Җир белән идарә итә алырлык стабиль хөкүмәт бармы? Изге Язмаларда нәрсә әйтелә?

Бүген бөтен дөнья буйлап сәяси тотрыксызлык күзәтелә. Хәтта стабиль булып күренгән илләрдә дә сәясәтчеләр арасында ызгыш-талашлар куба, сайлауларда бер кандидат икенчесенә караганда чак кына күбрәк тавыш белән җиңә, партияләр бер-берсе белән тарткалаша, әледән-әле чуалышлар булып тора.

Әмма стабиль хөкүмәт бармы? Әйе. Һәм сезнең аның турында, бәлки, ишеткәнегез бардыр. Гайсә пәйгамбәр үзенең үрнәк догасында нәкъ шул хөкүмәт турында әйткән дә.

• «Шуңа күрә болай дога кылыгыз: „Күкләрдәге Атабыз, исемең изге ителсен. Синең Патшалыгың килсен. Күктәге кебек, җирдә дә синең ихтыярың үтәлсен“» (Маттай 6:9, 10).

Изге Язмаларда бу Патшалык турында нәрсә әйтелә?

Бу Патшалык — ышанычлы, стабиль хөкүмәт

Аллаһы Патшалыгы күктән идарә итә.

• Гайсә бу хөкүмәтне «күкләр Патшалыгы» дип атаган (Маттай 4:17; 5:3, 10, 19, 20). Шуңа күрә ул: «Минем Патшалыгым бу дөньяныкы түгел»,— дигән (Яхъя 18:36).

Бу Патшалык кеше хөкүмәтләрен алмаштырачак

• Изге Язмаларда әйтелә: «Бу патшалык... барлык шушы патшалыкларны [кеше патшалыкларын] җимереп, аларны юкка чыгарачак, ә үзе мәңге торачак» (Даниял 2:44).

Гайсә Мәсих кулындагы бу Патшалык беркайчан да җимерелмәс.

• Изге Язмаларда әйтелә: «Аның хакимлеге — беркайчан юк ителмәс мәңгелек хакимлек, аның патшалыгы — җимерелмәс патшалык» (Даниял 7:13, 14).

Бу Патшалык җирдә тынычлык урнаштырачак.

• Изге Язмаларда әйтелә: «Һәркем үзенең йөзем вә инҗир бакчасында тыныч кына, беркемнән курыкмыйча көн күрәчәк» (Микай 4:4; Изге Язма, 2015).

Патшалык турында күбрәк белегез

Җирдә яшәгәндә, Гайсә «Патшалык хакындагы яхшы хәбәрне вәгазьләгән» (Маттай 9:35). Ул шулай ук болай дигән:

• «Бар халыкларга шаһитлек бирелсен өчен, Патшалык хакындагы бу яхшы хәбәр бөтен җиһанда вәгазьләнер, һәм шунда ахыр килер» (Маттай 24:14).

Бүген Патшалык турындагы яхшы хәбәр 240 артык илдә вәгазьләнә. Без сезне бу хөкүмәт турында һәм аның нинди фатихалар китерәчәге хакында күбрәк белергә чакырабыз.

«Аллаһы Патшалыгы нәрсә ул?» дигән видеоны карагыз.