Ucwangciso Lwentlanganiso Yenkonzo
Iveki Eqala NgoSeptemba 11
10 imiz: Izaziso zasekuhlaleni. IZaziso Ezikhethiweyo kuBulungiseleli Bethu BoBukumkani.
15 imiz: “Intsikelelo KaYehova Iyasityebisa.” Yenza intshayelelo emfutshane engaphantsi komzuzu, uze ulandelise ngengxubusho yemibuzo neempendulo.—Bona i-Insight, Umqulu 2, iphepha 804, isiqendu 6-7.
20 imiz: “Sebenzisa Iziganeko Zakutshanje Ukuze Uvuse Umdla.” Ingxubusho nabaphulaphuli nemiboniso. Khankanya iqela leziganeko zakutshanje eziye zabangela umdla ekuhlaleni. Yiyiphi inkxalabo ngekamva eye yabangelwa zezi ziganeko? Usebenzisa incwadi ethi Ukuqiqa, iphepha 10-11, nikela amacebiso ngendlela yokulungiselela intshayelelo eya kukhokelela kwingxubusho yeBhayibhile. Yiba nemiboniso emibini esebenzisekayo elungiselelwe kakuhle.
Ingoma 224 nomthandazo wokuqukumbela.
Iveki Eqala NgoSeptemba 18
10 imiz: Izaziso zasekuhlaleni. Ingxelo yemali. Yazisa amalungiselelo enkonzo yasentsimini kaSeptemba 25. Ingxubusho ngumveleli wenkonzo ngamalungiselelo entsimi engabelwanga bani ngo-Oktobha, oyinyanga yokugqibela yohlaselo. Bakhuthaze bonke ukuba babe nesabelo ngokuzeleyo.
15 imiz: Siqhube Njani Kunyaka Ophelileyo? Intetho ngumveleli wenkonzo. Hlolisisa iimbalasane kwingxelo yebandla yonyaka wenkonzo wama-2000. Bancome ngezinto ezintle eziye zenziwa. Chaza iinkalo ekunokufuneka kuphuculwe kuzo. Gxininisa kwindlela eliye laqhuba ngayo ibandla kuziwo lweentlanganiso, ukuqalisa nokuqhuba izifundo zeBhayibhile, nokuya rhoqo kwinkonzo yasentsimini. Chaza usukelo olusengqiqweni lonyaka ozayo.
20 imiz: “Ubomi Busemngciphekweni!” Ingxubusho nabaphulaphuli. Balaselisa izibhalo eziboniswe kweli nqaku.
Ingoma 30 nomthandazo wokuqukumbela.
Iveki Eqala NgoSeptemba 25
15 imiz: Izaziso zasekuhlaleni. Khumbuza abavakalisi ukuba bangenise ingxelo yenkonzo yasentsimini kaSeptemba. Hlolisisa Isingxobo Semibuzo.
15 imiz: Iimfuno zasekuhlaleni.
15 imiz: Amaphephancwadi Ethu Akaphelelwa Lixabiso. Wenza ntoni xa iinkupho ezindala zeMboniselo noVukani! zifumba? Abanye abavakalisi batyekele ekuzilahleni, kuba becinga ukuba loo mibandela ayisekho xesheni. Kunoko, uBulungiseleli Bethu BoBukumkani bukaSeptemba 1993, iphepha 3, basibongoza ukuba siziphathe iinkupho ezindala size sizihambise xa kufanelekile. Unokukhetha amanqaku asexesheni anokuba nomtsalane emadodeni, ebafazini, ebantwini abafundileyo, kubantu abadala nakwabakwishumi elivisayo; zize zihanjiswe xa kuvela ithuba. Yenza umboniso ngendlela anokukhethwa aze athethelwe ngayo la manqaku. Balisa amava abaye banawo abavakalisi ngokuhambisa amaphephancwadi amadala.
Ingoma 115 nomthandazo wokuqukumbela.
Iveki Eqala Ngo-Oktobha 2
15 imiz: Izaziso zasekuhlaleni. Yazisa ibandla ngokucetywa okukhethekileyo kokuhanjiswa kwephecana iKingdom News No. 36, oluya kuqalisa ngoMvulo ngo-Oktobha 16, kuze kuqhubeke ukusa ngoLwesihlanu, Novemba17. Babongoze bonke, kuquka abaselula nabasebatsha, ukuba bazabalazele ukuba nesabelo ngokuzeleyo. Abaqhubi beZifundo Zencwadi bafanele baqalise ngoku baze babalungelelanise bonke abaseqeleni ukuze babe nesabelo ngenzondelelo kangangoko kunokwenzeka. Quka amava ahlaziyayo ephulo elidluleyo lokusasazwa kweKingdom News.
20 imiz: “Izikhumbuzo Ngelungiselelo Elenziwe Lula Lokuhanjiswa Koncwadi.” Ingxubusho yemibuzo neempendulo ngumveleli owongamelayo. Yisebenzise kwibandla lasekuhlaleni ngokulazisa ngeenkalo ezineengxaki. Vakalisa uxabiso kwibandla ngokuxhasa kwalo Umsebenzi WoMbutho Owenziwa Ehlabathini Lonke.
10 imiz: Amava Okuqalisa Incoko. Kucwangciso lweNtlanganiso lweNkonzo yeveki kaSeptemba 11, kwanconyelwa ukuba sishumayele ngeziganeko zakutshanje ukuze sivuse umdla nokuze siqalise iincoko kubulungiseleli. Cela abaphulaphuli ukuba babalise amava amnandi abaye bawanandipha ukuza kuthi ga ngoku ngokusebenzisa la macebiso.
Ingoma 205 nomthandazo wokuqukumbela.