasiʻisiʻi ai ʻa e ngalingali ʻe lavameʻa ʻa e nofo malí. (g02-E 3/8 p. 29; g92-E 9/8 p. 28; g91-E 5/8 p. 28) ʻOku fakalāngilangiʻi ʻe he kau Kalisitiané ʻa Sihova ʻaki ʻa e fai ki heʻene ngaahi tuʻungá. ʻI hono fai iá, ʻoku nau toe maʻu ʻaonga tonu ai.​—Ai. 48:​17, 18.

15 min: ʻOkú Ke Maʻu ʻAonga Fēfē? Fetalanoaʻaki mo e kau fanongó ke fai ʻe he ʻovasia akó. Kamata ʻi Sanuali, naʻe fakafeʻiloaki ai kitautolu ki ha fokotuʻutuʻu foʻou ki he Ako Fakafaifekau Fakateokalatí. Fakamanatu nounou ʻa e niʻihi ʻo e ngaahi tafaʻaki foʻou ʻo e akó. Fakamamafaʻi ʻa e ngaahi ola ʻaonga kuo aʻu ki aí. Kuo kau ha tokolahi ange ki he akó? Kuo ʻi ai ha vēkeveke lahi ange ke kau ki ai? ʻOku anga-fēfē ʻa e maʻu ʻaonga ʻa e kau akó mei he ngaahi fokotuʻutuʻu foʻou ki hono fai ʻo e akonakí? Fakaafeʻi ʻa e kau fanongó ke nau fakamatala ki he founga kuo nau maʻu ʻaonga fakafoʻituitui ai ʻi he aʻu mai ki he taimi ní mo e anga ʻo ʻenau ongoʻi ʻe tokoniʻi kinautolu ʻe he polokalama foʻoú ʻi he kahaʻú.

Hiva 11 (85) mo e lotu tuku.

[Fakamatala ʻi lalo]