Pati Fakatomua Fesoasoani

Ke Kamata Akoga Faka-te-Tusi Tapu i te Aso Ono Muamua i a Apelila

“E fakamalosi atu matou ki motou tuakoi ke fai‵tau ki olotou Tusi Tapu. Kae e mafau‵fau a tino e tokouke me ko tō faigata ke malamalama i te Tusi Tapu. E a, e penā eiloa ou lagonaga? [Faka‵tali ki se tali.] Ke mafaufau ki pati konei.” Fakaasi atu te koga mai tua o te Faleleoleo Maluga i a Apelila 1, kae onoono fakatasi ki te mataupu mai lalo o te fesili muamua penā foki mo se tusi faitau e tasi mai te Tusi Tapu. Ke ofo atu te mekesini kae fakatoka ke toe foki atu o sau‵tala ki te suā fesili.

Te Faleleoleo Maluga Apelila 1

“E fe‵paki eiloa a tino katoa e fai‵pati matou ki ei mo fakalavelave. E fai ne te mea tenei ke mafau‵fau a nisi tino ki te aoga o te olaga. Ne a ou manatu e uiga ki te ‵toe fakalavelave lasi telā e fai ei ke faigata o maua te fiafia i aso nei? [Faka‵tali ki se tali.] E folafola mai te Tusi Tapu me ko pili o ave keatea ne te Atua a fakalavelave kolā e fe‵paki mo tatou. [Faitau te Fakaasiga 21:4.] E fakamatala mai i te mekesini tenei a ‵tou fakamoemoega mō aso mai mua mo te auala e mafai ei o maua ne tatou a pogai aoga o te olaga i aso nei.”