Zaburi

 2 Mawingu na giza zito vinamzunguka;+

Uadilifu na haki ndio msingi wa kiti chake cha ufalme.+

 3 Moto hutangulia mbele zake+

Na kuwateketeza kabisa maadui wake pande zote.+

 4 Umeme wake wa radi huiangazia nchi;

Dunia huona na kutetemeka.+

 5 Milima huyeyuka kama nta mbele za Yehova,+

Mbele za Bwana wa dunia yote.

 6 Mbingu hutangaza uadilifu wake,

Na mataifa yote huona utukufu wake.+

 7 Wote wanaoabudu sanamu yoyote ya kuchongwa na waaibishwe,+

Wale wanaojigamba kuhusu miungu yao ya ubatili.+

 8 Sayuni husikia na kufurahi;+

Miji ya Yuda ina* shangwe

Kwa sababu ya hukumu zako, Ee Yehova.+

 9 Kwa maana wewe, Ee Yehova, ndiye Uliye Juu Zaidi, juu ya dunia yote;

Umekwezwa juu zaidi ya miungu mingine yote.+

Anaulinda uhai wa* washikamanifu wake;+

Huwaokoa kutoka katika mkono wa* mwovu.+

11 Nuru imemwangazia mwadilifu+

Na shangwe walio wanyoofu moyoni.

12 Shangilieni kwa sababu ya Yehova, enyi waadilifu,

Na mlishukuru jina lake takatifu.*