Nea Yɛbɛka Afa Yɛn Nsɛmma Nhoma Ho

Ɔwɛn-Aban May 1

“Atoyerɛnkyɛm pii a ɛresisi wɔ yɛn bere yi so no ama ebinom bisa sɛ ebia Onyankopɔn retwe yɛn aso anaa. Wususuw ho dɛn? [Twɛn ma ommua. Afei kenkan 1 Yohane 4:8.] Saa asɛm yi kyerɛkyerɛ nea enti a amanehunu a atoyerɛnkyɛm de ba no mfi Onyankopɔn no mu.” Fa asɛm a ɛwɔ kratafa 30 no kyerɛ no.

Awake! May

Kenkan Mateo 6:10. Afei bisa sɛ: “Woasusuw nea enti a Onyankopɔn bɔɔ asase yi ho pɛn? [Twɛn ma ommua.] Sɛnea Bible kyerɛ no, Onyankopɔn wɔ nea enti a ɔbɔɔ asase, na saa atirimpɔw no nsakrae. Saa asɛm yi kyerɛkyerɛ mu.” Fa asɛm a efi ase wɔ kratafa 10 no kyerɛ no.

Ɔwɛn-Aban June 1

“Bible mu asɛm biako a wonim no yiye paa ne nea ɛfa Noa ne Nsuyiri no ho no. So wususuw sɛ Nsuyiri no bae ampa? [Twɛn ma ommua.] Anigyesɛm ne sɛ Yesu kae sɛ ɛyɛ asɛm a esii ankasa. [Kenkan Luka 17:26, 27.] Nsɛmma nhoma yi kyerɛ nea enti a ɛsɛ sɛ yegye Nsuyiri no ho kyerɛwtohɔ no di, na ɛkyerɛkyerɛ asuade atitiriw a ɛda no adi no mu.”

Awake! June

“Mmofra ntetee yɛ den, ne titiriw bere a wɔadu mpanyin afe so a wohu nsrakrae atitiriw wɔ wɔn nipadua mu no. Wususuw sɛ, ɛhe na awofo betumi anya afotu pa afi? [Twɛn ma ommua. Afei kenkan Yesaia 48:17, 18.] Nsɛmma nhoma yi de nyansahyɛ ahorow a ɛyɛ ne bere mu de a ɛbɛboa awofo ma wɔde nyansa ne ntease ayɛ adwuma ma.”