Кереш сүзләр

Июнь аеның беренче шимбә көнендә Изге Язмаларны өйрәнүен башлау.

Рәсүлләр 1:8 не укы. Болай дип әйт: «Бу шигырь күрсәткәнчә, Аллаһы хезмәтчеләре Аның нияте турында сөйләр өчен, дөньяның читенә кадәр барып җитәрләр. Ничек уйлыйсыз: Аллаһының оештырылган халкы булмаса, бу максатка ирешеп булыр идеме? [Җавабын тыңла.] Монда нәрсә әйтелгәнгә игътибар итегез». «Гайсә Мәсих. Сорауларыбызга җаваплар» дигән брошюраны кешегә биреп, 17 нче биттәге 3 нче сорауны бергә карап чык. Брошюраның 4 нче соравын карап чыгар өчен, кабат килеп-китү турында сөйләш.

«Гайсә Мәсих. Сорауларыбызга җаваплар» дигән брошюра:

◼ «Сез ничек уйлыйсыз: Изге Язмалар башка китаплардан нәрсәсе белән аерылып тора? [Җавабын тыңла. Еврейләргә 4:12 не укы.] Күргәнебезчә, Язмалар кешенең фикерләү рәвешен һәм тәртибен үзгәртә ала. Бу мәкаләдә Аллаһы Сүзен кулланып тормышларын үзгәрткән кешеләрнең мисаллары китерелә». «Изге Язмалар тормышны үзгәртә» дигән мәкаләне күрсәтеп, брошюраны тәкъдим ит.

◼ Кеше кабат килү вакытында: «Минем үз динем бар» яисә «Мин мөселман» дисә, аңа болай дип әйтеп була: «Сез үз динегезне яратасыз икәне күренеп тора. Әмма күпләргә бүгенге дөнья хәле ошамый. Сезгә дә ошамыйдыр. Сезнеңчә, безне нинди киләчәк көтә?» Ягъни болай: «Нинди генә динне тотмасак та, безнең барыбызның да тыныч дөньяда яшисебез килә (яисә балаларыбызны начар тәэсирдән саклыйсыбыз, бер-берсен яраткан кешеләр арасында яшисебез, җиңел булмаса да, кешеләр белән яхшы мөнәсәбәттә буласыбыз килә)». Кеше тыңласа, аның өчен кызыклы булган тема буенча сөйләшүеңне дәвам ит.