May Ɔsom Nhyiam Horow
Dapɛn a Efi Ase May 1
Dwom 43
10 min: Asafo mu nkaebɔ ne Yɛn Ahenni Som mu Nkaebɔ a wɔapaw.
15 min: “Asɛmpa ma Ahobrɛasefo.” Wo ne atiefo mmɔ asɛm no ho nkɔmmɔ, na ma wɔnyɛ asɛm a wɔka kyerɛ biako anaa abien ho ɔyɛkyerɛ.
20 min: “Ahenni Asɛm Titiriw ma Obiara.” Ɔkasa ne atiefo nkɔmmɔbɔ a ɔsom adwuma sohwɛfo di ho dwuma. Ka nea ɛde besi saa bere yi wɔatumi ayɛ wɔ Ahenni Asɛm no kyekyɛ mu, na si asɛnka ho nhyehyɛe a wɔaboa ma akɔ so yiye ne kyɛfa a afoforo anya wɔ asɛnka adwuma no mu bere a edi kan no so dua titiriw. Fa asasesin no mu adwuma a wɔayɛ ho amanneɛbɔ ma; kyerɛkyerɛ nea ehia sɛ wɔyɛ, sɛ ɛba sɛ asafo foforo hwehwɛ mmoa a. Hyɛ obiara nkuran sɛ ɔmmɔ mmɔden kɛse nkyekyɛ Ahenni Asɛm a wɔde ama no no nyinaa. Si hia a ɛho hia sɛ wɔbɛyɛ wɔn a wɔkyerɛ anigye no ho kyerɛwtohɔ, na wɔayɛ sankɔhwɛ ahorow, abɔ mmɔden sɛ wobefi Bible adesua ase so dua. Ma wɔnyɛ asɛm a wɔka kyerɛ a wɔhyɛ ho nyansa no ho ɔyɛkyerɛ.
Dwom 55 ne mpaebɔ a wɔde wie.
Dapɛn a Efi Ase May 8
Dwom 61
15 min: Asafo mu nkaebɔ. “Wo Nso Wubetumi Anya Osuahu Ahorow a Ɛyɛ Anigye!” Ma atiefo nka osuahu ahorow a ɛhyɛ nkuran a wonyae bere a wɔde Ahenni Asɛm no rema, sɛnea bere bɛma kwan.
15 min: Asafo ahiade. Anaasɛ ɔkasa a egyina asɛm “Sɛnea Kristofo Yɛ Wɔn Ade Wɔ Ahohora a Ɔmanfo Bɔ Wɔn no Ho” a ɛwɔ April 1, 1995 Ɔwɛn-Aban, nkratafa 26-9 no so.
15 min: “Dɛn Nti na Ɛsɛ sɛ Woyɛ Wɔn a na Wonni Fie no ho Kyerɛwtohɔ?” Nsemmisa ne mmuae.
Dwom 60 ne mpaebɔ a wɔde wie.
Dapɛn a Efi Ase May 15
Dwom 54
10 min: Asafo mu nkaebɔ. Sikasɛm ho amanneɛbɔ.
15 min: “Yɛn Nhwɛsofo no a Yebedi N’akyi sɛ Hann Kurafo.” Nsemmisa ne mmuae.
20 min: “Mo Asafo no Ahenni Asa Fata?” Asemmisa-ne-mmuae a ɔpanyin bi de susuw nea ɛhyɛ mu no mu asɛm a edi kan no ho. Fa anigye ne ɔhyew di ho dwuma.
Dwom 118 ne mpaebɔ a wɔde wie.
Dapɛn a Efi Ase May 22
Dwom 66
10 min: Asafo mu nkaebɔ. Fa akwampae boafo adwuma a wɔbɛyɛ no akwamma asram no mu ho nyansahyɛ ma. Ka ahwehwɛde ahorow a wɔde ama wɔ Yɛn Som Adwuma nhoma no nkratafa 113-14 no mu nsɛm.
15 min: “Agyiraehyɛ a Ɛde Nkwagye Ba.” Wo ne atiefo mmɔ ho nkɔmmɔ. Ma wɔnyɛ ɔkwan a wobetumi afa so ayɛ sankɔhwɛ ho ɔyɛkyerɛ biako anaa abien nka ho.
20 min: “Yi Ntoboa Fa Boa Ghana Baa Dwumadibea No.” Asemmisa-ne-mmuae a wɔde susuw nea ɛhyɛ mu no mu asɛm a ɛto so abien no ho. Ɛsɛ sɛ ɔpanyin di ho dwuma.
Dwom 30 ne mpaebɔ a wɔde wie.
Dapɛn a Efi Ase May 29
Dwom 79
15 min: Asafo mu nkaebɔ. Fa nyansahyɛ ahorow a ɛbɛma adawurubɔfo abɔ mmɔden akenkan Kyerɛwnsɛm mu asɛm biako wɔ asɛm a wɔka kyerɛ wɔ apon ano mu ma. Nnipa pii wɔ obu ma Bible no, na wɔwɔ ɔpɛ sɛ wobetie bere a obi kenkan no. Emu afotu mu yɛ duru, na ɛbɛkanyan obi a ɔwɔ koma pa. Ebia ɛbɛyɛ papa sɛ wubekura Bible no wɔ wo nsam bere a worekɔ ɔpon bi ano no. Ɛsɛ sɛ wode nkate ne anotew kenkan kyerɛwsɛm.—Hwɛ School Guidebook, nkratafa 32-3, nkyekyem 12-15.
12 min: Asemmisa Afã. Nsemmisa ne mmuae. Kyerɛ nea enti a yenya mfaso kɛse fi nhyiam horow mu bere a yedi kan siesie yɛn ho na yɛde nhoma a adesua no fi mu no nyinaa kɔ no.
18 min: Fa Creation Nhoma no Ma wɔ June Mu. Ka nsɛm a wɔn a wɔn ani agye nhoma Life—How Did It Get Here? By Evolution or by Creation? ho no aka. (Hwɛ Engiresi Ɔwɛn-Aban, March 15, 1987, kratafa 32; May 1, 1986, kratafa 32; September 1, 1986, kratafa 31.) Twe adwene si mfonini ahorow a ɛwɔ nkratafa 6, 236-7, 243, ne 245 no so, na kyerɛ ɔkwan a wobetumi afa so de eyinom afi nkɔmmɔbɔ ase. Ma ɔdawurubɔfo bi a ne ho akokwaw nyɛ ɔyɛkyerɛ a ɛkyerɛ biribi a ɛsɛ sɛ yɛn mu biara paw na ama wanya daa nkwa, bere a wode nkratafa 250-1 hɔ nsɛm ne kyerɛw nsɛm no redi dwuma. Kae obiara ma onnye bi mfa nkɔ asɛnka dapɛn yi awiei.
Dwom 63 ne mpaebɔ a wɔde wie.