Iintlanganiso Zenkonzo KaMeyi
Iveki Eqala NgoMeyi 3
10 imiz: Izaziso zasekuhlaleni neZaziso ezikhethiweyo kuBulungiseleli Bethu BoBukumkani. Yandlala amalungiselelo akhethekileyo enkonzo yasentsimini kwiiholide zikawonke wonke ebudeni bukaMeyi.
20 imiz: “Ukuba Nesabelo Ngokuphumelelayo Kubulungiseleli Bethu Obusindis’ Ubomi.” Intetho nemiboniso. Emva kwentshayelelo emfutshane, yenza imiboniso emithathu esekelwe kwisiqendu 2-5. Emva komboniso ngamnye, buza abaphulaphuli ngendlela intshumayelo enokwenziwa ngayo ivisisane neemeko ezahlukahlukeneyo zentsimi yasekuhlaleni. Qukumbela ngokubakhuthaza babe nesabelo ngokuzeleyo kubulungiseleli kule mpela-veki.
15 imiz: Ukubaluleka Kobumoya Bentsapho. Intetho ngumdala. Xubusha imfuneko yokuba intsapho iqwalasele itekisi yosuku, usandlala indlela oku okunokwenziwa ngayo kwiimeko ezahlukahlukeneyo nakucwangciso lwentsapho. Kwakhona gxininisa imfuneko yokuthandaza kwentsapho ubuncinane kanye ngosuku. Oku kunokwenziwa ngexesha lokuya kulala. Imigaqo efanayo iyasebenza nakwiintsapho ezahluleleneyo, iintsapho ezinabazali abangenamaqabane omtshato nakwiintsapho ezingenabantwana. Kwakhona ukulungiselela kwentsapho kunegalelo ekungenelweni kwiintlanganiso zebandla veki nganye nasekomelezeni ukholo lwabanye.—Heb. 10:23-25.
Ingoma 104 nomthandazo wokuqukumbela.
Iveki Eqala NgoMeyi 10
10 imiz: Izaziso zasekuhlaleni. Dlan’ indlebe nabavakalisi abasele bephumelele ukufumana imirhumo ukuza kuthi ga ngoku. (Aba bafanele balungiselelwe kusengaphambili ngoncedo lomzalwana onyamekela imirhumo ebandleni.)
15 imiz: “Ukuhlangabezana Nocelomngeni Lobulungiseleli Bendlu Ngendlu.” Imibuzo neempendulo. Funda uze usebenzise izibhalo ezicatshuliweyo.
20 imiz: “‘Masiye Endlwini KaYehova.’” Ukugutyungelwa kwesiqendu 1-8 sesihlomelo ngemibuzo neempendulo. Yenza impinda ngokufutshane kwiimbalasane zeempapasho ezikhankanywe kwisiqendu 7. Yiba nomvakalisi onobuchule ebonisa indlela yokunceda umntu osemtsha aqonde isizathu sokuba silungelelaniswe ngokwamabandla. (wXO84 11/1 iphe. 14 isiqe. 6, 7) Balaselisa izinto iintlanganiso zethu ezahluke ngokupheleleyo ngazo kwiinkonzo zonqulo zeNgqobhoko. Khuthaza abo baqhuba izifundo zeBhayibhile ukuba veki nganye baquke ingxubusho emfutshane eyilelwe ukunceda isifundo sikhulise uxabiso olungakumbi ngentlangano nangemfuneko yokuba yinxalenye yayo.
Ingoma 134 nomthandazo wokuqukumbela.
Iveki Eqala NgoMeyi 17
10 imiz: Izaziso zasekuhlaleni, kuquka ingxelo yemali neziqinisekiso zokufunyanwa komnikelo. Lincome ibandla ngenkxaso yalo yemali kwibandla lasekuhlaleni nakumsebenzi woMbutho wehlabathi lonke.
20 imiz: “Buyela Ngovuyo Ukuze Uncede Abanomdla.” Ingxubusho nabaphulaphuli nemiboniso. Bethelela imfuneko yokugcina iingxelo ezifanelekileyo zomdla ofunyenweyo. Kumbandela okwisiqendu 3-6, lungiselela imiboniso emibini. Ifanele ibonise iimeko zasekuhlaleni ize ivisisaniswe nazo njengoko kufuneka.
15 imiz: “‘Masiye Endlwini KaYehova.’” Ukugutyungelwa kwesiqendu 9-14 sesihlomelo ngemibuzo neempendulo. Usebenzisa amacebiso akwisiqendu 12 nese-13, yiba nomvakalisi ebonisa indlela yokuthetha nomntu othandabuzayo.
Ingoma 54 nomthandazo wokuqukumbela.
Iveki Eqala NgoMeyi 24
10 imiz: Izaziso zasekuhlaleni. IiNdaba Ezingokobuthixo. Khumbuza ibandla ngamalungiselelo akhethekileyo enkonzo yasentsimini ngoMvulo, ngoMeyi 31.
20 imiz: “Lutsha—Nyathelani Ngobuchule.” Ukugutyungelwa kombandela ngemibuzo neempendulo. Emva kwesiqendu 3, yiba nomboniso omfutshane onomvakalisi oselula ocela okhulileyo ukuba asebenze naye kwinkonzo yasentsimini. Umvakalisi okhulileyo ukwamkela ngovuyo oko aze acebise ukuba benze impinda yeentshumayelo zabo ngaphambi kokusebenza kunye.
15 imiz: Ingxubusho ngumveleli wenkonzo ngamalungiselelo ohlaselo lowe-1993 lomhlaba ongabelwanga bani. Xubusha ileta yoMbutho yomhla ka-Aprili 1, 1993 ephathelele nolu hlaselo. Yazisa ibandla ngamalungiselelo enziwe liqumrhu labadala. (Amabandla angenasabelo kuhlaselo lomhlaba ongabelwanga bani anokuxubusha iimfuno zasekuhlaleni eziquka ukusebenza intsimi yabo engafane isetyenzwe.)
Ingoma 223 nomthandazo wokuqukumbela.
Iveki Eqala NgoMeyi 31
10 imiz: Izaziso zasekuhlaleni. Cebisa ngeengongoma ekunokuthethwa ngazo kwincwadi ethi Oyena Mntu Ubalaseleyo ezinokusetyenziswa ngoJuni. Khuthaza abavakalisi benze impinda ngamacebiso enkonzo yasentsimini kwiphepha elingasemva loBulungiseleli Bethu BoBukumkani buka-Agasti 1992.
10 imiz: Isingxobo Semibuzo. Intetho ngumdala.
15 imiz: Ngaba Uza Kuba Nguvulindlela Ebudeni Bezi nyanga Ezizayo? Dlan’ indlebe nabathile abebengoovulindlela ebudeni bukaMatshi noAprili. Ziziphi iingenelo abaye bazifumana kubuvulindlela bobuncedani? Baye baphucula njani entsimini? Ngaba baye baqalisa izifundo zeBhayibhile ezinemveliso okanye imizila yamaphephancwadi? Ngaba zikho ezinye iingenelo? Khuthaza ulutsha nabanye iimeko zabo ezinokubavumela bacinge ngokusebenzisa amathuba ekhefu ngokuyingenelo. Ngokukhethekileyo abavakalisi abahamba isikolo bafanele benze umgudu wokuba ngoovulindlela ebudeni bekhefu elizayo lesikolo. Dlan’ indlebe nomvakalisi omnye okanye ababini abahamba isikolo abebengoovulindlela abangabancedani kwixesha elidluleyo. Bambi basenokukwazi ukunceda kwintsimi engafane isetyenzwe okanye kumhlaba ongabelwanga bani ebudeni beenyanga ezizayo.—2 Kor. 9:6b.
10 imiz: Ngaba UThixo Uyazixolela Izono Zethu? Abadala ababini balungiselela utyelelo lokwalusa. Baxubusha indlela yokunceda umzalwana osakhathazwa zizono ezidluleyo nothandabuzayo enoba uThixo umxolele kusini na. Abadala benza impinda kwincwadi ethi Ukuqiqa, iphepha 375-8 nakwethi Insight, uMqulu I, iphepha 861-2. Baqwalasela imfuneko yokuba bamele baqhubane nalo mzalwana ngobubele baze babalaselise inceba kaYehova nokukulungela kwakhe ukuxolela. Kwakhona baceba ukubethelela imfuneko yomgudu wobuqu walo mzalwana; ukuvuma isono kukodwa akwanele. Abadala bathembisa ukuba baya kuphinda babuyele kuloo mzalwana ngamaxesha athile, benikela uncedo lokomoya.
Ingoma 214 nomthandazo wokuqukumbela.