Olosamo
א [Aleph]*
3 Ovo ka va lingi cimue cĩvi;
Ovo va endela volonjila viaye.+
4 Ove wa handeleka
Oco ovihandeleko viove vi kapiweko lutate.+
6 Kuenje si kutisiwa osõi+
Eci ndi sokolola lutate kovihandeleko viove viosi.
7 Ndi ka ku sivaya lutima wa suñama
Eci ndi lilongisa catiamẽla kasombiso ove esunga.
8 Ndi ka pokola kovisila viove.
Lalimue eteke ku ka ndi yanduluke.
ב [Beth]
9 Umalẽhe o pondola ndati oku amamako oku yelisa onjila yaye?
Poku amamako oku lavulula ndomo ci likuata londaka yove.+
10 Ndu ku sandiliya lutima wange wosi.
Ku ka ecelele okuti, ndi yapuka vovihandeleko viove.+
12 A Yehova, ove o sesamẽla esivayo;
Ndongise ovisila viove.
13 Lomẽla wange ndi sapula
Asombiso ove osi ana wa popia.
16 Ndi sole calua oviholo viove.
Si ka ivalako ondaka yove.+
ג [Gimel]
17 Ukuenje wove u tata lohenda,
Oco ñale lomuenyo loku pokola kondaka yove.+
18 Patulula ovaso ange oco ndi mole ciwa
Ovina vi komõhisa viocihandeleko cove.
19 Ame ndicingendeleyi caño vofeka.+
Ku ka ndimbike ovihandeleko viove.
20 Onjongole ñuetele asombiso ove
Yi ndia otembo yosi.
21 Ove o lemẽla vakuepela,
Vana va siñaliwa okuti, va yapuka vovihandeleko viove.+
22 Njupe* esepu kuenda osõi,
Momo nda siata oku pokola kolonumbi viove.
23 Ndaño ceci olombuale vi tumãla pamosi oku vangula eci cĩvi catiamẽla kokuange,
Ukuenje wove o sokolola* kovisila viove.
ד [Daleth]
25 Nda petamẽla voneketela.+
Popela omuenyo wange ndomo ci likuata londaka yove.+
26 Nda ku sapuila olonjila viange kuenda ove wa nambulula;
Ndongise ovisila viove.+
28 Si tẽla oku pekela omo liesumuo.
Ndi pamise ndomo ci likuata londaka yove.
29 Njupe vonjila yelimbi,+
Kuenda ndekise ohenda poku nyĩha ocihandeleko cove.
30 Nda nõla onjila yekolelo.+
Nda limbuka okuti, asombiso ove a sunguluka.
31 Ndi kakatela kolonumbi viove.+
A Yehova, ku ka ecelele okuti ndi sumuisiwa.*+
ה [He]
34 Nyĩhe elomboloko,
Oco ndi pokole kocihandeleko cove
Loku amamako oku ci lava lutima wange wosi.
39 Njupe osõi yi ndi kokela usumba,
Momo asombiso ove awa.+
40 Tala ndomo ndi livela ovihandeleko viove.
Popela omuenyo wange lesunga liove.
ו [Waw]
41 Lekisa ocisola cove ka ci pongoloka kokuange, A Yehova,+
Epopelo liove, ndomo ci likuata lohuminyo* yove;+
42 Kuenje ndi ka tambulula una o ndi pembula,
Momo ñuetele ekolelo kondaka yove.
43 Lalimue eteke ku kope ondaka yocili vomẽla wange,
Momo nda siata oku lavoka kesombiso liove.
44 Ndi amamako oku lava ocihandeleko cove,
Otembo ka yi pui.+
47 Ndi sole calua ovihandeleko viove,
Ocili, ndi vi sole.+
ז [Zayin]
49 Ivaluka ondaka* ove wa sapuila ukuenje wove,
Yina ndi lavoka ndomo ci likuata lohuminyo yove.
50 Oyo, oyo elembeleko liange vohali yange,+
Momo olondaka viove vi nyĩha omuenyo.
53 Ñuete onyeño yalua omo liondingaĩvi,
Yina yi yanduluka ocihandeleko cove.+
54 Ovisila viove ovisungo kokuange,
Kuosi ndi tunga.*
55 A Yehova, vokuenda kuteke ndi ivaluka onduko yove,+
Oco ndi amameko oku lava ocihandeleko cove.
56 Eci oco ocituwa cange
Momo ndi pokola kovihandeleko viove.
ח [Heth]
59 Nda siata oku konomuisa olonjila viange,
Oco ndi tiukilise olomãhi viange kolonumbi viove.+
60 Ame ndi yayulako, si cilua
Koku lava ovihandeleko viove.+
62 Vokati kuteke, ndi pasuka oco ndu ku pandule,+
Omo liasombiso ove esunga.
64 A Yehova, ocisola cove ka ci pongoloka, ci yukisa ilu lieve;+
Ndongise oviholo viove.
ט [Teth]
65 Ove wa tata ciwa ukuenje wove,
Ndomo ci likuata londaka yove, A Yehova.
68 Ove uwa+ kuenda ovopange ove awa.
Ndongise olonumbi viove.+
69 Vakuepela va popia ovina vialua viuhembi viatiamẽla kokuange,
Pole, ame ndi pokola kovihandeleko viove lutima wange wosi.
י [Yod]
73 Ovaka ove a ndi panga kuenda a ndi lulika.
Nyĩhe elomboloko,
Oco ndi lilongise ovihandeleko viove.+
74 Vana va ku sumbila va sanjuka poku ndi mola,
Momo ondaka yove oyo elavoko liange.+
75 A Yehova, nda kũlĩha okuti asombiso ove esunga,+
Kuenda ove wa ndi talisa ohali omo liesunga liove.+
76 Mange ohenda, ocisola cove ka ci pongoloka+ ci ndembeleke,
Ndomo ci likuata lohuminyo* wa linga kukuenje wove.
Pole, ndi ka sokolola* kovihandeleko viove.+
79 Vana va ku sumbila va tiukile kokuange,
Vana va kũlĩha olonumbi viove.
כ [Kaph]
81 Ndi livela epopelo liove,+
Momo ondaka yove oyo elavoko liange.
84 Ukuenje wove o ka talamẽla oloneke viñami?
Otembo yipi ove o ka nena esombiso ku vana va ndi lambalala?+
85 Vakuepela va fẽla ovitunu oco va ndi kuate,
Vana ka vambata omuenyo u litava locihandeleko cove.
86 Ovihandeleko viove viosi via koleliwa.
Omanu va ndi lambalala ndaño ka va kuete esunga lioku ci linga; ñuatise!+
87 Ovo va yonguile oku ndi kundula kilu lieve,
Pole, sia yandulukile ovihandeleko viove.
88 Popela omuenyo wange omo liocisola cove ka ci pongoloka,
Oco ndi amameko oku lava olonumbi ove wa nyĩha.
ל [Lamed]
90 Ocili cove ci kasi kovitumbulukila viosi.+
Ove wa seveta ciwa ilu lieve oco okuti, olio li amamako oku pama.+
91 Omo liasombiso ove, ovio* vi kasi oku amamako toke etaili,
Momo oviluvo viosi, akuenje vove.
93 Lalimue eteke ndi ivalako ovihandeleko viove,
Momo pocakati cavio, ove wa popela omuenyo wange.+
95 Ondingaĩvi yi lavoka oku ndi kundula,
Pole, ame ndi luluvalela lutate kolonumbi viove.
מ [Mem]
97 Ndi sole calua ocihandeleko cove!+
Ndi ci sokolola* eteke liosi.+
98 Ocihandeleko cove ci nyĩha olondunge vialua okuti, ovanyãli vange va sule,+
Momo oco ci kasi lame otembo ka yi pui.
100 Ñuete vali elomboloko okuti alume va kuka ci sule,
Momo ndi pokola kolonumbi viove.
101 Ndi yuvula oku endela vonjila yosi yĩvi,+
Oco ndi amameko oku lava ondaka yove.
102 Si yapuka kasombiso ove,
Momo ove wa ndi longisa.
104 Omo liolonumbi viove, ndi lekisa elomboloko.+
Eli olio esunga lieci ndi nyãlele onjila yosi yesanda.+
נ [Nun]
106 Nda linga ohuminyo yimue kuenda ndi yi tẽlisa,
Oco ndi pokole kasombiso ove esunga.
107 Nda liyaka lohali yalua.+
A Yehova, popela omuenyo wange ndomo ci likuata londaka yove.+
108 A Yehova, linga ohenda tava lesanju olombanjaile viange viesivayo* vi eciwa lutima wosi,+
Kuenda ndi longise asombiso ove.+
109 Omuenyo wange u kasi kohele olonjanja vialua,
Pole, si ivalako ocihandeleko cove.+
111 Olonumbi viove ocipiñalo cange otembo ka yi pui,
Momo ovio esanju viutima wange.+
112 Nda nõlapo* oku pokola kolonumbi viove
Otembo yosi, toke kesulilo.
ס [Samekh]
115 Kali ocipãla lame, alondingaĩvi,+
Oco ndi pokole kovihandeleko via Suku yange.
118 Ove o likala vosi vana va yapuka vovisila viove,+
Momo ovo vakuesanda kuenda vakuelimbi.
119 Ove winasi olondingaĩvi viosi vio kilu lieve ndeliño.+
Eli olio esunga lieci ndi solele olonumbi viove.
120 Esumbilo ndu ku kuetele, li kokela etimba liange oku luluma;
Ñuetele usumba asombiso ove.
ע [Ayin]
121 Nda siata oku linga eci ciwa haico ca sunguluka.
Ku ka ecelele okuti, ndi kupukila peka lia vana va yongola oku ndi talisa ohali!
122 Likuminya okuti ove o ka kuatisa ukuenje wove;
Vakuepela ka va ka ndi talise ohali.
125 Ame ndukuenje wove; nyĩhe elomboloko,+
Oco ndi kũlĩhe olonumbi viove.
126 Otembo ya Yehova yoku va kundula ya pitĩla,+
Momo ovo va sinĩla ocihandeleko cove.
128 Olonumbi* viosi vi tunda kokuove ndi vi tenda okuti via sunguluka;+
Nda suvuka onjila yosi yesanda.+
פ [Pe]
129 Olonumbi viove vi komõhisa.
Eli olio esunga lieci ndi pokuila kokuavio.
132 Pongolokela kokuange kuenda ndekise ohenda,+
Ndomo ci likuata lesombiso liove ku vana va sole onduko yove.+
133 Ndi songuile lolondaka viove oco ngendele vonjila ya koka;
Lacimue cĩvi ka ci ka ndi yule.+
134 Ndi popele komunu ukuakutalisa ohali,
Kuenda ndi ka tẽlisa ovihandeleko viove.
135 Ninisila ocipala cove kukuenje wove,+
Kuenda ndi longise ovisila viove.
136 Asuẽlẽla a loluka vovaso ange
Momo omanu ka va pokola kocihandeleko cove.+
צ [Tsade]
138 Olonumbi ove eca viesunga
Kuenda via koleliwa cilua.
139 Ombili ndu ku kuetele yi ndia,+
Momo ovanyãli vange va ivalako olondaka viove.
143 Ndaño ohali kuenda ovitangi viya kokuange,
Ndi amamako oku sola ovihandeleko viove.
144 Esunga liolonumbi viove, li kala otembo ka yi pui.
Nyĩhe elomboloko+ oco ndi amameko oku kala lomuenyo.
ק [Qoph]
145 Ndi vilikiya lutima wange wosi. Nambulule A Yehova.
Ndi ka tẽlisa ovisila viove.
146 Ndi vilikiya kokuove; mopele!
Ndi ka lava olonumbi viove.
149 Yevelela ondaka yange omo liocisola cove ka ci pongoloka.+
A Yehova, popela omuenyo wange ndomo ci likuata lesunga liove.
150 Vana va limba kovilinga vi kutisa osõi, va kasi ocipepi lame oco va ndi lemẽhe;
Ovo va kasi ocipãla locihandeleko cove.
152 Tunde osimbu nda lilongisa eci catiamẽla kolonumbi viove,
Vina wa tumbika oco vi kale otembo ka yi pui.+
ר [Resh]
153 Vanja kohali yange kuenda mopele,+
Momo si ivalako ocihandeleko cove.
155 Epopelo li kasi ocipãla lolondingaĩvi,
Momo ovio ka vi sandiliya ovisila viove.+
156 Ohenda yove yinene, A Yehova.+
Popela omuenyo wange ndomo ci likuata lesunga liove.
157 Vana va ndi lambalala kuenda ovanyãli vange, va linga valua;+
Pole, sia yapukile volonumbi viove.
158 Ndi vanja ku vakuelimbi loku va nyehũla,
Momo ka va lavi olondaka viove.+
159 Tala ndomo ndi sole ovihandeleko viove!
A Yehova, popela omuenyo wange omo liocisola cove ka ci pongoloka.+
160 Ondaka yove yosi oyo ocili,+
Kuenda asombiso ove osi esunga, a kala otembo ka yi pui.
ש [Sin] ale [Shin]
161 Olombuale vi ndi lambalala+ ndaño ka vi kuete esunga lioku ci linga,
Pole, utima wange wa sumbila olondaka viove.+
162 Ndi sanjukila olondaka viove+
Ndomunu wa sanga ovina vialua via pundiwa.
163 Ndi nyãle uhembi kuenda nda u suvuka.+
Ndi sole ocihandeleko cove.+
164 Veteke ndu ku sivaya olonjanja epanduvali,
Omo liasombiso ove esunga.
166 Ndi lavoka ovilinga viove viepopelo, A Yehova,
Kuenda ndi pokola kovihandeleko viove.
168 Ndi pokola kovihandeleko viove kuenda kolonumbi viove,
Momo ove wa kũlĩha cosi ndi linga.+
ת [Taw]
169 Oku liyula kuange kuekuatiso ku pitĩle kokuove, A Yehova.+
Nyĩhe elomboloko,+ ndomo ci likuata londaka yove.
170 Epingilo liange liohenda li pitĩle kokuove.
Mopele ndomo wa ci likuminya.*
171 Omẽla wange u supoke lesivayo,+
Momo ove o ndongisa olonumbi viove.
172 Elimi liange limbe ocisungo catiamẽla kondaka yove,+
Momo ovihandeleko viove viosi viesunga.
174 Ndi livela epopelo liove, A Yehova,
Kuenda ndi sole calua ocihandeleko cove.+
175 Ecelela okuti, ñala lomuenyo oco ndu ku sivaye;+
Asombiso ove a kale ekuatiso liange.