Римчилерге

12 Ха-дуңма, Бурган силерге энерелин көргүскен-дир, ынчангаш силерден аажок дилеп тур мен: мага-боттарыңарны Бурганга дириг, ыдыктыг, аңаа таарымчалыг өргүл кылдыр бериптиңер база угаан-сарыылдыг аңаа бараан болуңар. 2 Моон соңгаар бо делегейге бодуңарны хевирлетпеңер, а харын Бурганның күзел-соруу буянныг, эки, тергиин дээрзин бодуңар амы-хууда шынзыгып билип алыр дээш, угааныңарны чаартпышаан, бүрүнү-биле өскерлип ап чоруңар. 9 Ынакшылыңар шын сеткилден болзун. Каржыга хөңнүңер чок болзун, буянче чүткүңер. 11 Ажылгыр болуңар, чалгаа болбаңар. Ыдыктыг сүлдеден кыптыгар чүткүл-соруктуг болуңар. Иеговага бүгү чүлдү-чүрээңер-биле бараалгаңар. 19 Эргим ха-дуңма, бодуңар дээш өжээн негевейн, Бурганга чайлап бериңер. Бижилгеде мынча дээн болгай: «„Мен өжээн негеп, кезедир мен“ — деп, Иегова чугаалап тур».