Кереш сүзләр

Июль аеның беренче шимбә көнендә Изге Язмаларны өйрәнүен башлау. «Күпләр һәрбер кешенең үз фәрештәсе бар дип уйлый. Сезнеңчә, фәрештәләр чыннан да бармы? [Җавабын тыңла.] Бу сүзләргә игътибар итегезче». «Кем догаларыбызны тыңлый?» дигән брошюраны ачып, 16 биттәге 1 нче сорауны бергәләп карап чык. Ким дигәндә, бер шигырьне укы. Брошюраны тәкъдим ит һәм киләсе сорауны карап чыгар өчен, кабат килү турында сөйләш.

«Кем догаларыбызны тыңлый?» дигән брошюра:

◼ Мәдхия 64:3 не укы һәм болай дип әйт: «Күп кенә кешеләр көн саен дога кыла һәм Аллаһы Тәгалә аларны тыңлый дип уйлый. Башкалар исә, Аллаһы чыннан да булса, нигә соң дөньяда шулхәтле күп проблема бар дип гаҗәпләнә. Ә сез ничек уйлыйсыз? Догаларыбызны ишетә торган Аллаһы бармы?» [Җавабын тыңла.] Бу брошюрада Изге Язмага нигезләнгән шундый сорауга җавап карала: «Ни өчен догаларны Тыңлаучы газапларга юл куя?»

◼ «Кайчак үзебезне рәнҗеткән кешене кичерү авыр, шулай бит? [Җавабын тыңла.] Сезнең берәр кайчан уйлаганыгыз бармы: Аллаһы Тәгалә нәрсәгә карап хаталарыбызны һәм гөнаһларыбызны кичерә? Карагыз, Изге Язмаларда моның турында нәрсә әйтелә. [Мәкаләдә китерелгән Йәзәкил 18:21 не укы.] Чын күңелдән тәүбә итсәк һәм гөнаһлы юлны калдырсак, Аллаһы безне теләп кичерәчәк. Моны белү безне юата, шулай бит?» Бу мәкаләдә моның турында күбрәк әйтелә. 18 нче биттәге мәкаләне күрсәт һәм брошюраны тәкъдим ит.