Ирле-хатынлылар үз мөнәсәбәтләрен ничек ныгыта ала

Ибраһим белән Сара, бер-берсенә ярату һәм хөрмәт күрсәтеп, бик яхшы үрнәк калдырган (Яр 12:11—13; 1Пт 3:6). Юк, аларның никахы камил булмаган, һәм аларга күп сынаулар кичерергә туры килгән. Ибраһим белән Сара үрнәгеннән ирле-хатынлылар нәрсәгә өйрәнә ала?

Бер-берегез белән аралашыгыз. Тормыш иптәшегез боеккан я ачуланган чакта әйткән сүзләргә басынкылык белән җавап бирегез (Яр 16:5, 6). Сүзләрегез һәм эшләрегез үз иптәшегезне яратканыгызны күрсәтсен. Гаиләгездә Йәһвә беренче урында булсын: бергә өйрәнегез, дога кылыгыз, хезмәт итегез (Вг 4:12). Нык гаиләләр никахны барлыкка китергән Йәһвәгә дан китерә.

«НИКАХ БӘЙЛӘНЕШЛӘРЕН НИЧЕК НЫГЫТЫРГА» ДИГӘН ВИДЕОРОЛИКНЫ КАРАП, КИЛӘСЕ СОРАУЛАРГА ҖАВАП БИРЕГЕЗ:

• Шаан белән Киараның бер-берсеннән читләшкәннәре нәрсәдән күренә?

• Ни өчен никахта ачык, эчкерсез аралашу үтә мөһим?

• Ибраһим белән Сара үрнәге Шаан белән Киарага ничек булышкан?

• Никах бәйләнешләрен ныгытыр өчен, Шаан белән Киара нинди адымнар ясаган?

• Ни өчен ир белән хатын бер-берсеннән камиллекне көтәргә тиеш түгел?