Atafai

Mea ne Fai ne Iesu

VITIO: Ne Faka‵lei ne Iesu te Tagata ‵Kivi

1. Onoono ki te VITIO, io me faitau te Ioane 9:​1-7. Kae mafaufau ki fesili konei mai lalo:

1. a. Se a te mea ne fai muamua ne Iesu—faka‵lei te tagata ‵kivi io me fakailoa atu ki a ia te tala ‵lei?—Onoono ki te Ioane 9:​35-38.

2. e. Ne aoga pefea faifaiga a Iesu ki te faiga ke fia saga malosi atu te tagata tenā ki te tala ‵lei?

Se a te Mea e Tauloto ne Tatou Mai i a Iesu?

2. E mafai o saga faka‵lei mai te tino ki te ‵tou fekau mafai e maua ne ia te lagonaga me atafai tonu atu tatou ki a ia.

Fakaakoako ki a Iesu

3. Fai ke malamalama koe i te tino. Taumafai ke fakaataata ne koe ana lagonaga.

1. a. Fesili ifo ki a koe: ‘Ne a mea e manavase a ia ki ei? Ne a mea e mafai o ‵gali kae maua foki ne ia i ei te fesoasoani?’ I te faiga penā, ka fai ei ke mafai ne koe o fakaasi atu a lagonaga atafai ki a ia.

2. e. Fakaasi atu me amanaia koe ki mea kolā e tāua ki te tino mai i te fakalogologo faka‵lei. Kafai e fakaasi atu ne ia ana lagonaga ki se mea io me fakaasi atu se fakalavelave telā e fakafesagai mo ia, ke mo a ma ‵fuli ne koe te mataupu.

4. Faipati i se auala āva kae atafai. Ou lagonaga atafai mo tou manakoga tonu ke fesoasoani atu ki te tino, e lavea faka‵lei atu i te auala e faipati ei koe. Ke filifili faka‵lei au pati e fai mo te gaugāleo e fakaaoga ne koe, kae ke ‵kalo keatea mai i te fai atu o mea kolā e mafai o pokotia ei te tino.

5. Ke fesoasoani atu. Onoono ki avanoaga ke mafai o fesoasoani atu ki te tino i auala kese‵kese. Fakaasiatuga o te atafai e ‵tala mai ei te mataloa ki te faiga o se sau‵talaga mo te tino.