Iintlanganiso Zenkonzo KaSeptemba
Iveki Eqala NgoSeptemba 6
10 imiz: Izaziso zasekuhlaleni neZaziso ezikhethiweyo kuBulungiseleli Bethu BoBukumkani.
20 imiz: Ngaba Uya Kuba Ngumvakalisi Othe Rhoqo Weendaba Ezilungileyo Ebudeni Bonyaka Wenkonzo We-1994? Ingxubusho ngunobhala. Qalisa ngengxubusho yezibhalo esekelwe kwinkcazelo ekwincwadi ethi Ubulungiseleli Bethu, iphepha 82 nelama-85. Emva koko, hlolisisa umsebenzi webandla wenkonzo yasentsimini wonyaka wenkonzo odluleyo ngokusekelwe kwinkcazelo ekwiNgxelo Yohlahlelo Lwebandla (S-10). Yazisa ibandla ngenani labaxhiphulisileyo ebudeni bonyaka wenkonzo odluleyo. Bangaphi abangakhange baye kwinkonzo yasentsimini inyanga enye? Bangaphi abangakhange baye iinyanga ezimbini okanye ngaphezulu? Bambi kusenokuba bebejamelene neemeko ezinzima, njengeengxaki zempilo, ngoxa abanye kusenokuba basilele ukufaka ingxelo yabo yenkonzo. Sinokusebenzisana njani kunye ukuqinisekisa ukuba mvakalisi ngamnye uya kubakho rhoqo kubulungiseleli ebudeni balo nyaka mtsha wenkonzo? Hlolisisa iingongoma kuBulungiseleli Bethu BoBukumkani, bukaJuni 1993, iphepha 3. Usenokuquka neengongoma ezikuBulungiseleli Bethu BoBukumkani, bukaJulayi 1993, iphepha 2. Bethelela imbopheleleko yomntu ngamnye yokuba nesabelo kwinkonzo yasentsimini veki nganye aze afake ingxelo ngokukhawuleza ekupheleni kwenyanga nganye. Xubusha ngendima yomqhubi weSifundo Sencwadi Sebandla ngamnye kunye nekanobhala yokuqinisekisa ukuba uyazifumana zonke iingxelo ezifike emva kwexesha aze azithumele kuMbutho nengxelo yenyanga elandelayo. EMzantsi Afrika abavakalisi abamalunga nama-20 ekhulwini bayaxhiphulisa. EJapan kuphela ngabavakalisi aba-2 ekhulwini abaxhiphulisayo. Ngaba sinokuphucula kule nkalo? Ngaba uya kulwamkela ucelomngeni lokuba ngumvakalisi othe rhoqo ebudeni bonyaka wenkonzo we-1994?
15 imiz: “Ukunceda Abanye Baqonde Ubutyebi Obuyintabalala.” Mayigutyungelwe ngemibuzo neempendulo. Xa uqwalasela isiqendu 4, yiba nomboniso womvakalisi ehambisa incwadi Unokuphila Ngonaphakade kumzali.
Ingoma 108 nomthandazo wokuqukumbela.
Iveki Eqala NgoSeptemba 13
10 imiz: Izaziso zasekuhlaleni. Quka nengxelo yemali nezaziso zokufunyanwa komnikelo. Lincome ibandla ngokuxhasa kwalo ngobubele iimfuno zasekuhlaleni kuquka nezomsebenzi wazwenibanzi woMbutho.
10 imiz: “Nceda Abanye Bangenelwe Ngokusebenzisa Amaphephancwadi.” Intetho nemiboniso. Balaselisa ukuxabiseka kokusebenzisa ngokupheleleyo iinkupho zakutshanje nezindala zamaphephancwadi. Yiba nemiboniso emibini, komnye kuhanjiswa amaphephancwadi akutshanje kunye nomnye obonisa indlela yokusebenzisa iinkupho ezindala ukuhlangabezana neentswelo zomninimzi.
15 imiz: “Yintoni Esiya Kuyifeza Ebudeni Balo Nyaka Wenkonzo?” Intetho nengxubusho nabaphulaphuli. Mayisingathwe ngumveleli owongamelayo. Hlolisisa umsebenzi webandla kunyaka wenkonzo odluleyo uze ukhuthaze bonke benze amalungiselelo omsebenzi owandisiweyo ebudeni bonyaka wenkonzo we-1994.
10 imiz: “Fundisisa Incwadi Ethi Unokuphila Ngonaphakade Nethi Ukumanyana Ekunquleni.” Emva kokuhlolisisa eli nqaku nabaphulaphuli, yiba nomvakalisi olungiselele kakuhle esenza umboniso ngendlela yokutshintsha isifundo kwincwadi ethi Oyena Mntu Ubalaseleyo kufundiswe Unokuphila Ngonaphakade.
Ingoma 17 nomthandazo wokuqukumbela.
Iveki Eqala NgoSeptemba 20
10 imiz: Izaziso zasekuhlaleni. Balaselisa amanqaku akumaphephancwadi akutshanje anokubalaseliswa kule veki kwinkonzo yasentsimini.
20 imiz: “Nceda Abantu Ababumvu Bakhele Phezu Kwesiseko Esomeleleyo.” Yixubushe nabaphulaphuli. Balaselisa imfuneko yokulungiselela ibuyelo ngalinye. Lungiselela umvakalisi ofanelekayo enze umboniso kumntu obethabathe incwadi Unokuphila Ngonaphakade, esebenzisa inkcazelo ekwisiqendu 3 okanye esesi-5.
15 imiz: “Ukuqalisa Izifundo ZeBhayibhile Zamakhaya.” Imibuzo neempendulo. Emva kwesiqendu 4, tshayelela umboniso onik’ umdla webuyelo ekusetyenziswa iBhayibhile kuphela, kodwa lisekelwe kumacandelo athile encwadi Unokuphila Ngonaphakade okanye ethi Ukuqiqa, njengoko kucetyisiwe.
Ingoma 84 nomthandazo wokuqukumbela.
Iveki Eqala NgoSeptemba 27
15 imiz: Izaziso zasekuhlaleni. Cela umveleli wenkonzo enze ingxelo ngenkqubela eyenziweyo xa bekusetyenzwa umhlaba ongabelwanga bani aze axubushe amalungiselelo enyanga yokugqibela yohlaselo. Khuthaza bonke baphathe uncwadi oluninzi, kuquka neenkupho ezindala zamaphephancwadi, ngeelwimi ezithethwa kuloo mhlaba. Ukuba kunokwenzeka, shiyani into yokufunda kumninimzi ngamnye kuloo mhlaba.
15 imiz: Isingxobo Semibuzo. Mayisingathwe ngumdala. Bethelela isizathu sokuba kunikelwe ingqalelo kwihambo yethu ebudeni bobhaptizo nendlela emmela ngayo uYehova nesigidimi soBukumkani.
15 imiz: Hambisa Imirhumo Ebudeni BukaOktobha. Lungiselela imiboniso emithathu, omnye obalaselisa IMboniselo yakutshanje, omnye obalaselisa uVukani! wakutshanje, nomnye apho umninimzi axakeke kakhulu aze athabathe iphephancwadi okanye iphecana. Emva komboniso ngamnye hlalutya nabaphulaphuli isizathu sokuba ezi ntshumayelo ziphumelele. Khuthaza abavakalisi bahambise imirhumo ngamaxesha onke.
Ingoma 21 nomthandazo wokuqukumbela.