YOBHI

“Ndaphuma ndize esibelekweni sikamama,

Ibe ndiza kubuyela ndize.+

 3 “Akwaba wawungazange ufike umhla endazalwa ngawo,+

Nobusuku ekwathiwa ngabo, ‘Kukhawulwe indoda!’

UThixo makangayihoyi;

Mayingakhanyi.

 6 Obo busuku mabuthinjwe sisithokothoko;+

Mabungonwabi nezinye iintsuku zonyaka;

Mabungabalwa kuzo zonke iinyanga.

 7 Obo busuku mabube ludlolo;

Makungavakali kwanto ingathi luvuyo kubo.

 8 Abo baqalekisa imini mababuqalekise nabo,

Abo bakwaziyo ukuvusa iLeviyatan.*+

 9 Iinkwenkwezi zobo busuku mazibe mnyama;

Mabuyilinde buyincame imini,

Bungaze buyibone imitha yelanga lakusasa.

10 Kuba abuzange buzivale iingcango zesibeleko sikamama,+

Bungazange bufihle namehlo am ezingxakini.

12 Kwakutheni ukuze ndisingathwe,

Ndize ndincanciswe?

13 Kuba ngendingqengqile ngoku ndingaphazanyiswa mntu;+

Ngendilele, ndiphumle+

14 Kunye nookumkani bomhlaba nabacebisi babo,

Abazakhela iindawo ezingamabhodlo ngoku,*

15 Okanye ngendiphumle kunye neenkosana ezazinegolide,

Ezazigcwalise izindlu zazo ngesilivere.

16 Kwakutheni ukuze ndingafeli esibelekweni,

Njengabantwana abangazange bakubona ukukhanya?

17 Kuloo ndawo, kwanabenzi-bubi abakwazi kwenza nto;

Apho kuphumle nabatyhafileyo.+

18 Apho amabanjwa aphumle;

Awaliva ilizwi lalowo uwasebenzisa ngenkani.

19 Abangathathi ntweni nezikhulu bayalingana apho,+

Nekhoboka likhululwe enkosini yalo.

20 Kutheni emnika ukukhanya lowo usenkathazweni,

Ebanika ubomi abo basentlungwini?+

Bakuzingela okobutyebi obufihliweyo

22 Abo bavuya ngeyona ndlela

Xa befumana ingcwaba.

23 Kutheni uThixo emnika ukukhanya umntu olahlekayo,

Lowo amvaleleyo?+

24 Kuba ukutya kwam kukugcuma,+

Ibe ukuncwina kwam+ kugaleleka okwamanzi.

25 Kuba ndifikelwe yinto ebendiyoyika,

Ndifunyenwe yinto ebendiyibaleka.

26 Andide ndixole, andide ndonwabe, andide ndiphumle,

Iingxaki ziyandilandela.”

 3 Ewe kona, ulungise abaninzi,

Ibe ubukade ubomeleza ababuthathaka.

 4 Ububaxhasa abakhubekayo ngamazwi akho;

Ubuwaqinisa amadolo angenamandla.

 5 Kodwa ngoku nguwe owehlelwa zezi zinto, ibe zikuxakile;*

Zitya kuwe, ngoku ukhathazekile.

 8 Into endiyaziyo mna kukuba abo batyala inkathazo

Nabo balima isidubedube baza kuvuna into efanayo.

 9 Bavuthelwa nje nguThixo batshabalale,

Ngokugqabhuka nje komsindo wakhe, kuyaphela ngabo.

10 Nokuba ingonyama ingagquma ize ibhavume kangakanani,

Amazinyo ayo ayophuka.

11 Ingonyama iyafa xa kungekho xhoba,

Aze athi saa amathole ayo.

12 Kukho into endiyixelelwe emfihlekweni,

Ndayisetyezelwa endlebeni.

13 Ebusuku, xa abanye bebekobude ubuthongo,

Ndiye ndaba nemibono eyothusayo,

14 Ndangcangcazela luloyiko,

Luvakala nasemathanjeni am.

15 Kuye kwadlula umoya ebusweni bam,

Ndaba namanwele.

16 Emva koko loo moya uye wema ngxi,

Kodwa bendingawuboni kakuhle.

Bekukho isithinzi phambi kwam,

Kwathi nkcwe, ndaza ndeva ilizwi lisithi:

18 Jonga! UThixo akathembanga nditsho nabakhonzi bakhe,

Nkqu neengelosi zakhe uyazigxeka.*

19 Kobeka phi ke ngabo bahlala ezindlini zodongwe,

Ezineziseko eziseluthulini,+

Abatyumzeka lula oku kwenundu!*

20 Batyunyuzwa ngokupheleleyo ukususela kusasa ukuya kutsho ngokuhlwa;

Batshabalala ngonaphakade, kungabikho nomntu oqaphelayo.

 2 Kuba isidenge siza kubulawa yinzondo,

Nalowo uqhatheka lula uza kubulawa likhwele.

 3 Ndimbonile osisidenge emila iingcambu,

Kodwa suka yaqalekiswa indlu yakhe.

 4 Oonyana bakhe abakhuselekanga tu,

Bazizisulu ezingenamthetheleli egeyithini yesixeko.+

 5 Ukutya akutyalileyo kutyiwa ngolambileyo,

Kude kuthathwe nokuphakathi kwameva,

Axuthelwe nezinto zakhe.

 6 Kuba izinto ezibuhlungu azithi gqi eluthulini,

Neenkathazo aziphumi emhlabeni.

 7 Kuba umntu uzalelwe ukuba neenkathazo,

Kanye njengokuba nomlilo usiba neentlantsi.

 8 Kodwa mna bendiza kucenga uThixo,

Ndisise kuye isicelo sam,

 9 KuLowo wenza izinto ezinkulu ekunzima ukuziqonda,

Izinto ezimangalisayo ezingenakubalwa.

10 Unethisa imvula emhlabeni,

Uthumela amanzi emasimini.

11 Uyawaphakamisa amahlwempu,

Aze abasindise abo baxhwalekileyo.

12 Uwenza apatyalake amaqhinga amaqhophololo,

Ukuze zingaphumeleli izinto azenzayo.

13 Izilumko uzibamba kanye ngala maqhinga azo,+

Ukuze amacebo azo aphelele emoyeni.

14 Kuba mnyam’ emini kuzo,

Ziphuthaphuthe emini emaqanda ngokungathi kusebusuku.

15 Usindisa abantu kumazwi azo ahlaba njengekrele,

Asindise namahlwempu esandleni sabanamandla,

16 Ukuze abangathathi ntweni babe nethemba,

Bavalwe umlomo abangalunganga.

17 Jonga! Wonwabile umntu olulekwa nguThixo;

Ngoko sukuyidela ingqeqesho kaSomandla!

18 Kuba ubangela iintlungu, aze aphinde alibophe elo nxeba;

Uyenzakalisa, aze aphinde aphilise ngezandla zakhe.

19 Uza kukusindisa kwiintlekele ezintandathu,

Neyesixhenxe ayizukukwenzakalisa.

20 Uza kukusindisa ekufeni ngexesha lendlala,

Nakwikrele ngexesha lemfazwe.

21 Uza kukhuselwa kumazwi ahlabayo,+

Ibe awuzukuyoyika intshabalalo xa ifika.

22 Uza kuyihleka intshabalalo nendlala,

Ibe awuzukuzoyika izilwanyana zasendle.

23 Kuba awazukukwenzakalisa amatye omhlaba,*

Nezilwanyana zasendle ziza kuhlalisana nawe ngoxolo.

24 Uza kuqiniseka ukuba intente yakho ikhuselekile,*

Ibe uza kufika yonke imfuyo iphelele kumadlelo akho.

25 Uza kusikelelwa ngabantwana abaninzi,

Nenzala yakho ibe ninzi okwengca.

26 Uza kuya engcwabeni usesemandleni,

Njengezithungu zengqolowa evunwa ngexesha layo.

 2 “Akwaba intlungu yam+ ibinokukalwa yonke,

Ibekwe ezikalini kunye nenkxwaleko yam!

 4 Kuba iintolo zikaSomandla zindihlabile,

Ibe ndisela ityhefu yazo;+

UThixo undihlasela ngothotho lwezinto ezoyikekayo.

 5 Idonki yasendle+ ingakhala na inengca,

Yona inkunzi yenkomo ingakhonya na inokutya?

 6 Ukutya okungenancasa kuyatyiwa na ngaphandle kwetyiwa,

Yona incindi yegontsi inayo na incasa?

 8 Owu akwaba isicelo sam singaviwa

Aze uThixo andinike into endiyifunayo!

 9 Avume ukundityumza,

Olule isandla sakhe aze anditshabalalise!+

10 Bendakuthuthuzelwa kwayileyo;

Bendakutsibatsiba ndivuya nangona ndingcungcutheka,

Kuba andikhange ndiphikisane namazwi aLowo Ungcwele.+

13 Ndiza kuzinceda njani

Kungekho mntu undincedisayo?

14 Nabani na ongamthandi ngokupheleleyo omnye umntu+

Uza kuyeka ukumoyika uSomandla.+

15 Nkqu nabantakwethu bebenamaqhinga+ okomfula wasebusika,

Njengamanzi emifula yasebusika eyomayo.

16 Inamanzi amdaka anomkhenkce,

Nekhephu linyibilikela kuyo.

17 Kodwa ngexesha elifanelekileyo iyoma, iphele tu;

Kuthi kusakutshisa yome nko.

18 Loo mifula iya isoma;

Ihamba iye kufika entlango ize inyamalale.

19 Ikhangelwa ziinqwelo zakwaTema;+

Abahambi bakwaShebha+ bayilindile.

20 Baneentloni kuba ithemba labo libadanisile;

Bafike apho baphoxeka.

21 Yiloo nto kanye eniyenzileyo kum;+

Nibone indlela endixhwaleke ngayo, noyika.+

22 Ikhona na into ebendikhe ndayicela kuni?

Okanye bendikhe ndanicela ukuba nenze isipho egameni lam?

23 Bendikhe ndanicela na ukuba nindihlangule kutshaba?

Khona, bendikhe ndathi ndihlanguleni kubantu abacinezelayo?

24 Yitshoni ukuba mandithini, mna ndiza kuthula;+

Ndiboniseni ukuba ndiyibhude phi.

26 Ngaba nifuna ukulungisa amazwi endiwathethileyo,

Amazwi omntu osel’ encamile,+ naphetshethwa ngumoya?

27 Kucacile ukuba ningade nenzele nenkedama amaqashiso,+

Nithengise nangomhlobo lo wenu!+

28 Khanijike nindijonge,

Kuba mna soze ndinixokise.

29 Khaniphinde niyicinge le nto, ndiyanicela, sanukundityhola;

Niyabona nani ukuba ndiselilungisa, andikagungqi.

30 Bendikhe ndayithetha na into engekhoyo?

Andikwazi kuyiva na into xa ingeyonyani?

7 “Abufani na nokusebenza ngokunyanzelwa ubomi bomntu emhlabeni?

Yona imihla yakhe ayifani na neyomntu oqeshiweyo?+

 2 Njengekhoboka ulangazelela umthunzi,

Njengomqeshwa ulinda umvuzo wakhe.+

 3 Ngoko kuzo zonke ezi nyanga ubomi bam bube lilize,

Ndixhwalekile ubusuku nobusuku.+

 5 Umzimba wam wonke ugcwele iimpethu namagada;+

Ulusu lwam lonke lunezikhoko nobubomvu.+

 6 Iintsuku zam zikhawuleza ngaphezu komatshini wokuluka,+

Ibe ziphela kungekho themba.+

 7 Khumbula ukuba ubomi bam ngumoya nje,+

Ibe soze ndiphinde ndonwabe.*

 8 Abo bandibonayo ngoku soze baphinde bandibone;

Uza kuthi undikhangela ndibe ndimkile.+

 9 Njengokunyamalala kwelifu,

Umntu owehlela engcwabeni* akaphinde aphume.+

10 Akaphinde abuyele endlini yakhe,

Akazukuphinda akhunjulwe endaweni yakhe.+

Ndiza kuyiphalaza intlungu yam,

Ndikhalaze ndixhwalekile!*+

12 Ndilulwandle na okanye isilwanyana saselwandle,

Le nto ude undibekele unogada?

13 Xa ndisithi, ‘Umandlalo wam uza kundithuthuzela;

Ibhedi yam iza kupholisa intlungu yam,’

14 Usuke undoyikise ngamaphupha,

Undothuse ngemibono,

15 Ndide ndikhethe ukufuthaniseleka,

Ndikhethe kwaukufa kunalo mzimba.*+

17 Uyintoni na umntu le nto ude umhoye kangaka,

Le nto ude uzixakekise ngaye?*+

18 Kutheni umhlola ntsasa nganye,

Ude umvavanye ngalo lonke ixesha?+

19 Kutheni ungakhe undifulathele nje,

Undiyeke ndiginye oku kwamathe?+

21 Kutheni ungandixoleli izono zam

Uvele ungasihoyi isiphoso sam?

Kuba sele ndiza kulala eluthulini,+

Uthi undifuna ndibe ndingasekho.”

 3 UThixo ukhe agwebe kakubi na kakade?

USomandla ukhe abugqwethe na ubulungisa?

 4 Ukuba oonyana bakho bamonile,

Uye wabayekela bohlwaywa ngenxa yokuvukela kwabo;

 5 Kodwa ukuba nje wena ubunokukhalela kuThixo,+

Uze umcenge uSomandla ukuba akwenzele inceba,

 6 Ukuba nyhani ubumsulwa, ulilungisa,+

Ebeza kukuhoya,*

Akubuyisele zonke izinto zakho.

 7 Nangona isiqalo sakho besisincinci,

Lona ikamva lakho beliza kuqaqamba.+

 8 Khawubuze isizukulwana sangaphambili,

Uze ujonge izinto ezabonwa ngootata baso.+

 9 Kaloku thina sizelwe izol’ oku, asazi nto,

Kuba imihla yethu emhlabeni sisithunzi nje.

10 Ngaba abayi kukuyalela,

Bakuxelele izinto abazaziyo?*

12 Zingathi zingekakulungeli ukukhiwa,

Zome kuqala kunezinye izityalo.

13 Siba njalo ke nesiphelo somntu omlibalayo uThixo,

Kuba akukho themba kulowo umlahlileyo uThixo.

14 Kaloku yena ungqiyama ngendlu yesigcawu;

Ithemba lakhe lilize.

15 Uya kuthi esayama ngendlu yakhe, suke iwohloke,

Athi esabambelela kuyo, ingemi.

16 Ufana nesityalo esinkcenkceshelweyo esiselangeni,

Esinamasebe anwenwela kwigadi yonke.+

17 Iingcambu zakhe zibhijeleke kwimfumba yamatye,

Ulakhela kuwo ikhaya lakhe.*

18 Kodwa xa encothulwa* endaweni yakhe,

Loo ndawo iza kumkhanyela ithi, ‘Zange ndakubona mna.’+

19 Leyo yindlela aza kunyamalala ngayo,+

Kuthi gqi abanye eluthulini.

20 Kaloku uThixo akanakumlahla umntu omsulwa,

Ibe akabaxhasi* abenzi-bubi,

21 Kuba useza kukwenza uhlale uhleka,

Ukhwaze uvuya.

22 Abo bakucaphukelayo baza kuthiwa wambu ngehlazo,

Nentente yabenzi-bubi ingabikho.”

 3 Ukuba umntu uzimisele ukuphikisana naye,*+

Akanakuphendula nombuzo omnye lo kweliwaka.

 5 Ususa iintaba kungekho mntu uyaziyo loo nto;

Uzibhukuqa ngomsindo.

 6 Unyikimisa umhlaba usuke endaweni yawo,

De kugungqe neentsika zawo.+

 7 Uyalela ilanga ukuba lingakhanyi,

Agqume iinkwenkwezi ukuze zingaqaqambi;+

 8 Wolula amazulu eyedwa,+

Ahambe phezu kwamaza olwandle alatyuzayo.+

 9 Wenza amaqela eenkwenkwezi, iAsh,* iKesile* neKima,*+

Kunye namaqela eenkwenkwezi kwisibhakabhaka sasemzantsi;

10 Wenza izinto ezinkulu nezingenakuqondwa,+

Nezinto ezimangalisayo ezingenakubaleka.+

11 Andimboni sele edlula ngakum,

Uthi sele esithi tshe ecaleni kwam, ndingamva.

13 UThixo akazukuwunqanda umsindo wakhe;+

Nkqu nabancedi beRahabhi*+ baza kuqubuda kuye.

14 Ukuba unjalo, nam ndimele ndiwakhethe amazwi am

Xa ndiphikisana naye!

Andiqondi ukuba angandimamela,

17 Kuba undintlitha ngesaqhwithi,

Awaphindaphinde amanxeba am ndingenzanga nto.+

18 Akandiphumzi;

Undihlelele ngezinto ezibuhlungu.

20 Nokuba bendimsulwa, bendiza kukhalinyelwa kwangumlomo wam;

Nokuba bendingenakusoleka,* ebeza kundibeka ityala.

21 Nokuba ndingahlala ndimsulwa, andizithembanga;

Ndiyabenyanya* ubomi bam.

22 Akuncedi nto, yiloo nto ndisithi,

‘Kuye kuyafana, utshabalalisa abamsulwa nabenzi-bubi.’

23 Ukuba ngequbuliso abantu bangabulawa ngumkhukula,

Ebeza kuhlekisa ngentlungu yabamsulwa.

24 Umhlaba unikwe abenzi-bubi;+

UThixo ubavala amehlo* abagwebi bawo.

25 Ngoku imihla yam ibaleka ngaphezu kwembaleki;+

Ikhawuleza igqithe kungekho nto intle kuyo.

26 Imka oku kwezikhephe zeengcongolo,

Okokhozi luxhwila ixhoba.

27 Ukuba bendinokuthi, ‘Ndiza kuyeka ukukhalaza,

Ndiza kuyeka ukuqumba, ndincume,’

28 Bendihleli ndiza koyika ngenxa yazo zonke ezi ntlungu ndizivayo,+

Futhi ndiyazi ukuba ubungazukuthi ndimsulwa.

30 Nokuba bendihlambe ngamanzi ekhephu,

Ndahlamba nezandla zam ngesepha,+

31 Wena ubuza kundithi nkxu emngxunyeni,

Ndize ndonyanywe kwanayimpahla yam.

32 Kuba akangomntu njengam, andinakumphendula,

Andinakuma naye enkundleni.+

33 Akukho mntu unokulamla phakathi kwethu,

Onokuba yijaji.

34 Ukuba nje ebenokuyeka ukundibetha,

Ayeke nokundoyikisa.+

35 Bendiza kuba nesibindi sokuthetha naye,

Kuba akufani nam ukuthetha ndisoyika.

 3 Kukunceda ngantoni ukundicinezela,

Ukucaphukela umsebenzi wezandla zakho,+

Wakugqiba umamele icebiso labenzi-bubi?

 4 Unamehlo enyama na,

Okanye ubona njengomntu?

 5 Iyalingana na imihla yakho neyabantu,

Okanye iminyaka yakho ifana neyabantu,+

 6 Le nto ude ukhangele isiphoso sam

Uze uqhubeke ukhangela isono sam?+

 7 Uyazi ukuba andenzanga nto;+

Ibe akukho mntu unokundisindisa esandleni sakho.+

 8 Ndenziwe ndaza ndabunjwa zizandla zakho,+

Kodwa ngoku nditshatyalaliswa kwanguwe.

 9 Khawukhumbule kaloku ukuba wandenza ngodongwe,+

Kodwa ngoku undibuyisela eluthulini.+

10 Zange undigalele njengobisi na,

Waza wandenza ngqindilili okwetshizi?

11 Wandambathisa ngolusu nenyama,

Waza wandibumba ngamathambo nemisipha.+

12 Undinike ubomi nothando olungagungqiyo;

Uye wandihoya.+

14 Ukuba bendonile, ubuza kundigada,+

Futhi ubungazukusixolela isono sam.

Nokuba ndimsulwa, andinakukwazi nokuphakamisa intloko,+

Kuba ndihlazekile yaye ndixhwalekile.+

17 Uzisa amangqina amatsha okundityhola,

Ibe uya uvutha umsindo wakho,

Kuba undithele chu ngokundihlasela.

19 Ngendafana nongazange abekho;

Ngendasuka esibelekweni ndaya ngqo engcwabeni.’

20 Azimbalwanga na iintsuku zam?+ Makandiyeke,

Andifulathele, khe ndiphumle*+

21 Ngaphambi kokuba ndimke,

Ndiye elizweni lobumnyama,+ ndingaphinde ndibuye,+

22 Ndiye kwilizwe lentsunguzi yobumnyama,

Ilizwe lethunzi elimnyama nesidubedube,

Apho ukukhanya kufana nobumnyama.”

 2 “Awazukuphendulwa onke na la mazwi akho,

Okanye ukuloqa* kumenza msulwa na umntu?

 4 Kaloku wena uthi, ‘Imfundiso yam imsulwa,+

Ibe ndicocekile emehlweni akho.’+

 5 Kodwa akwaba uThixo ebenokuvula umlomo wakhe

Athethe nawe!+

 6 Ebeza kukwazisa imfihlelo yokuba sisilumko,

Kuba zininzi iintlobo zobulumko,

 7 Ungaze ubazi na ubulumko bukaThixo,

Okanye wazi yonke into ngoSomandla?

 9 Bude kunomhlaba,

Bubanzi kunolwandle.

10 Ukuba angabamba umntu aze amse enkundleni,

Ngubani onokukwazi ukumnqanda?

12 Kodwa isiphukuphuku siya kuze siyiqonde loo nto

Mhla idonki yasendle izala umntu.

13 Akwaba ubunokuyilungisa intliziyo yakho,

Uziphakamisele kuye izandla zakho.

14 Ukuba wenza izinto ezimbi, yahlukana nazo,

Ungavumeli nokuba kwenzeke izinto ezimbi ezintenteni zakho.

15 Kuba xa kunjalo uza kukwazi ukuphakamisa ubuso bakho ungenasikrokro;

Uza kukwazi ukuma ungenaxhala.

16 Utsho uzilibale iingxaki zakho,

Zifane namanzi ahle nomsinga.

17 Ubomi bakho buza kutsho buqaqambe ngaphezu kwemini emaqanda;

Bukhanye okwentsasa nokuba sebunzima kangakanani na.

20 Kodwa bona abenzi-bubi baza kutyhaphaka amehlo;

Abazukufumana ndawo yakubalekela,

Babe belindwe kukufa kuphela.”+

12 UYobhi waphendula wathi:

 2 “Abantu nini kaloku,

Xa ningekho nina bungaphela ubulumko!

 4 Ndiyinto yokuhlekisa koogxa bam,+

Kuba ndifuna iimpendulo kuThixo.+

 5 Umntu ongenazingxaki uyijongela phantsi intlungu;

Ucinga ukuba ifanele abantu abangazinzanga.

 6 Konwatyiwe kwiintente zootsotsi,+

Nabo bacaphukisa uThixo bakhuselekile,+

Abo babaphethe ngezandla oothixo babo.

 7 Khawubuze izilwanyana, zikuxelele;

Kwaneentaka zezulu, zikuchazele.

 8 Buza umhlaba,* uza kukufundisa;

Neentlanzi zolwandle ziza kukuxelela.

 9 Yeyiphi phakathi kwezi engaziyo

Ukuba le nto yenziwe sisandla sikaYehova?

10 Ubomi bayo yonke into ephilayo

Nobabantu bonke busesandleni sakhe.+

11 Indlebe ayiwavavanyi na amazwi

Njengokuba nolwimi lungcamla* ukutya?+

12 Ubulumko abufunyanwa kubantu abadala na?+

Ulwazi lona, aluzi nokuphila ubomi obude na?

13 UThixo unobulumko namandla;+

Unolwazi ibe uza kukwenza ukuthanda kwakhe.+

14 Into edilizwe nguye ayinakuphinde yakhiwe;+

Ukuba uvalile akukho mntu unokuvula.

15 Uthi akuwabamba amanzi, kome yonk’ into;+

Athi akuwakhupha, agcwale umhlaba wonke.+

16 Nguye onamandla nobulumko;+

Ngowakhe umntu olahlekayo nolahlekisayo;

17 Abacebisi ubahlazisa ngokubenza bahambe benganxibanga ezinyaweni,

Abenze izidenge abagwebi.+

18 Uyazikhulula iintambo ezibotshwe ngookumkani,+

Aze bona ababhinqise ibhanti lobukhoboka.

19 Ababingeleli ubahlazisa ngokubenza bahambe benganxibanga ezinyaweni,+

Aze ababhukuqe abo bangagungqiyo kwizikhundla zabo;+

20 Ubenza baphelelwe ngamazwi abacebisi abathenjiweyo,

Aze awenze aphelelwe bubulumko amaxhego;*

21 Uhlaza izikhulu,+

Abenze buthathaka abanamandla;

22 Utyhila izinto ezinzulu ezisebumnyameni,+

Azise ithunzi elimnyama ekukhanyeni;

23 Unika iintlanga amandla, esenzela ukuzitshabalalisa;

Ukhulisa iintlanga, akugqiba azise ekuthinjweni.

24 Uzohlutha ubulumko* iinkokheli zabantu,

Ababhadulise enyanyeni, apho kungekho ndlela.+

25 Baphuthaphutha ebumnyameni,+ apho kungekho kukhanya;

Ubabhadulisa okwamanxila.+

13 “Ndiyibone ngamehlo am yonke le nto,

Ndiyive ngeendlebe zam ndayiqonda.

 2 Nam ndiyazazi izinto enizaziyo;

Anindodluli nganto.

 3 Mna ndifuna ukuthetha noSomandla uqobo;

Ndifuna ukuzithethelela kuThixo.+

 4 Kodwa nina nindidyobha ngobuxoki;

Nonke ningoongantweni nje boogqirha.+

 5 Ukuba nje ningavala loo milomo yenu,

Beniya kuba nizizilumko.+

 6 Khanindimameleni nam ndizithethelele,

Nindive xa ndizicengezela.

 7 Niza kuthetha kakubi na egameni likaThixo,

Nize nimthethelele ngenkohliso?

 8 Niza kuba ngakwicala lakhe* na,

Nizame ukuthethelela uThixo wokwenene?

10 Ngokuqinisekileyo uza kunikhalimela

Ukuba nenza ngathi nikhetha icala lakhe.+

11 Anizukoyikiswa na sisidima sakhe nje sisodwa,

Ningcangcazele kukumoyika?

12 Amazwi enu obulumko luthuthu nje;

Ukuzithethelela kwenu ludongwe nje oluqhekekayo.

16 Ebeza kundisindisa,+

Kuba akukho mntu ungalunganga* unokuma phambi kwakhe.+

20 Owu Thixo, ndenzele nje ezi zinto zimbini,

Ukuze ndingazifihli kuwe:

21 Sisuse kum isandla sakho esisindayo,

Ungandivumeli ndothuswe kukoyika wena.+

22 Ndibize ukuze ndiphendule,

Okanye mandithethe, uze undiphendule.

26 Kuba uhlala ubhala izinto ezimbi ngam, undityhola,

Ibe undiphendulisa ngezono zobutsha bam.

27 Iinyawo zam uzibophelele.

Ugade yonke into endiyenzayo.

Uzazi zonke iindlela zam.

28 Umntu ke uyabola,

Okwesambatho esityiwa linundu.*

14 “Umntu ozelwe ngumfazi,

Unobomi obufutshane+ obugcwele iinkathazo.+

 2 Untshula njengentyatyambo, akhawuleze abune;*+

Uthi tshe oku kwesithunzi, aphel’ emehlweni.+

 3 Kaloku ilihlo lakho lihlala lijonge kuye,

Uze umgwebe.*+

 5 Ukuba iintsuku zakhe zimbalwa,

Inani leenyanga zakhe laziwa nguwe;

Umbekele umda angenakugqitha kuwo.+

 6 Mfulathele azokutsho aphumle,

Ade awugqibe umsebenzi wakhe wosuku njengomntu oqeshiweyo.+

Nokuba ungagawulwa, uza kuphinda ukhule,

Namasetyana awo aqhubeke ekhula.

 8 Ukuba iingcambu zawo ziyabola,

Nesikhondo sawo sife,

 9 Uza kuhluma ngokuva nje ivumba lamanzi,

Uze uvelise amasebe njengesityalo esitsha.

10 Kodwa yena umntu uyafa, angakwazi kwenza nto;

Xa umntu efile, sukuba eyephi?+

11 Amanzi athi shwaka elwandle,

Nomlambo utshe uze wome.

Akazukuphakama de lingabikho izulu,

Engazukuvuswa nakobo buthongo.+

13 Owu akwaba ubungandifihla engcwabeni,*+

Undifihle de uphele umsindo wakho,

Undibekele ixesha uze undikhumbule!+

Ndiza kulinda ke iphele imihla yobukhoboka bam,

De ndikhululeke.+

16 Kodwa okwangoku, ugade yonke indawo endinyathela kuyo;

Eyona nto uyigadileyo kum sisono.

17 Isono sam sivalelwe engxoweni,

Usivale ngci ngeglu.

18 Njengokudilika kwentaba,

Nokuwa kweliwa,

19 Njengamanzi ekhuthula amatye

Nemisinga ikhukulisa umhlaba,

Wena uliphelisile ithemba lomntu.

20 Uyamcinezela de atshabalale;+

Uyayitshintsha indlela ayiyo, uze umtshabalalise.

21 Nokuba oonyana bakhe banikwa imbeko, akayazi loo nto;

Nokuba sele bejongelwa phantsi, akayiboni loo nto.+

22 Intlungu uyiva kuphela xa esaphila;

Uzila kuphela xa engekafi.”

 2 “Umntu olumkileyo angayithetha na into engekhoyo,

Okanye agcwalise isisu sakhe ngomoya wasempuma?

 3 Ukukhalinyelwa nje ngomlomo akuncedi nganto,

Nokuthetha nje kuphela kulilize.

 4 Kuba wena wenza abantu bangamoyiki uThixo,

Ubenza bangamkhathaleli.

 5 Kuba uthethiswa sisono sakho,

Kunjalo nje ucikoza ngobuqhinga.

 6 Awutyholwa ndim, utyholwa ngumlomo lo wakho;

Yimilebe yakho ekumangalelayo.+

 7 Nguwe na umntu owaqala wazalwa,

Okanye wazalwa ngaphambi kokuba kwenziwe iinduli?

 8 Uyamva na uThixo xa ethetha emfihlekweni,

Okanye nguwe wedwa onobulumko?

 9 Yintoni le uyaziyo singayaziyo thina?+

Yintoni yona le uyiqondayo wena, singayiqondiyo thina?

10 Apha kukho amadoda amadala naziingwevu,+

Amadoda amadala lee nakuyihlo.

11 Akwanelanga na kuwe ukuthuthuzelwa nguThixo,

Okanye ngala mazwi sikubongoza ngawo?

12 Kutheni ulawulwa ziimvakalelo* nje,

Khona, kutheni amehlo akho egcwele umsindo?

13 Kuba ujikela uThixo ngokwakhe,

Ude uthethe amazwi anje.

14 Ukhona na umntu onokude acoceke,

Okanye umntu ozelwe ngumfazi onokude abe lilungisa?+

15 Jonga! Akathembanga kwaneengelosi zakhe,*

Namazulu lawo awacocekanga emehlweni akhe.+

16 Ubeka phi ke yena umntu owenyanyekayo nowonakeleyo,+

Osela ububi oku kwamanzi!

Ndikubalisele izinto endizibonileyo,

18 Izinto ezithethwe ngamadoda azizilumko, ezive kootata bawo,+

Aza azixela ekuhleni.

19 Umhlaba wanikwa bona bodwa,

Ibe akukho mntu wasemzini wadlula phakathi kwabo.

20 Umenzi-bubi uyabungcungcuthekisa bonke ubomi bakhe;

Injalo yonke iminyaka yokuphila komntu ongqwabalala.

21 Wothuswa yingxolo esezindlebeni zakhe;+

Uhlaselwa ngabaphangi ngexesha loxolo.

22 Akanathemba lakuphuncula ebumnyameni,+

Kuba uhleli elindelwe likrele.

24 Woyikiswa yintlungu nayinkxwaleko;

Zimcinezela oku kokumkani elungele ukuhlasela.

25 Kuba uphakamisa isandla sakhe enxwala uThixo,

Futhi udelela* uSomandla;

26 Umhlasela enenkani uThixo,

Uphethe ikhaka lakhe elomeleleyo;

27 Ubuso bakhe bugqunywe ngamanqatha,

Nesinqe sakhe sivuthelene kukutyeba;

28 Izixeko ahlala kuzo ziza kutshatyalaliswa,

Nezindlu zakhe ziza kukhal’ ibhungane,

Ibe ziza kuba yimfumba yamatye.

29 Soze abe sisityebi, zingasoze zande nezinto zakhe,

Okanye zigcwale elizweni.

30 Uza kuhlala esebumnyameni;

Isetyana lakhe lomiswe ngumlilo,*

Ibe uThixo uza kumvuthela anyamalale.+

31 Makangalahleki athembe ilize,

Kuba eyona nto aza kuyifumana lilize;

32 Le nto iza kwenzeka ngaphambi kokuba lufike usuku lwakhe,

Ibe amasebe akhe soze achume.+

33 Uza kufana nemithi yeediliya evuthulula iidiliya zisekrwada,

Nanjengomthi womnquma ovuthuluke iintyatyambo.

34 Kuba abantu abaziphethe kakubi* abazukwanda,+

Ibe iintente ekunyotywa kuzo ziza kudliwa ngumlilo.

35 Bakhawula inkathazo baze bazale ububi,

Isibeleko sabo sizala amaqhinga.”

Ukuba benisezihlangwini zam,

Nam bendinokunigxeka,

Ndinikine intloko.+

 5 Kunoko, bendiza kunomeleza ngamazwi am,

Ndinithuthuzele ngemilebe yam.+

 6 Ukuba ndiyathetha, intlungu yam ayipheli,+

Nokuba ndithule, kusafana.

 7 Kodwa ngoku uThixo undityhafisile;+

Uyichithe yonke indlu yam.

 8 Undibamba ngesixhanti, ibe loo nto ibonakala nakubani na,

Kuba ukubhitya kwam kuyandimangalela.

10 Iintshaba zam zivule imilomo yazo zifuna ukundiginya;+

Zindiqhwabe ngempama zindithuka;

Zindipakanyela ziligquba.+

11 UThixo undihlaselisa ngamakhwenkwe;

Undiphosa ezandleni zabantu abanobubi.+

12 Ndandizonwabele, kodwa yena wandidlakazelisa;+

Wandithi nqaku entanyeni, wandityumza,

Wajolisa iintolo zakhe kum.

13 Abatoli bakhe bandirhangqile;+

Ugqobhoza izintso zam+ engenalusizi;

Uyiphalazela emhlabeni inyongo yam.

14 Ugqobhoza kum ngathi ndiludonga;

Undihlasela oku kwekroti.

15 Ndinxibe ilaphu lokwenza ingxowa;+

Isidima sam ndisingcwabile.+

16 Ubuso bam bubomvu kukulila,+

Neenkophe zam zide zamnyama,*

17 Nakuba izandla zam zingazange zanabundlobongela,

Nomthandazo wam umsulwa.

19 Nangoku nje ingqina lam lisemazulwini;

Lowo unokundithethelela ukude lee phezulu.

20 Oogxa bam bahlekisa ngam,+

Ngoxa ndililela kuThixo.*+

21 Makubekho umlamli phakathi kwam noThixo,

Njengaphakathi kwabantu ababini.+

22 Kuba kushiyeke iminyaka embalwa,

Ndihambe endleleni yabangabuyiyo.+

17 “Umoya wam uphantsi, iintsuku zam ziphelile;

Ingcwaba lindilindile.+

 2 Ndingqongwe ngabantu abandigezelayo,+

Ibe mna kufuneka ndihlale ndibukele* ukusa kwabo.

 4 Kuba intliziyo yabo uyivimbe ubulumko;+

Yiloo nto bengaphumeleli.

 5 Basenokwabelana nabahlobo babo ngezinto zabo,

Ngoxa abantwana babo besifa yindlala.

 6 Undenze into yokuthukwa zizizwana,+

Ukuze zindithufele ebusweni.+

 7 Ngenxa yeenzingo amehlo am awasaboni kakuhle;+

Ndide ndabhitya nokubhitya.

 8 Amalungisa ayothuka xa endibona;

Abamsulwa bayakhathazeka yile nto yenziwa zizikhohlakali.*

 9 Ilungisa libambelela nkqi endleleni yalo,+

Nalowo umsulwa uya esiba namandla.+

10 Kodwa ke ningaphinda nibuye nindityhole,

Kuba andikaboni silumko apha phakathi kwenu.+

11 Iintsuku zam ziphelile;+

Amacebo am neminqweno yam iphasalakile.+

12 Ubusuku bathi yimini;

Bathi, ‘Obu bumnyama buthetha ukuba sekuza kusa.’

13 Ukuba ndiyalinda, ingcwaba* liza kuba likhaya lam;+

Ndiza kwandlala ebumnyameni.+

16 Liza kuphelela engcwabeni,*

Xa sisehla sonke sisiya eluthulini.”+

 3 Kutheni nisijonga ngathi sizizilwanyana nje,+

Nisibona sizizidenge?*

 4 Nokuba ungade uzikrazule ngomsindo,

Umhlaba awuzukuba yinkangala,

Namawa asuke ezindaweni zawo ngenxa yakho.

 5 Ukukhanya kwabantu abanobubi kuza kucinywa,

Nelangatye labo alizukuvutha.+

 6 Kuza kuba mnyama ezintenteni zabo,

Nezibane zabo ziza kucinywa.

 7 Baza kuyeka ukuhambela phezulu;

Baza kukhutyekiswa kwangamacebo abo.+

 8 Kuba iinyawo zabo ziza kubakhokelela emnatheni,

Ibe baza kubambiseka kuwo.

 9 Baza kubambiseka ngesithende kwisibatha,

Babambiseke emgibeni.+

10 Bafihlelwe intambo emhlabeni;

Babekelwe isibatha endleleni yabo.

11 Kukho izinto ezibagrogrisayo+

Nezibaleqa macala onke.

12 Baphelelwa ngamandla,

Ibe intlekele+ iza kubatsho bagxadazele.*

13 Ulusu lwabo luza kuyucuka,

Imizimba yabo igqitywe sisifo esoyikekayo.

14 Baza kukhutshwa ezintenteni zabo ezikhuselekileyo,+

Batyhalelwe kukumkani wezinto ezoyikekayo.*

15 Kuza kuhlala abantu abangabaziyo* ezintenteni zabo;

Kusasazwe umlilo wesalfure emakhayeni abo.+

16 Ziza koma iingcambu zabo,

Abune namasebe abo.

17 Baza kulibaleka emhlabeni,

Namagama abo angaziwa.

18 Baza kususwa ekukhanyeni, baqhutyelwe ebumnyameni,

Bagxothwe nasemhlabeni.

19 Abazukuba nanzala nasizukulwana phakathi kwabantu babo,

Kungabikho bantwana babo basindayo.

20 Xa kufika usuku lwabo, abantu baseNtshona baza kothuka,

Bona abaseMpuma batyhwatyhwe.

21 Yiloo nto ke eza kwenzeka kubantu abanobubi,

Nakwindawo yabantu abangamfuniyo uThixo.”

 2 “Kuza kude kube nini na nindingcungcuthekisa,+

Nindihlaba ngamazwi?+

 3 Nindikhalimele* kalishumi;

Aninazintloni ukundiphatha ngqwabalala kangaka.+

 4 Ukuba nyhani ndenze impazamo,

Ayinifuni nganto loo nto.

 5 Ukuba niqhubeka nindiphakamela,

Nisithi indifanele le nto indehleleyo,

 6 Ze nazi ke ukuba ndilahlekiswe nguThixo,

Wandibambisa ngomnatha wakhe wokuzingela.

 7 Ndiba ngakhwaza ndisithi, ‘Ubundlobongela!’ kodwa ndingahoywa;+

Ndiba ngakhalela uncedo, kodwa ndingathethelelwa.+

 8 Indlela yam uyivale ngodonga lwamatye, andikwazi kudlula;

Uzenze zamnyama iindlela endihamba kuzo.+

 9 Undohluthe uzuko lwam,

Wasusa nesithsaba sentloko yam.

10 Undiqoba macala onke, uyandigqiba;

Ulincothula oku komthi ithemba lam.

11 Uyavutha ngumsindo,

Ibe undibona njengotshaba lwakhe.+

12 Imikhosi yakhe indirhangqile,

Ijikeleze intente yam.

13 Undenze ndabalekwa nangabantakwethu,

Nabantu abandaziyo bandilahlile.+

14 Abahlobo bam bandishiyile,*

Nabantu ebendivana nabo bandilibele.+

15 Iindwendwe zam+ nezicakakazi zam azisandazi;

Ndingumntu nje wasemzini kuzo.

16 Ndiba ngasikhwaza isicaka sam, suke singaphenduli.

Ndiyasicenga ukuba sibe nosizi.

17 Umfazi wam wenyanya nokuphefumla oku kwam,+

Ndinuka kakubi nakubantakwethu.

18 Ndidelelwa nangabantwana;

Xa ndiphakama, bayandinxwala.

19 Bonke abahlobo bam bayandicaphukela,+

Yaye bonke abo ndibathandayo bandijikele.+

20 Ulusu lwam nenyama yam zithe nca emathanjeni am,+

Ibe ndisinde cebetshu.

21 Ndisizeleni, bahlobo bam, ndisizeleni,

Kuba ndibethwe sisandla sikaThixo.+

22 Kutheni ninditshutshisa njengoThixo nje,+

Ningayeki ukundihlasela?+

23 Akwaba amazwi am ebebhalwe phantsi!

Akwaba ebebhalwe encwadini!

24 Akwaba ebebhalwe elityeni ngonaphakade,

Ngosiba lwentsimbi nelothe!

25 Kuba ndiyazi ukuba ukhona umsindisi wam,+

Uza kuza, eme emhlabeni.*

26 Nokuba ndingabhitya ndibe ngamathambo,

Ndiza kumbona uThixo ndiseyinyama,

27 Ndiza kumbona ngokwam,

Ngawam amehlo, kungekhona awomnye umntu.+

29 Nini abamele baloyike ikrele,+

Kuba ikrele lohlwaya abo bonayo.

Ze nazi ke ukuba ukhona umgwebi.”+

 2 “Izinto endizicingayo ziyandicaphukisa;

Zithi mandithethe.

 3 Ndizivile izithuko zakho;

Ibe ingqondo yam ithi mandikuphendule.

 4 Umele ukuba kudala usazi,

Kuba kwakunje ukususela oko kwabakho umntu* emhlabeni,+

 5 Ulonwabo lwabantu abenza ububi luphela ngoku,

Novuyo lomntu oziphethe kakubi* lolomzuzwana.+

 6 Nokuba ikratshi lakhe lingarheca izulu

Nentloko yakhe ifikelele emafini,

 7 Uza kutshabalala ngonaphakade okwelindle lakhe;

Abo babedla ngokumbona baza kuthi, ‘Waya phi?’

 8 Uza kuphaphazela emke okwephupha, angaze afunyanwe;

Uza kulityalwa msinyane okwephupha lasebusuku.

 9 Amehlo awayekhe ambona soze aphinde ambone,

Soze aphinde abonakale nasendaweni yakhe.+

10 Abantwana bakhe baza kuzicengezela kumahlwempu,

Nezandla zakhe zibubuyisele bonke ubutyebi awabuhlutha kwabanye.+

11 Wayekade enamandla ngeemini zobutsha bakhe,

Kodwa uza kufa nawo.

12 Ukuba izinto ezimbi zimnandi emlonyeni wakhe,

Ade azifihle naphantsi kolwimi,

13 Ukuba uyazinandipha angafuni kwahlukana nazo,

Kodwa ahlale ezimumathe emlonyeni,

14 Oko kutya kuza kubolela ngaphakathi kuye;

Kufane netyhefu* yephimpi.

15 Obo butyebi abuginyileyo uza kubuhlanza;

UThixo uza kubukhupha bonke esiswini sakhe.

16 Uza kufunxa ityhefu yephimpi;

Abulawe ngamazinyo erhamba.*

17 Soze aphinde ayibone imifula,

Imisinga yobusi nebhotolo.

18 Uza kuzibuyisela izinto zakhe engazisebenzisanga;

Soze abutye nobutyebi abusebenzeleyo.+

19 Kaloku uye wawacinezela amahlwempu,

Wohlutha nendlu angayakhanga.

20 Kodwa soze axole;

Ubutyebi bakhe abuzukumsindisa.

21 Akukho nto ishiyekileyo anokuyiqwenga;

Yiyo le nto ubutyebi bakhe buza kuphelel’ emoyeni.

22 Xa enentabalala yobutyebi uza kufikelwa ngamaxhala,

Afikelwe lilishwa emva kwelinye.

23 Uza kuthi esagcwalisa isisu sakhe,

UThixo athumele umsindo wakhe kuye,

Awugalele ezibilinini zakhe.

24 Uza kuthi esabaleka izikhali zentsimbi,

Achanwe lutolo lwekopolo.

25 Uza kuthi esaluncothula emqolo,

Esalukhupha olo tolo lumenyezelayo enyongweni yakhe,

Asuke oyike.+

26 Buza kuvuthuluka buphele tu ubutyebi bakhe;

Uza kutshiswa ngumlilo ongaphenjwanga mntu,

Aze nabani na osindileyo ententeni yakhe ehlelwe yintlekele.

27 Izulu liza kusibhenca isono sakhe,

Ajikelwe nangumhlaba.

28 Indlu yakhe iza kukhukuliswa,

Imke nomsinga onamandla ngemini yomsindo kaThixo.

29 Naso ke isabelo uThixo asinika abenzi-bubi,

Ilifa ababekele lona.”

 2 “Ndimameleni kakuhle;

Niya kuba niyandithuthuzela ngaloo ndlela.

 3 Khanindiyeke ndithethe ndigqibe;

Emva koko ningandigxeka.+

 5 Jongani kum nimangalisiwe,

Nibeke izandla emilonyeni yenu.

 6 Ndithi ndakuyicinga le nto ndiphazamiseke,

Nditsho ndingcangcazele umzimba wonke.

 7 Kutheni abenzi-bubi beqhubeka bephila,+

Besiba badala, baze babe zizityebi?*+

 8 Abantwana babo bahlala bekunye nabo;

Bahlala beyibona inzala yabo.

 9 Bakhuselekile ezindlini zabo, yaye aboyiki nto;+

UThixo akabohlwayi ngentonga yakhe.

10 Iinkunzi zabo zeenkomo ziyamithisa,

Neemazi zabo ziyazala.

11 Oonyana babo badlala phandle oku komhlambi,

Nabantwana babo bayatsiba-tsiba.

12 Bayacula bekhalisa amagubu neehadi,

Bavuye bakuva kukhaliswa ifleyiti.*+

13 Yonke imihla banelisekile,

Yaye baya engcwabeni* beseluxolweni.*

18 Ngaba bakhe baphetshethwe ngumoya njengeendiza,

Okanye bafane nomququ ophetshethwa sisaqhwithi?

20 Kwanga intlekele ingehlela yena,

Ibe nguye ova umsindo kaSomandla.+

21 Kuba iza kumchaphazela ngantoni into eyenzeka endlini yakhe,

Xa ekhawuleze wafa?+

22 Ukhona na umntu onokufundisa uThixo,+

Ekubeni inguye ogweba nabona bantu baphakamileyo?+

23 Omnye umntu ufa ekwazi ukuzenzela yonke into ayifunayo,+

Ekhululekile yaye engenaxhala lanto.+

24 Ufa amathanga akhe egcwele amanqatha

Namathambo akhe omelele.*

25 Kodwa omnye umntu ufa exhwalekile,

Engakhange akhe aphile kamnandi.

26 Bobabini baza kulala eluthulini,+

Batyiwe ziimpethu.+

27 Mamelani! Ndiyazi kakuhle into eniyicingayo,

Nendlela eniceba ukundikhathaza ngayo.*+

28 Kuba nithi, ‘Iphi na indlu yalaa mntu kuthiwa ubalulekile;

Iphi na intente awayehlala kuyo laa menzi-bubi?’+

Kutheni ningayimameli into abayithethayo,

30 Nize niqonde ukuba ngemini yentlekele umenzi-bubi uyasinda,

Yaye uyahlangulwa ngemini yomsindo?

31 Ngubani oza kumphendulisa ngezinto azenzileyo,

Yaye ngubani oza kumohlwaya ngenxa yazo?

32 Uza kusiwa emangcwabeni,

Aze enzelwe umlindo.

33 Ulala ngoxolo emhlabeni,+

Yaye bonke abantu bayamlandela,+

Njengokuba bekunjalo nakwabo babengaphambi kwakhe.

 3 Uyikhathalele ngantoni* uSomandla into yokuba ulilungisa,

Okanye ikhona into ayifumanayo ngokuba msulwa kwakho?+

 4 Angakohlwaya na,

Aze akugwebe ngenxa yokuba umhlonipha?

 5 Akakohlwayeli obu bubi bakho bungaka na

Nezi zinto zingaka zimbi uzenzileyo?+

 6 Kaloku wena wohlutha isibambiso somntakwenu ungenasizathu,

Ukhululisa nabantu iimpahla zabo, ubashiye beze.+

 7 Awumniki manzi akusela umntu odiniweyo,

Nolambileyo umvimba isonka.+

 8 Umhlaba uba ngowendoda esisikhulu,+

Ibe kuhlala abathandwa yiyo kuwo.

 9 Kodwa bona abahlolokazi awubaniki nto,

Ibe ubaphatha kakubi abantwana abangenatata.*

10 Yiloo nto ujikelezwe yimigibe,*+

Uqutyulwa nazizinto ezoyikekayo;

11 Yiloo nto kumnyama kangaka, ungaboni,

Wogqunywe nasisikhukula.

14 Usithwa ngamafu,

Xa ehambahamba kweyona ndawo iphezulu ezulwini.’

15 Ngaba wena uza kuhamba ngendlela yakudala

Eyahanjwa ngabenzi-bubi,

16 Amadoda axhwilwe ngaphambi kwexesha lawo,*

Aneziseko ezimke nesikhukula?*+

19 Amalungisa aza kuyibona le nto aze avuye,

Baze abamsulwa bawagezele loo madoda bathi:

20 ‘Iintshaba zethu zitshatyalalisiwe,

Ibe ziza kudliwa ngumlilo.’

21 Zimisele ukwazi uThixo ukuze ufumane uxolo;

Emva koko uza kufumana izinto ezintle.

22 Yamkela umthetho osuka kuye,

Uze uwagcine entliziyweni amazwi akhe.+

23 Ukuba ubuyela kuSomandla, uza kuphinda uphumelele.+

Ukuba nje ungakhupha izinto ezimbi ententeni yakho,

24 Ukuba ungaphosa igolide yakho eluthulini,

Igolide yaseOfire+ ematyeni entlambo,

25 Uza kutsho abe yigolide yakho uSomandla,

Abe yeyona silivere yodidi.

26 Kuba uza kutsho umthande,

Ibe uza kubuphakamisela kuThixo ubuso bakho.

27 Uza kuva xa umcenga;

Nawe utsho uzenze izinto ozifungileyo.

28 Nantoni na oceba ukuyenza iza kuphumelela,

Kubekho ukukhanya nasendleleni yakho.

29 Kuba uza kuhlazeka ukuba uthetha ngekratshi,

Kodwa yena uza kubasindisa abathobekileyo.

30 Uza kubahlangula abamsulwa;

Ngoko ke, ukuba izandla zakho zicocekile, uza kuhlangulwa ngokuqinisekileyo.”

 2 “Andizukuyeka ukukhalaza* nanamhlanje;+

Ndincwine ndade ndaphelelwa ngamandla.

 4 Bendiza kusisa kuye isikhalo sam,

Ndizithethelele kuye;

 5 Bendiza kumamela indlela andiphendula ngayo,

Ndizigcine izinto azithethayo kum.

 7 Ilungisa beliza kukwazi ukulungisa izinto naye,

Nditsho ndifunyaniswe ndingenatyala nguMgwebi wam.

 8 Kodwa ndiba ngaya empuma, ndifike engekho,

Ndiphinde ndibuye, ndingamfumani.

 9 Xa esebenza ngasekhohlo, andimfumani;

Naxa ejikela ngasekunene, andimboni.

11 Iinyawo zam zimlandele ngokusondeleyo;

Ndiyigcinile indlela yakhe, ibe andikhange ndiyishiye.+

14 Kuba uza kuzenza zonke izinto azimisele ukuzenza kum,

Ibe zininzi ezo zinto.

15 Yiyo le nto ndinexhala;

Ndithi ndakucinga ngaye, ndiye ndisoyika.

16 UThixo undigqibe amandla,

Ibe uSomandla undenze ndoyika.

17 Kodwa ke andizukuthula ngenxa yobo bumnyama

Nangenxa yeso sithokothoko sigqume ubuso bam.

 2 Abantu babhekelisa imida yemihlaba;+

Beba neegusha bazise emadlelweni abo.

 3 Bemka nedonki yabantwana abangenatata,

Bathimbe* nenkunzi yenkomo yomhlolokazi.+

 4 Bakhupha amahlwempu endleleni ngetshova;

Abaxhwalekileyo banyanzeleka ukuba babazimele.+

 5 Amahlwempu akhangela ukutya okweedonki zasendle;+

Akhangelela abantwana bawo ukutya entlango.

 6 Avuna* kumasimi abanye abantu,

Achola-chole kumasimi eediliya abenzi-bubi.

 7 Alala eze ubusuku bonke,+

Engenanto yakwambatha kuloo ngqele.

 8 Aba manzi tixi ziimvula zasezintabeni;

Ancathama emaweni kuba engenakhusi.

 9 Usana olungenatata luxhwilwa ebeleni;+

Neempahla zamahlwempu ziyathathwa zibe sisibambiso,+

10 Anyanzeleke ukuba ahambe ze,

Athwale izithungu elambile.

11 Asebenza nzima, etshiswa lilanga ngakwiindonga zamasimi;

Ayanxanwa kodwa axovula iwayini.+

12 Abantu bayagcuma besifa esixekweni;

Abenzakeleyo bakhalela uncedo,+

Kodwa uThixo akaboni nto imbi kuloo nto.*

13 Kukho nabo badelela ukukhanya;+

Abaziboneli ntweni iindlela zako,

Ibe abahambi ngazo.

14 Umbulali uvuka ekuseni;

Ubulala amahlwempu nabo bangakwazi kuzenzela nto,+

Aze ebusuku abe lisela.

15 Umkrexezi ulinda kutshone ilanga,+

Esithi, ‘Akukho mntu uza kundibona!’+

16 Ebusuku amasela aqhekeza izindlu,

Aze emini azivalele ezindlini zawo.

19 Ingcwaba* liginya aboni,+

Kanye njengokuba imbalela nobushushu zitshisa amanzi ekhephu!

21 Baxhaphaza umfazi ongafumani bantwana,

Bamphathe kakubi umhlolokazi.

22 UThixo uza kubatshabalalisa abo bomeleleyo;

Nokuba bangaphakama, abaqinisekanga ngobomi babo.

23 UThixo uyabayeka bazithembe, bacinge ukuba bakhuselekile,+

Kodwa amehlo akhe abona yonke into abayenzayo.+

Bayathotywa+ baze bafe njengomntu wonke.

Baza kuqhawulwa njengezikhwebu.

25 Ngubani ke onokundiphikisa

Athi ndiyaxoka?”

 2 “UnguMlawuli ibe uyoyikeka;

Wenza kubekho uxolo ezulwini.

 4 Angalilungisa njani ke umntu phambi koThixo?+

Angamsulwa njani umntu ozelwe ngumfazi?+

 5 Nkqu nenyanga ayiqaqambi emehlweni akhe,

Neenkwenkwezi ezi azicwenganga phambi kwakhe,

 6 Kobeka phi ke ngomntu nje ofayo, oyimpethu,

Nonyana womntu, ongumbungu!”

 4 Ngubani lo nizama ukuthetha naye?

Khona, nizithatha phi ezi zinto nizithethayo?

 5 Abo bafileyo nabangenakuzenzela nto bayangcangcazela;

Bangaphantsi nakwizilwanyana zaselwandle.

 6 Ingcwaba* lize emehlweni kaThixo,+

Ibe akukho nto angayiboniyo kule ndawo yentshabalalo.

 7 Wolula isibhakabhaka esingasemntla emoyeni,+

Nomhlaba uwujingisa emoyeni;

 8 Ubopha amanzi ngeengqimba zamafu,+

Awabophe ukuze angagqajuzwa bubunzima bamanzi;

 9 Uyayisithelisa itrone yakhe,

Eyigquma ngelifu.+

10 Wahlula isibhakabhaka nolwandle,+

Aze ahlule ubumnyama nokukhanya.

11 Iintsika zezulu ziyangcangcazela;

Ziyoyika ngenxa yokukhalinyelwa nguye.

12 Uzamazamisa ulwandle ngamandla akhe;+

Ngobulumko bakhe unqunqa isilwanyana esikhulu saselwandle.*+

13 Ngokuphefumla nje usenza sicwenge isibhakabhaka;

Isandla sakhe sihlaba inyoka enyebelezayo.

14 Ezi zinto ziseyimiphetho nje yeendlela zakhe;+

Zikukusebeza nje kuphela!

 2 “Ephila nje uThixo, ondivimbe ubulungisa,+

Ephila nje uSomandla, obenze nzima ubomi bam,+

 3 Ndisaphefumla nje,

Ndisenamandla obomi endiwanikwe nguThixo,+

 4 Imilebe yam ayizukuthetha zinto zingalunganga;

Nolwimi lwam aluzukuthetha nkohliso!

 6 Ndiza kuhlala ndililungisa, soze ndiyeke;+

Ndisaphila nje,* intliziyo yam soze indigwebe.

 7 Akwaba iintshaba zam zingohlwaywa njengabenzi-bubi,

Nabo bandihlaselayo bohlwaywe njengabo benza izinto ezingalunganga.

 8 Kuba liza kuba yintoni ithemba lomenzi-bubi xa etshatyalaliswa,+

Xa ebulawa nguThixo?

 9 Uza kusiva na uThixo isikhalo sakhe

Xa esehlelwa zizinto ezibuhlungu?+

11 Ndiza kunifundisa ngamandla kaThixo;*

Andizukunifihlela nto ngoSomandla.

12 Jongani! Ukuba nonke nibone imibono,

Kutheni ke nithetha izinto ezingekhoyo?

13 Nantsi ke into aza kuyenza uThixo kumenzi-bubi,+

Nelifa uSomandla aza kulinika izikhohlakali:

14 Nokuba angaba noonyana abaninzi, baza kubulawa ngekrele,+

Nenzala yakhe ayizukuba nakutya kwaneleyo.

16 Nokuba angade abe nemfumba yesilivere ngathi luthuli,

Aze abe nempahla yodidi efumbe okodongwe,

17 Nokuba angayiqokelela,

Iza kunxitywa lilungisa,+

Baze abamsulwa bahlulelane ngesilivere yakhe.

18 Indlu yakhe icekeceke njengesingxobo sombungu,

Njengekhusi+ elenziwe ngunogada.

19 Uza kulala esisityebi, kodwa obo butyebi buza kuthi shwaka,

Kube kungasekho nto xa evula amehlo.

20 Uza kufikelwa luloyiko ngathi sisikhukula,

Emke nesaqhwithi ebusuku.+

21 Uza kumka nomoya wasempuma,

Aphephetheke emke endaweni yakhe.+

22 Uza kuvuthuza ungenalusizi,+

Njengokuba ezama ukuwubaleka.+

23 Uza kumqhwabela izandla,

Umbethele umlozi+ usendaweni yawo.*

28 “Kukho indawo ekumbiwa kuyo isilivere

Nendawo ekusulungekiswa kuyo igolide;+

 2 Intsimbi yembiwa emhlabeni,

Nekopolo inyibilikiswa ematyeni.+

 3 Umntu akaboyiki ubumnyama,

Ukhangela kwisithokothoko sobumnyama

Efuna ilitye elixabisekileyo.

 4 Uyehla angene emgodini, kude nalapho abantu bahlala khona,

Kwiindawo ezilityelweyo, ekungahanjwayo kuzo;

Amanye amadoda ade ehle ngeentambo aze asebenze ejinga.

 5 Ngaphezulu umhlaba uvelisa ukutya;

Kodwa uyaphela ngaphantsi ngokungathi uqwengwa ngumlilo.*

 6 Kukho amatye anesafire apho,

Nothuli olunegolide.

 7 Akukho ntaka idla inyama eyaziyo indlela eya apho;

Neliso likakhetshe omnyama aliyibonanga.

 8 Akukho silwanyana sasendle esoyikekayo sakha sahamba kuyo;

Kungekho nangonyama yakha yadlula apho.

 9 Abantu baqhekeza amatye,

Baqhekeze neziseko zeentaba.

10 Benza imijelo yamanzi+ emaweni;

Namehlo abo abhaqa yonke into exabisekileyo.

11 Bavingca imilambo,

Baze baveze izinto ebezingabonakali.

12 Kodwa bona ubulumko bunokufunyanwa phi?+

Ukuqonda kona kufumaneka phi?+

13 Akukho mntu uyiqondayo indlela obuxabiseke ngayo,+

Yaye abufumaneki emhlabeni.

14 Amanzi anzulu athi, ‘Abukho kum!’

Nolwandle luthi, ‘Abukho nakum!’+

15 Abunakuthengwa ngegolide esulungekileyo,

Bungenakufunyanwa nangesilivere.+

16 Abunakuthengwa ngegolide yaseOfire,+

Nangelitye elinqabileyo leanikis nesafire.

17 Igolide neglasi azinakuthelekiswa nabo;

Bungenakuthengwa nangesitya segolide yodidi.*+

18 Ikorale nekristale azithathi nto kubo,+

Kuba ingxowa egcwele ubulumko ixabiseke nangaphezu kwegcwele ziiperile.

19 Itopazi+ yakwaKushe ayinakuthelekiswa nabo;

Abunakuthengwa nangegolide esulungekileyo.

20 Kodwa buvela phi ubulumko?

Ukuqonda kona kufumaneka phi?+

22 Intshabalalo nokufa zithi,

‘Iindlebe zethu zivile nje kuthethwa ngabo.’

23 UThixo uyazi ukuba bufumaneka njani;

Nguye yedwa obaziyo ukuba buhlala phi,+

24 Kuba yena ubona kwezona ndawo zikude zomhlaba,

Yaye ubona yonke into ephantsi kwamazulu.+

25 Xa wayenika umoya amandla,+

Naxa wayelinganisa amanzi,+

26 Xa wayebekela imvula umthetho,+

Esalathisa namafu ahamba neendudumo,+

27 Watsho wabubona ubulumko waza wabenza bacaca;

Wabenza waza wabuvavanya.

‘Jonga! Ukoyika uYehova, bubulumko obo,+

Yaye ukusuka ebubini kukuqonda.’”+

 2 “Akwaba bekunokubuyiselwa iinyanga ezadlulayo,

Ngokuya uThixo wayesandikhusela,

 3 Xa wayekhanyisa isibane sakhe phezu kwentloko yam,

Ndihamba ebumnyameni ndikhanyiselwa nguye,+

 4 Xa ndandisenamandla,

UThixo esengumhlobo wam omkhulu yaye esententeni yam,+

 5 Xa uSomandla wayengakum,

Ndingqongwe ngabantwana bam,*

 6 Xa indawo endinyathele kuyo yayihlanjwa ngebhotolo,

Kuphuma nemisinga yeoli ematyeni.+

 7 Xa ndandiqhele ukuya egeyithini yesixeko,+

Ndize ndihlale kwindawo kawonke-wonke,+

 8 Abafana babesithi bakundibona bandivulele indlela,*

Namaxhego ayephakama aze aqhubeke emile.+

 9 Iinkosana zazisithi cwaka,

Zibeke izandla emlonyeni.

10 Abantu abahloniphekileyo babethula bathi tu,

Ulwimi luthi nca enkalakahleni.

11 Nabani na owayendive ndithetha wayendincoma,

Nabo bandibonayo babethetha kakuhle ngam.

12 Kuba ndandilinceda ihlwempu xa likhalela uncedo,+

Ndinceda umntwana ongenatata naye nabani na ongenamncedi.+

13 Abantu ababejike ekufeni babendibulela,+

Nabahlolokazi ndandibenza bonwabe.+

14 Ndandihlala ndinxibe ubulungisa,

Isambatho sam neqhiya yam zikokusesikweni.*

15 Ndandingamehlo kulowo uyimfama;

Ndiziinyawo kulowo usisiqhwala.

16 Ndandingutata wamahlwempu;+

Ndandiwaphanda kakuhle amatyala abantu endingabaziyo ukuze ndibancede.+

17 Ndandimqhekeza imihlathi umenzi-bubi,+

Ndize ndilohluthe ixhoba emazinyweni akhe.

18 Ndandidla ngokuthi, ‘Ndiza kufela endlini yam,+

Ibe imihla yam iza kuba mininzi okwesanti.

19 Iingcambu zam ziza kunabela emanzini,

Nombethe uhlale emasebeni am ubusuku bonke.

20 Ndihlala ndizukiswa,

Nesaphetha esisesandleni sam siza kuhlala sidubula iintolo.’

21 Abantu babedla ngokundimamela ngomdla,

Bathi cwaka belinde ukuba ndibacebise.+

22 Akukho mntu wayethetha emva kokuba ndithethile;

Amazwi am ayengena kamnandi ezindlebeni zabo.

23 Babendilinda ngathi balinde imvula;

Babevula imilomo yabo ngathi balinde imvula yentwasahlobo.+

24 Xa ndibancumela babengakholelwa;

Babendijonga ebusweni bathuthuzeleke.

25 Ndandibayalela njengenkokheli yabo,

Ndiphila njengokumkani phakathi kwamajoni akhe,+

Nanjengalowo uthuthuzela abazilileyo.+

30 “Ngoku ndihlekwa+

Ngamadoda angaphantsi kum ngeminyaka,

Anootata endandingenakuvuma

Nokuba bahlale nezinja ezigade umhlambi wam.

 3 Atyhafile ngenxa yokungabi nanto nokulamba;

Akhotha umhlaba owomileyo,

Ophanzileyo nongumqwebedu.

 4 Akha iinqoba ematyholweni;

Ukutya kwawo ziingcambu zomthi wonwele.

 5 Ayagxothwa ngabantu,+

Bewangxolisa ngathi ngamasela.

 6 Ahlala kumathambeka asezintlanjeni,

Emingxunyeni nasemaweni.

 7 Akhala esematyholweni,

Abuthelane phakathi kwamarhawu.*

 8 Angoonyana boongantweni

Abagxothwe* naselizweni labo.

 9 Ngoku andigezela nakwiingoma zawo;+

Andenze into yokuthukwa.+

10 Ayandenyanya, ibe ahambela kude kum;+

Awonqeni ukunditshicela ebusweni.+

11 UThixo undihluthe izixhobo zam waza wandithoba,

Ngoku enza nje unothanda kum.

12 Eza eligquba ngasekunene kwam,

Kunyanzeleke ukuba ndibaleke,

Ibe andivalela indlela ukuze anditshabalalise.

13 Adiliza iindlela endihamba kuzo,

Ezenza zibe nzima nangakumbi iingxaki zam,+

Kube kungekho mntu uwanqandayo.*

14 Agaleleka ngathi atyhoboza eludongeni;

Afika sele kukubi kakade kum.

15 Ndihlala ndisoyika;

Isidima sam simke nomoya,

Nethemba lam lokusindiswa linyamalele.

16 Ngoku ubomi bam buphela ndijongile;+

Ndihlala ndisentlungwini+ yonke imihla.

17 Ebusuku ndiqaqanjelwa emathanjeni;*+

Iintlungu ezindidlayo azipheli.+

18 Impahla yam iyatsalwa;*

Indikrwitsha okwekhola encinci.

19 UThixo undiphose eludakeni;

Ndithotyiwe ndanjengothuli nothuthu.

20 Ndikhalela uncedo kuwe, kodwa awundiphenduli;+

Ndiyema ukuze ndikucenge, kodwa undijonga nje ungandihoyi.

21 Undijikele wandikhohlakalela;+

Undihlasela ngamandla akho onke.

22 Uyandiphakamisa uze undiphephethekise ngomoya;

Emva koko undiphosa ngapha nangapha ngesaqhwithi.*

23 Kaloku ndiyazi ukuba uza kundinikela ekufeni,

Kwindlu abaza kudibana kuyo bonke abaphilayo.

24 Kodwa akukho mntu obenokubetha indoda esentlungwini,*+

Ekhalela uncedo isengxakini.

26 Nangona bendifuna izinto ezilungileyo, ndehlelwe zezimbi;

Bendilindele ukukhanya, kodwa kwafika ubumnyama.

27 Asiyekanga ukuxuxuzela isisu sam;

Ndifikelwe yimihla yentlungu.

29 Abantakwethu ngoodyakalashe;

Abahlobo bam ziinciniba.+

30 Ulusu lwam lumnyama ibe ndiyobuza,+

Namathambo am ayatsha bubushushu.*

31 Uhadi lwam lukhala ngenxa yokuzila kuphela,

Nefleyiti yam yeyokulila.

 2 Ebeza kundenza ntoni ke uThixo?

Liliphi ilifa ebendiza kulifumana kuSomandla?

 3 Akazukufumana ntlekele na umenzi-bubi?

Abazukufikelwa ziingxaki na abo benza izinto ezenzakalisayo?+

 4 Akaziboni na iindlela zam?+

Akaziboni na iindawo endinyathela kuzo?

 6 UThixo makandibeke ezikalini ezichanileyo;+

Uza kutsho ayibone indlela endimsulwa ngayo.+

 7 Ukuba iinyawo zam ziyaphuma endleleni,+

Okanye intliziyo yam ilandela amehlo am,+

Okanye kukho into engcolise izandla zam,

 8 Imbewu endiyihlwayelayo ke mayityiwe ngomnye umntu,+

Nento endiyityalayo mayincothulwe.*

 9 Ukuba ndiye ndancwasa omnye umfazi,+

Ndalalela+ emnyango kwammelwane,

10 Umfazi wam makagubele enye indoda,

Alale namanye amadoda.*+

11 Kuba ndiya kuba ndenze into elihlazo,

Isono esifanele isohlwayo sabagwebi.+

12 Loo nto ibiya kuba njengomlilo otshabalalisayo,+

Oqwenga neengcambu zayo yonke intsimi yam.

13 Ukuba bendingabamameli abasebenzi bam

Xa bendikhalazela,*

14 Ndiza kuthini ke xa uThixo endibuza?

16 Ukuba bendingavumi ukuwanika izinto azifunayo amahlwempu,+

Okanye ndakhathaza umhlolokazi;+

17 Ukuba bendisitya ndedwa,

Ndivimbe iinkedama;+

18 (Kuba ukususela ebutsheni bam bendinjengotata kwiinkedama,

Ndanceda nabahlolokazi ukususela ebuntwaneni bam.)*

19 Ukuba bendidla ngokubona nabani na esifa yingqele ngenxa yokungabi nampahla,

Okanye ihlwempu lingenanto yokunxiba;+

20 Ukuba belingandibuleli+

Njengokuba lizifudumeza ngoboya beegusha zam;

21 Ukuba bendiyigxotha inkedama,+

Xa idinga uncedo lwam kwigeyithi yesixeko;+

22 Mayiqhawuke yonke ke ingalo yam,

Yophuke engqinibeni.

23 Kuba bendisoyika ukohlwaywa nguThixo,

Ibe bendingakwazi ukumelana nozuko lwakhe.

24 Ukuba bendithembele kwigolide,

Okanye ndathi kwigolide yodidi, ‘Ungumkhuseli wam!’+

25 Ukuba bendivuyiswa kukuba sisityebi+

Ngenxa yokuba ndinezinto ezininzi;+

26 Ukuba bendisithi xa ndibona ukuqaqamba kwelanga,

Okanye ukukhazimla kwenyanga,+

27 Intliziyo yam itsaleleke kuzo,

Ndize ndiphuze isandla sam ndizikhonza;+

28 Bendiya kuba ndenze isono esifanele isohlwayo sabagwebi,

Kuba bendiya kuba ndimkhanyele uThixo wokwenene.

29 Kwakha kwandivuyisa na ukwenzakaliswa kotshaba lwam,+

Okanye ndavuya xa lusehlelwa yinto embi?

30 Andizange ndiwuvumele wone umlomo wam

Ngokwenza isifungo ndicela ukuba lubulawe.+

31 Awatshongo na amadoda entente yam ukuba,

‘Wonke umntu utya onele* apha’?+

32 Akukho mhambi* wakha walala phandle,+

Kuba bendihlala ndiyivula iminyango yam.

33 Ngaba ndakha ndasifihla isono sam, njengabanye abantu,+

Ngokusifaka epokothweni?

34 Ngaba ndakha ndoyika ukuba baza kuthini abantu,

Okanye ndoyika ukudelelwa ngabantu beminye imizi,

Bendenza ndithule, ndoyike nokuphuma phandle?

36 Bendiza kuzithwala emagxeni am,

Ndizibeke entloko ngathi sisithsaba.

37 Bendiza kumxelela yonke into endiyenzileyo;

Bendiza kuba nesibindi sokuma phambi kwakhe okwenkosana.

38 Ukuba bendinokumangalelwa ngumhlaba wam,

Ndililelwe yimijelo yawo;

39 Ukuba nditye isivuno sawo ndingasihlawulelanga,+

Okanye ndabashiya bengenanto abanikazi bawo;+

40 Makukhule ameva endaweni yengqolowa,

Nokhula olunukayo endaweni yerhasi.”

“Ndisemtsha,

Nina nibadala.+

Ngoko ndiye ndathula kuba ndinihlonipha,+

Andabi naso isibindi sokunixelela izinto endizaziyo.

 7 Ndithe, ‘Makhe kuthethe iingwevu,

Amagqala mawaveze ubulumko bawo.’

 8 Kodwa ngumoya kaThixo osebantwini,

Ngumoya kaSomandla obanika ulwazi.+

 9 Abuyi ngaminyaka kuphela ubulumko,

Kungayi nangabudala kuphela ukubona into elungileyo.+

10 Ndithi ke ngoku, ‘Khawundimamele,

Nam ndikuxelele izinto endizaziyo.’

11 Ndiye ndanilinda nathetha;

Ndanimamela kakuhle+

Njengokuba benikhangela into yokuthetha.+

12 Ndiye ndanimamelisisa.

Akukho namnye kuni oye wakwazi ukumphikisa,*

Okanye ukumphendula uYobhi.

13 Ngoko ke sanukuthi, ‘Siyayazi le nto thina;*

Akohlwaywa ngumntu, wohlwaywa nguThixo.’

14 UYobhi ebengathethi nam,

Ngoko ke andizukumphendula ngamazwi enu.

15 Bancamile, baphelelwe ziimpendulo;

Abasenanto yakuthetha.

16 Ndibalindile, kodwa abathethi;

Bamile nje, abaphenduli.

17 Ngoko ke mna ndiza kuphendula;

Ndiza kutsho izinto endizaziyo,

18 Ininzi into endifuna ukuyithetha;

Lo moya ungaphakathi kum uyandiqhuba.

19 Ndiyabila ngaphakathi njengewayini evalelwe ngci,

Njengeebhotile zofele ezintsha eziza kugqabhuka.+

21 Andizukukhetha mntu;+

Ndingazukuzithandisa mntwini,

22 Kuba andikwazi kuzicengezela;

Ukuba bendiyenza loo nto, uMdali ebeza kundicim’ igama.

 5 Ndiphendule ukuba uyakwazi;

Zithethelele.

 6 Jonga! Ndifana nje nawe phambi koThixo wokwenene;

Nam ndenziwe ngodongwe.+

 7 Ngoko ungoyiki,

Kuba andizukuthetha rhabaxa.

 8 Kodwa ke uthethe ndisiva,

Ndikuvile xa ubusithi,

 9 ‘Ndimsulwa, andinatyala;+

Ndicocekile, andinasono.+

10 Kodwa uThixo uhlala endichasa;

Undijonga njengotshaba lwakhe.+

11 Iinyawo zam uzibophelele;

Ugade yonke into endiyenzayo.’+

14 Kaloku uThixo uthetha kube kanye nakabini,

Kodwa akukho mntu umamelayo,

15 Uthetha ephupheni, embonweni wasebusuku,+

Xa abantu bekobunzulu ubuthongo,

Belele ngamnye kumandlalo wakhe.

16 Emva koko ubavula iindlebe,+

Abaxelele ukuba mabathini,

17 Ukuze abanqande bangenzi izinto ezimbi,+

Aze abakhusele ekubeni nekratshi.+

18 UThixo uyabasindisa engcwabeni,+

Ubasindisa ekubulaweni ngekrele.*

19 Umntu ufundiswa isifundo yintlungu ayivayo esemandlalweni wakhe,

Nayintlungu engapheliyo esemathanjeni akhe,

20 De angafuni nesonka esi,

Angafuni nokona kutya kumnandi.+

21 Umzimba wakhe uyaphela,

De kuvele namathambo.

22 Uya esondela engcwabeni;

Uya esondela nakwabo babulalayo.

23 Ukuba kukho umthunywa,*

Nokuba ngumthetheleli omnye kwabaliwaka,

Omxelela into elungileyo amele ayenze,

24 UThixo uza kumenzela inceba, athi,

‘Msindise angayi engcwabeni!+

25 Umzimba wakhe mawube mtsha* kunasebuntwaneni bakhe;+

Makabuyele emandleni obutsha bakhe.’+

26 Uza kucenga uThixo,+ aze yena amamele,

Uza kukhwaza evuya xa ebona ubuso bukaThixo,

Aze uThixo amenze abe lilungisa kwakhona.

27 Loo mntu uza kuthi ebantwini,

‘Ndonile+ ndathetha izinto ezigqwethekileyo,

Kodwa andohlwaywanga ngaloo nto.*

28 Undisindise engcwabeni,+

Ibe ndiza kuqhubeka ndiphila.’

29 UThixo uzenza zonke ezi zinto;

Uzenza kabini, nakathathu kanti, ezenzela abantu,

30 Ukuze abasindise engcwabeni,

Baze baqhubeke bephila.+

33 Ukuba awunayo impendulo, mamela mna ke;

Thula, ndikufundise ubulumko.”

 2 “Ndimameleni nina zilumko;

Nindive nina banolwazi.

 3 Kaloku ukutya kungcamlwa lulwimi,

Namazwi ke avavanywa yindlebe.

 4 Masizibonele ngokwethu eyona nto ilungileyo;

Masizigqibele ngokwethu ukuba yintoni elungileyo.

 5 Kuba uYobhi uthe, ‘Andinatyala,+

Kodwa uThixo akavumanga ukundenzela ubulungisa.*+

 7 Ikhona na indoda efana noYobhi,

Ehlala inyamezele ukugezelwa?

 8 Uhlobene nabenzi-bubi;

Uhamba nabantu abenza izinto ezimbi.+

 9 Kuba yena uthe, ‘Akumncedi nganto umntu

Ukuzama ukuvuyisa uThixo.’+

Soze uThixo wokwenene enze izinto ezimbi,*+

Soze uSomandla enze into engalunganga!+

11 Kuba uvuza umntu ngokwezenzo zakhe,+

Aze amenze avune loo nto ayityalileyo.

12 Ndiqinisekile ukuba uThixo akazenzi izinto ezimbi;+

USomandla akagwebi ngendlela egqwethekileyo.+

13 Ngubani omenze umlawuli womhlaba?

Ngubani ombeke esihlalweni sokulawula umhlaba wonke?

14 Ukuba angabajikela abantu,

Athathe umoya wabo,+

15 Bangafa bonke abantu,*

Babuyele eluthulini.+

16 Ngoko ukuba usisilumko, ndimamele;

Yimamele kakuhle le nto ndiyithethayo.

17 Angalawula na umntu obucaphukelayo ubulungisa?*

Ungamgxeka na umntu onegunya xa elilungisa?

19 Yena ke uThixo akakhethi iinkosana kunabanye abantu,

Ibe akazithandi ngakumbi izityebi kunamahlwempu,*+

Kuba bonke bangumsebenzi wezandla zakhe.+

20 Bonke bayafa ngesiquphe+ ezinzulwini zobusuku;+

Bayaxhuzula baze bafe,

Nezikhulu ziyafa, kungengazandla zamntu.+

21 Kuba uThixo ubona zonke iindlela zomntu,+

Uzibona zonke iindawo anyathela kuzo.

22 Akukho bumnyama nathunzi limnyama

Abanokuzifihla kulo abenzi-bubi.+

23 UThixo akambekeli xesha umntu,

Akambekeli xesha lokugwetywa.

24 Akadingi kuphanda ngaphambi kokugweba izikhulu,

Aze abeke abanye ezikhundleni zazo.+

25 Kuba uyazazi izinto ezizenzayo;+

Ngoko ke uzisusa esihlalweni ezinzulwini zobusuku, zize zitshabalale.+

26 Uzibethela izinto ezimbi ezizenzayo,

Ezibetha phambi kwabantu,+

27 Kuba ziyekile ukumlandela,+

Azazihoya neendlela zakhe,+

28 Zibangela ukuba amahlwempu akhalele kuThixo,

Zibangela ukuba eve isikhalo sabangenamncedi.+

Nokuba uzifihle kuhlanga okanye ebantwini, kuyafana,

30 Ukuze umntu ongamthandiyo uThixo angalawuli,*+

Okanye abekele abantu imigibe.

31 Ukhona na umntu onokuthi kuThixo,

‘Ndohlwayiwe, kodwa andenzanga nto;+

32 Ndibonise le nto ndingayiboniyo;

Ukuba kukho into embi endiyenzileyo, andizukuphinda ndiyenze’?

34 Amadoda azizilumko, nawaphi na andivayo,

Aza kuthi kum,

35 ‘UYobhi uthethiswa kukungazi;+

36 UYobhi makavavanywe* ngokupheleleyo,

Kuba uthetha oku kwabenzi-bubi!

37 Wongeza indelelo phezu kwesono sakhe;+

Uqhwabela thina izandla ngokusa,

Ethetha izinto ezininzi ezimbi ngoThixo wokwenene!”+

 2 “Ucinga ukuba umsulwa kangangokuba ude uthi,

‘Ndililungisa ngaphezu koThixo’?+

 4 Ndiza kukuphendula,

Wena nabahlobo bakho.+

 5 Jonga phezulu ezulwini uze ubone,

Ubukele amafu+ akude lee kuwe.

 7 Ukuba ulilungisa, uza kube umnike ntoni?

Yintoni ayifumanayo kuwe?+

 8 Ububi obenzayo buchaphazela omnye umntu kuphela,

Nobulungisa bakho bunceda oonyana babantu.

 9 Abantu bayakhala xa becinezelwa;

Bakhalela ukuncedwa kuba becinezelwa ngabantu abanegunya.+

10 Kodwa akukho mntu uthi, ‘Uphi uThixo, uMdali wam Ozukileyo,+

Lowo ubangela ukuba kuculwe iingoma ebusuku?’+

11 Usinika ulwazi+ ngaphezu kwezilwanyana zomhlaba;+

Usenza silumke ngaphezu kweentaka zezulu.

12 Abantu bayakhala, kodwa akabaphenduli,+

Kuba bangabenzi-bubi abanekratshi.+

13 Ngokuqinisekileyo uThixo akasimameli isikhalo sabantu abazenzisayo;*+

USomandla akasihoyi nokusihoya.

15 Kuba akakuphendulisanga enomsindo,

Engakhange akuhoye nokuthetha kwakho ungacinganga.+

16 UYobhi uwuvula nje umlomo;

Uthetha kakhulu engenalwazi.”+

 2 “Khawundinyamezele kancinci ndikucacisele,

Kuba kusekho amazwi endifuna ukuwathetha egameni likaThixo.

 3 Ndiza kuzithetha zonke izinto endizaziyo,

Ndibonise ukuba uMdali ulilungisa.+

 4 La mazwi ndiwathethayo ayinyani;

Avela kuLowo unolwazi olugqibeleleyo.+

 5 UThixo unamandla,+ ibe akukho mntu angamfuniyo;

Ubulumko bakhe abunakuthelekiswa nanto.

 6 Akazukubayeka bahlale bephila abenzi-bubi,+

Kodwa abaxhwalekileyo ubaphatha ngobulungisa.*+

 7 Akawasusi amehlo akhe kumalungisa;+

Uwenza* ookumkani,+ aze awaphakamise ngonaphakade.

 8 Kodwa ukuba abotshwe ngamatsheyina,

Nangeentambo zentlupheko,

 9 Uyawabonisa into ayenzileyo,

Izono zawo ezibangelwe likratshi.

10 Uvula iindlebe zawo ukuze awalungise,

Awaxelele ukuba ayeke ukwenza izinto ezimbi.+

11 Ukuba ayamthobela aze amkhonze,

Aza kuphumelela ebomini,

Aze onwabe.+

12 Kodwa ukuba awamthobeli, aza kubulawa ngekrele,*+

Aze afe engazi nto.

14 Bafa besebatsha,+

Bephila ubomi babo namahenyu asetempileni.+

15 Kodwa uThixo uyabasindisa abantu ezingxakini zabo;

Ubavula iindlebe xa becinezelwa.

16 Uyakukhupha wena ezingxakini,+

Akuse kwindawo evulekileyo, ukuze ukhululeke,+

Aze akuthuthuzele ngokutya okumnandi.+

17 Ngoko ke uza kutsho waneliseke xa ubona abenzi-bubi besohlwaywa,+

Xa begwetywa baze bafumane isohlwayo esibafaneleyo.

18 Kodwa lumka, ungavumeli umsindo ukwenze ukhohlakale,+

Yaye ungalahlekiswa kukunyotywa.

19 Ngaba ukukhalela kwakho uncedo,

Nokusebenza nzima kwakho kuza kukusindisa ezingxakini?+

20 Sukunqwenela ukuba kude kufike ubusuku,

Ixesha lokunyamalala kwabantu besiya kwiindawo zabo.

21 Lumka, ungenzi izinto ezimbi,

Ungakhethi zona kunentlungu.+

22 Jonga! UThixo uzukiswa ngenxa yamandla akhe;

Ngubani okwaziyo ukufundisa njengaye?

23 Ngubani omkhokelayo,*+

Okanye athi kuye, ‘Imbi le nto uyenzileyo’?+

25 Zibonwe ngabantu bonke,

Bezibonela kude.

26 UThixo mkhulu ngendlela esingenakuyiqonda;+

Asinakuyazi iminyaka yakhe.+

27 Utsala amathontsi amanzi anyuke,+

Aze abe yinkungu nemvula;

28 Inetha iphuma emafini,+

Yehlele ebantwini.

29 Ngubani onokuyiqonda indlela anabe ngayo amafu,

Iindudumo eziphuma ententeni yakhe?+

30 Khawujonge indlela alenyezisa ngayo imibane+ kuyo,

Nendlela abogquma ngayo ubunzulu bolwandle.

31 Usebenzisa zona ukuze ondle abantu,

Abanike ukutya okuninzi.+

32 Wogquma umbane ngezandla zakhe,

Awuthumele kwixhoba.+

33 Iindudumo zixela ukufika kwakhe,

Nemfuyo ixela lowo uzayo.*

37 “Intliziyo yam iyangongoza luvalo,

Ibe iyaxhuma endaweni yayo.

 2 Kumameleni kakuhle ukuzongoma kwelizwi lakhe,

Neendudumo eziphuma emlonyeni wakhe.

 3 Uzithumela phantsi kwawo onke amazulu,

Atshawuzise imibane+ ukusa kwezona ndawo zikude emhlabeni.

 4 Emva kwayo kuvakala ukugquma;

Uzongoma ngelizwi elikhulu,+

Likhatshwa kukulenyeza kwemibane.

 5 Ilizwi likaThixo liduduma+ ngendlela emangalisayo;

Wenza izinto ezinkulu esingenakuziqonda.+

 7 UThixo umisa zonke izinto ezenziwa ngabantu,

Ukuze bawazi umsebenzi wakhe.

 8 Izilwanyana zasendle zithi tshwa emingxunyeni yazo,

Zihlale ezindaweni zazo.

 9 Kufika isitshingitshane somoya,+

Kuvuthuze umoya obandayo wasemntla.+

10 UThixo uyaphefumla nje kuvele umkhenkce,+

Ajike amanzi abe ngumkhenkce.+

11 Wenza amafu asindwe kukufuma;

Utshawuzisa imibane emafini;+

12 Aya naphi na apho awathuma khona;

Enza nantoni na awayalela yona+ emhlabeni.

13 Usebenzisa wona ukohlwaya+ okanye ukunkcenkceshela umhlaba,

Okanye ukubonisa uthando lwakhe olungagungqiyo.+

14 Mamela apha Yobhi;

Yima ucingisise ngezinto ezimangalisayo ezenziwe nguThixo.+

15 Uyamazi na uThixo ukuba uwalawula njani amafu,

Nokuba uwulenyezisa njani umbane emafini?

17 Kutheni zikutshisa iimpahla zakho

Xa kuthe nkcwe emhlabeni ngenxa yolophu olusuka emzantsi?+

18 Ungancedisana naye na ekutwabululeni isibhakabhaka+

Njengesipili sesinyithi?

19 Sixelele ukuba sithini kuye;

Sisebumnyameni thina, asinampendulo.

21 Abantu ababoni nokukhanya oku,*

Nangona kuqaqambile esibhakabhakeni,

De kufike umoya uphelise amafu.

22 Emntla kuvela ubukhazikhazi obunjengegolide;

Siyamangalisa isidima sikaThixo+ nobukhulu bakhe.

23 Soze simazi ngokupheleleyo uSomandla;+

Unamandla agqwesileyo,+

Ibe akaze agwebe kakubi,+ aze angenzi bulungisa.+

 2 “Ngubani lo ugqwetha izigqibo zam,

Ethetha into angayaziyo?+

 3 Xhoba njengendoda;

Ndiza kukubuza, wena undiphendule.

 5 Ngubani owalinganisa ubungakanani bawo?

Ingubani owawulula intambo yokumeta phezu kwawo? Phendula ukuba uyazi.

 6 Zembelwe entwenini iintsika zawo?

Ingubani owabeka ilitye lawo lekona,+

 7 Xa iinkwenkwezi+ zakhwaza zivuya,*

Nabo bonke oonyana bakaThixo*+ bemdumisa?

 8 Ngubani owavalela ulwandle ngeengcango,+

Xa lwatyhoboza luphuma esibelekweni,

 9 Xa ndalwambathisa ngamafu,

Ndalusongela ngesithokothoko sobumnyama,

10 Xa ndalubekela umda,

Ndaluvalela ngeengcango,+

11 Ndisithi kulo, ‘Ungagqithi apha;

Mawaphelele apha amaza akho adlokovayo’?+

12 Ngaba wakha wayibonisa indawo yayo intsasa,+

Okanye wayiyalela

13 Ukuba iye kwezona ndawo zikude emhlabeni,

Ize igxothe abenzi-bubi?+

14 Umhlaba utsho ube mhle oku kodongwe olubunjwayo,

Oku kwempahla ehonjisiweyo.

16 Wakha wangena na ezinzulwini zolwandle,

Wahambahamba ezinzulwini zalo?+

17 Uzityhilelwe na iigeyithi zokufa?+

Wakha wazibona na iigeyithi zobumnyama?*+

Buhlala phi ubumnyama?

20 Ungabugodusa na?

Khona, uyayazi indlela yabo egodukayo?

21 Unayo impendulo? Wawusele uzelwe na ngelo xesha?

Sele imininzi kangako na iminyaka yakho?*

22 Wakha waya na apho ligcinwa khona ikhephu?+

Wakha wayibona na yona indawo esigcinwa kuyo isichotho,+

23 Endisigcinele ixesha lobunzima,

Ndisigcinele imini yemfazwe?+

24 Kusuka kweliphi icala ukukhanya?*

Usuka phi wona umoya wasempuma ovuthuza emhlabeni?+

25 Ngubani ovulele isikhukula umjelo

Waza wawavulela indlela amafu akhatshwa ziindudumo,+

26 Ukuze kunethe apho kungekho bantu,

Entlango apho kungahlali mntu,+

27 Ukuze kunkcenkceshelwe iindawo ezomileyo,

Kuze kukhule ingca?+

28 Inaye na utata imvula?+

Ngubani utata wamathontsi ombethe?+

29 Waphuma esibelekweni sikabani umkhenkce?

Ngubani owazala iqabaka?+

30 Ngubani ogqume amanzi ngathi ogqunywe ngelitye,

Ogqume ulwandle olunzulu ngomkhenkce?+

31 Ungalibopha ngeentambo na iqela leenkwenkwezi iKima,*

Okanye ukhulule iintambo zeqela leenkwenkwezi iKesile?*+

32 Ungalikhokela na iqela leenkwenkwezi* ngexesha lalo,

Okanye ukhokele iqela leenkwenkwezi iAsh* kunye noonyana balo?

33 Uyayazi na imithetho elawula iinkwenkwezi?*+

Ungawunyanzela na umhlaba ukuba uthobele loo mithetho?*

34 Ungawakhwaza na amafu,

Uthi mawakugalele ngemvula?+

36 Ngubani owanika amafu* ubulumko?+

Ingubani ozinike ubulumko izinto ezimangalisayo ezisesibhakabhakeni?*+

37 Ngubani onobulumko bokubala amafu,

Okanye onokuchitha amanzi akwiingqayi zasezulwini,+

38 Luze uthuli lomhlaba lujike lube ludaka,

Namagada ancamathelane?

39 Ungakwazi na ukuzizingelela iingonyama,

Okanye ukuzityisa zanele,+

40 Xa zincathamele ixhoba,

Zililalele ukuze zilihlasele?

41 Ngubani olungiselela ihlungulu ukutya+

Xa amantshontsho alo ekhalela uncedo kuThixo,

Egxadazela ngenxa yendlala?

 3 Ziyathoba xa zizala amatakane azo,

Ize iphele ke inimba yazo.

 4 Amatakane azo ayomelela aze akhulele apho endle;

Ayemka angaphindi abuye.

 5 Ngubani okhulule idonki yasendle?+

Ingubani okhulule iintambo zayo?

 6 Ndiye ndenza intlango yaba likhaya layo,

Ndayihlalisa kumhlaba onetyiwa.

 7 Iyasihleka isiphithi-phithi sesixeko;

Ayikuva ukukhwaza komntu oqhuba izilwanyana.

 8 Ibhadula ezintabeni ifuna amadlelo,

Ikhangela zonke izityalo eziluhlaza.

10 Ungayibopha na ngentambo ukuze uvule ifolo,

Okanye ulime ngayo entlanjeni?

11 Ungawathemba na amandla ayo,

Uze uyiyeke ikwenzele umsebenzi?

12 Ungayithemba na ukuba iza kukuthwalela isivuno sakho,

Isise kwibala lokubhula?

13 Iyabukeka inciniba xa iphaphazelisa amaphiko ayo,

Kodwa awathathi nto kwiintsiba zengwamza.+

14 Kuba yona inciniba iwashiya phantsi amaqanda ayo,

Iwafudumeza ngomhlaba.

15 Iyalibala ukuba asenokunyathelwa ngumntu

Okanye sisilwanyana sasendle.

16 Iwakhohlakalela ngathi asingowayo amantshontsho ayo;+

Ayinaxhala lokuba izalele ilize.

17 Kuba uThixo akayinikanga bulumko,*

Ibe uyivimbe nengqondo.

18 Kodwa xa iphakama ize iphaphazelise amaphiko ayo,

Iyalihleka ihashe nomkhweli walo.

21 Liphala ngamandla entlanjeni,+

Lisiya ngqo edabini.+

23 Isingxobo seentolo simane singqubeka kulo,

Kube kusithi lenye imikhonto.

24 Liphala lisiya phambili, lingasakwazi nokulinda,

Kuthi kwakutsho isandi sophondo, lingabambeki.

Liliva likude ivumba ledabi,

Liva nokukhwaza kweenkumanda nesandi semfazwe.+

26 Bubulumko bakho na obunika ukhetshe ubuchule bokubhabha,

Athi naa amaphiko akhe esiya ngasemzantsi?

27 Okanye nguwe na oyalele ukhozi ukuba lubhabhe luye phezulu,+

Luze luyakhele phezulu indlwane yalo,+

28 Luhlale emaweni ebusuku,

Kumawa akhuselekileyo?

29 Lukukhangela lulapho ukutya,+

Kuba amehlo alo abona kude.

30 Amantshontsho alo afunxa igazi;

Wofika lulapho kukho izidumbu.”+

 7 “Xhoba njengendoda;

Ndiza kukubuza, wena undiphendule.+

 9 Ngaba unengalo eyomelele njengekaThixo wokwenene?+

Liduduma njengelakhe na ilizwi lakho?+

10 Khawuzambathise ngozuko,

Ngewonga nesidima.

11 Wuyeke uvuthe umsindo wakho,

Ukhangele wonke umntu onekratshi, uze umthobe.

12 Bakhangele kaloku, uze ubathobe;

Banyathele apho bakhoyo abenzi-bubi.

13 Bogqume bonke ngothuli;

Babophe* uze ubafake kwindawo efihlakeleyo.

14 Ukuba ubungayenza loo nto, nam lo bendiza kuvuma*

Ukuba isandla sakho sasekunene singakusindisa.

16 Jonga amandla asesinqeni sayo

Namandla akwimisipha yesisu sayo!

17 Umsila wayo uqine okomsedare;

Imisipha yamathanga ayo ibhijelene.

18 Amathambo ayo yimibhobho yekopolo;

Imilenze yayo injengentsimbi.

19 Ithe kratya ngokumangalisa kwizidalwa zikaThixo;

NguMdali wayo kuphela onokusondela kuyo ephethe ikrele.

20 Kuba ukutya kwayo kuvela ezintabeni,

Apho zidlala khona zonke izilwanyana zasendle.

21 Ingqengqa phantsi kwamatyholo anameva,

Kumthunzi weengcongolo ezisemigxobhozweni.

22 Isithwa ngumthunzi wamatyholo anameva,

Ize ingqongwe yimingcunube yasentlanjeni.

24 Ukhona na umntu onokuyibamba ijongile,

Okanye afake ihaki empumlweni yayo?

41 “Ungayiloba na iLeviyatan*+ okwentlanzi,

Okanye ubophelele ulwimi lwayo ngentambo?

 2 Ungayigqobhoza na impumlo yayo ufake intambo,*

Okanye uyifake ihaki* emihlathini?

 3 Ingakucenga na,

Okanye ithethe nawe kakuhle?

 4 Ingenza isivumelwano nawe na,

Ukuze ibe likhoboka lakho ubomi bayo bonke?

 5 Ungadlala nayo na ngokungathi udlala nentaka,

Okanye uyibophelele ukuze iintombi zakho ezincinci zidlale nayo?

 7 Ungasigqobhoza na isikhumba sayo,+

Okanye intloko yayo ngemikhonto yokuloba?

 8 Yichukumise nje;

Uza kulikhumbula elo dabi, ungaze uphinde uyibambe!

12 Andizukungathethi ke ngemilenze yayo,

Amandla ayo nomzimba wayo owenziwe ngendlela emangalisayo.

15 Umqolo wayo unoludwe lwamaxolo*

Athene nca.

16 Onke asondelelene kakhulu,

Akukho nomoya ongenayo phakathi kwawo.

17 Ngalinye lithe nca kwelinye;

Abambene nkqi, awanakwahlukaniswa.

18 Kuthi lenye xa ithimla,

Namehlo ayo anjengelitha lakusasa.

19 Kulenyeza imibane emlonyeni wayo;

Kutaka neentlantsi zomlilo.

20 Kuphuma umsi empumlweni yayo,

Njengeziko eliphenjwe ngemizi.

21 Iphefumla kuvuthe amalahle,

Kuphuma nedangatye emlonyeni wayo.

22 Intamo yayo inamandla kakhulu,

Bathi bakuyibona abantu boyike.

23 Izihlunu zayo ziqinile;

Zingwanzilili ngokungathi zifakwe intsimbi.

24 Intliziyo yayo iqine okwelitye,

Okwelitye lokuguba.

25 Ithi yakuphakama koyike namakroti;

Ithi yakushukuma bothuke abantu.

26 Akukho krele linokukwazi ukuyihlaba;

Akukho namkhonto, nancula nalutolo lunokuyihlaba.+

27 Intsimbi ifana nje neendiza kuyo,

Nekopolo ifana nje neenkuni ezibolileyo.

28 Ayiloyiki utolo;

Amatye esilingi ajika abe ziindiza kuyo.

29 Igqudu lifana nje neendiza kuyo,

Iyasihleka nesandi somkhonto.

30 Isisu sayo sinjengeengceba ezibukhali zengqayi;

Ishiya umzila eludakeni ngokungathi sisileyi sokubhula.+

31 Iwatsho abile ngathi asembizeni amanzi anzulu;

Izama-zamisa ulwandle njengembiza yamafutha okuthambisa.

33 Akukho nto injengayo emhlabeni;

Sisidalwa esingoyiki kwanto.

 2 “Ngoku ndiyazi ukuba akukho nto ungenakukwazi ukuyenza,

Nokuba akukho nto inokukuxaka xa ucinge ukuyenza.+

Kaloku ndithethe izinto endingaziqondiyo,

Izinto ezinkulu kunam, endingazaziyo.+

 5 Ndikuve ngondiva,

Kodwa ngoku ndikubona ngawam amehlo.