Iintlanganiso Zenkonzo KaNovemba
Iveki Eqala NgoNovemba 2
10 imiz: Izaziso zasekuhlaleni neZaziso ezikhethiweyo kuBulungiseleli Bethu BoBukumkani. Yalathisel’ ingqalelo kwinkcazelo ekwibhokisi ethetha ngeekhelingi zamasebe. Bancome abavakalisi ngenxaxheba abanayo kumsebenzi wokushumayela uBukumkani. Cebisa ngeengongoma ekunokuthethwa ngazo ezikumaphephancwadi angoku nezinokusetyenziswa kwintsimi yasekuhlaleni.
15 imiz: “Amandla ELizwi LikaThixo.” Imibuzo neempendulo. Khuthaza bonke ukuba bafunde iphecana elithi Isizathu Sokuba Unokukholosa NgeBhayibhile, baqwalasele izinto abanokuqiqa ngazo neengxubusho ezilula neziphumelelayo abanokuzisebenzisa kwinkonzo yasentsimini.
20 imiz: “Yandlala Isiseko Esifanelekileyo Kutyelelo Lwakho Lokuqala.” Umzalwana onyamekela le nxalenye wenza imiboniso emine ebonisa enye yeentshayelelo ezimbini ezikhankanywe kwisiqendu 2 nesesi-3 aze enze umboniso ngengongoma nganye kwezikwisiqendu 4, 5 nesesi-6. Umboniso wokugqibela ufanele ubonise indlela incwadi ethi Ililizwi LikaThixo enokunikelwa ngayo kutyelelo lokuqala.
Ingoma 52 nomthandazo wokuqukumbela.
Iveki Eqala NgoNovemba 9
5 imiz: Izaziso zasekuhlaleni neeNdaba Ezingokobuthixo.
15 imiz: “Ngaba Uyayithobela Imiyalelo?” Intetho ngumveleli owongamelayo esekelwe kwinqaku leMboniselo kaOktobha 1, 1990, iphepha 30-1. Kufanele kuboniswe indlela iingongoma ezithile ezisebenza ngayo ekuhlaleni: ukufaka ingxelo yexesha elichithwe kwinkonzo yasentsimini, ukucoca iHolo yoBukumkani, ukufika ngexesha kwiintlanganiso zenkonzo yasentsimini, ukulawula abantwana kwiHolo yoBukumkani, njalo njalo. Ncoma apho kuyimfuneko, uze uncede bonke baqonde indlela lonke ibandla elingenelwa ngayo nendlela umsebenzi wabakhonzi abamiselweyo oba lula ngayo xa wonk’ ubani ethobela imiyalelo.
10 imiz: “Yiba Nguvulindlela Ongumncedani NgoDisemba.” Gubungela lo mbandela ngokufudumeleyo nangehlombe ngemibuzo neempendulo. Yazisa amalungiselelo asekuhlaleni enkonzo yasentsimini namalungiselelo akhethekileyo aya kwenzelwa amaqela amakhulu ebudeni bukaDisemba.
15 imiz: “Ngaba Uyaluxabisa Uncwadi Lwethu?” Intetho ekhuthazayo.
Ingoma 27 nomthandazo wokuqukumbela.
Iveki Eqala NgoNovemba 16
15 imiz: Izaziso zasekuhlaleni, kuquka ingxelo yemali nesaziso sokufunyanwa kweminikelo. Lincome ngokufudumeleyo ibandla ngokuxhasa kwalo ngemali ibandla lasekuhlaleni neNgxowa-mali yoMbutho yeeHolo zoBukumkani nomsebenzi woMbutho wehlabathi lonke. Abazali bafanele benze abantwana babo abahamba isikolo baxhobele ngokukhethekileyo iimbambano ezisenokuvela ebudeni bexesha leholide, besebenzisa iphepha 17-20 lencwadana enemifanekiso ethi Isikolo.
20 imiz: “Indlela Yokuhlakulela Umdla.” Intetho nemiboniso, ifanele isingathwe ngumveleli wenkonzo. Yenza imiboniso ngobuchule obandlalwe kwisiqendu 5 nesesi-6. Imiboniso mayingantsonkothi yaye mayilandeleke lula.
10 imiz: “Khetha Iingongoma Ezifanelekileyo Onokuthetha Ngazo.” Ingxubusho phakathi kwendoda nomfazi belungiselela inkonzo yasentsimini.
Ingoma 198 nomthandazo wokuqukumbela.
Iveki Eqala NgoNovemba 23
10 imiz: Izaziso zasekuhlaleni. Yenza umboniso ngendlela enokusetyenziswa ngayo ingongoma ethile ekwiphephancwadi langoku ekunokuthethwa ngayo kule mpela-veki. Sebenzisa amacebiso anikelwe kwiNtlanganiso yeNkonzo yeveki ephelileyo.
20 imiz: “Ukukhangela KuYehova Kuko Konke Esikwenzayo”—Icandelo 1. Ingxubusho yesiqendu 1 ukusa kwese-13 sesihlomelo ngabazalwana ababini, kunconyelwa ukuba ibe ngabo basebenzisana neKomiti Yokwakha Yenqila kummandla wenu. Kusenokuqukwa amava asekuhlaleni. Khuthaza ngokufudumeleyo bonke abafanelekayo ukuba bazinikele.
15 imiz: Isizathu Sokuba Singayibhiyozeli Imihla Yokuzalwa. Ingxubusho phakathi komdala nenkwenkwana engaphantsi kweshumi elivisayo engenayise nengumzekelo omhle. Le nkwenkwana iya kumdala icela uncedo lokuqhubana nengcinezelo yoontanga yokuba iye kwitheko lokubhiyozela umhla wokuzalwa. Iyaqonda ukuba oku kuphosakele kodwa ifuna ukukwazi ukubacacisela kakuhle abanye ngoku. Ngendlela yobubele nelula umdala wenza impinda nale nkwenkwe ngombandela okwiphepha 30-1 leMboniselo kaSeptemba 1, 1992 nakwiphepha 128-30 lencwadi Ukuqiqa.
Ingoma 24 nomthandazo wokuqukumbela.
Iveki Eqala NgoNovemba 30
10 imiz: Izaziso zasekuhlaleni. Yenza impinda ngeengongoma ezikwileta yoMbutho ka-Agasti 15, 1992, ukhuthaza abavakalisi ukuba bafake iingxelo zabo kwiBhokisi Yeengxelo ekhethekileyo kwiHolo yoBukumkani.
15 imiz: Ukusebenzisa Incwadi Umntu Obalaseleyo Ukuze Sikhanyise Ukukhanya Kwethu NgoDisemba. Intetho nomboniso. Khuthaza bonke ukuba bacinge ngeengongoma abanokuthetha ngazo kwinkonzo yasentsimini. Cebisa ngeengongoma ekunokuthethwa ngazo ezisekelwe kwizahluko ezixutyushiweyo kwiSifundo Sencwadi Sebandla ekuqaleni kwale nyanga.
20 imiz: “Ukukhangela KuYehova Kuko Konke Esikwenzayo”—Icandelo 2. Ukuqwalaselwa kwesiqendu 14 ukuya kwesama-25 sesihlomelo ngemibuzo neempendulo. Bethelela isabelo umvakalisi ngamnye anokuba naso (1) ekuzinikeleni njengetsha-ntliziyo ukuba uyafaneleka yaye neemeko ziyamvumela, (2) ekunikeleni ngemali kwiNgxowa-mali yoMbutho yeeHolo zoBukumkani kwakunye (3) nokuxhasa imisebenzi yebandla xa abanye beye kwisabelo sabo sokwakha.
Ingoma 4 nomthandazo wokuqukumbela.