Ucwangciso Lwentlanganiso Yenkonzo
Iveki Eqala NgoJuni 13
10 imiz: Izaziso zebandla lasekuhlaleni. IZaziso ezikhethiweyo ezikuBulungiseleli Bethu BoBukumkani. Sebenzisa amacebiso akwiphepha 8 (ukuba ayasebenza kwintsimi yenu) ukubonisa indlela yokuhambisa IMboniselo kaJuni 15 noVukani! kaJulayi 8. Kusenokusetyenziswa nezinye iintshumayelo eziphumelelayo. Komnye umboniso, bonisa indlela yokuhambisa amaphephancwadi xa kunikelwa ubungqina obungacwangciswanga.
15 imiz: Nceda Abanye Babe Ngabavakalisi Abangabhaptizwanga. Intetho nengxubusho enikelwa ngumdala esekelwe kwincwadi ethi Ukwenza Ukuthanda KukaYehova Ngolungelelwano, iphepha 79-81. Xubusha amalungiselelo okubona enoba isifundo seBhayibhile siyakufanelekela ngokweZibhalo ukuba nenxaxheba kwinkonzo yasentsimini kunye nebandla. Kwiveki elandelayo siza kuxubusha indlela esinokuziqeqesha ngayo izifundo zeBhayibhile ezikufanelekelayo ukuba ngabavakalisi abangabhaptizwanga ukuba ziqalise ukuya kwindlu ngendlu.
20 imiz: “Ukushumayela Kusinceda Sinyamezele.”a Cela abaphulaphuli bagqabaze ngezibhalo ezicatshuliweyo ukuba ixesha liyavuma.
Ingoma 149 nomthandazo wokuqukumbela.
Iveki Eqala NgoJuni 20
10 imiz: Izaziso zebandla lasekuhlaleni. Yenza impinda yeengongoma eziyintloko kuBulungiseleli Bethu BoBukumkani bukaJulayi 2003, kwiphepha 4. Chaza indlela abavakalisi abangazifumana ngayo iincwadi zolwimi lwasemzini. Xubusha indlela le nkcazelo esebenza ngayo kwintsimi yasekuhlaleni. Izicelo zeencwadi zolwimi lwasemzini zifanele zinikwe isicaka seencwadi, nokuba yincwadi nje enye, ukuze zifunwe ngokukhawuleza ezo ncwadi.
15 imiz: ILizwi LikaThixo Linamandla. (Heb. 4:12) Intetho esekelwe kwiMboniselo kaNovemba 15, 2003, kwiphepha 11, isiqendu 13-17. Balisa amava abonisa indlela imfundiso yeBhayibhile enokubashukumisela ngayo abantu ukuba baguqule ubomi babo. (w00-XO 1/1 iphe. 3-5) Bakhuthaze bonke ukuba basebenzise iiBhayibhile zabo xa besentsimini.
20 imiz: “Ukuqhuba Izifundo ZeBhayibhile Ezinenkqubela—Icandelo 10.”b Quka umboniso wendlela ekuqheliselwa ngayo. Njengoko isifundo siqhelisela intshumayelo yaso, umqhubi wesifundo, odlala indawo yomninimzi, uyachasa ngendlela abantu abaqhele ukwenza ngayo ekuhlaleni, yaye xa isifundo singazi ukuba siphendule njani, umqhubi wesifundo uchaza indlela esinokuyisingatha ngayo le nkcaso. Ukongezelela, lungiselela kusengaphambili ukuba umntu omnye okanye ababini bachaze ngoqeqesho abalufumanayo xa babeqalisa ukuya kwindlu ngendlu.
Ingoma 208 nomthandazo wokuqukumbela.
Iveki Eqala NgoJuni 27
10 imiz: Izaziso zebandla lasekuhlaleni. Khumbuza abavakalisi ukuba bafake iingxelo zabo zikaJuni zenkonzo yasentsimi. Funda ingxelo yemali neeleta ezibulela iminikelo. Usebenzisa iintshayelelo ezicetyisiweyo kwiphepha 8 (ukuba ziyasebenza kwintsimi yenu), bonisa indlela yokuhambisa IMboniselo kaJulayi 1 okanye uVukani! kaJulayi 8. Kunokusetyenziswa nenye intshumayelo esebenzayo. Emva komboniso, caphula kwakhona amazwi aye asetyenziswa ekuqaleni ukuze kutsalwe ingqalelo yomninimzi.
15 imiz: Iimfuno zebandla lasekuhlaleni.
20 imiz: Ukuhambisa Iincwadana Ezinemifanekiso NgoJulayi NangoAgasti. Intetho nengxubusho nabaphulaphuli esekelwe kwisihlomelo. Ngamafutshane chaza indlela yokusebenzisa esi sihlomelo, ubalaselisa ibhokisi ekwiphepha 3 kwakunye neengongoma eziphambili kuBulungiseleli Bethu BoBukumkani bukaJanuwari 2005, kwiphepha 8. Xubusha amacebiso afanelekileyo kwintsimi yenu okuhambisa incwadana kutyelelo lokuqala. Yiba nemiboniso emibini okanye emithathu. Yiba nomvakalisi oselula ubuncinane komnye wale miboniso.
Ingoma 196 nomthandazo wokuqukumbela.
Iveki Eqala NgoJulayi 4
10 imiz: Izaziso zebandla lasekuhlaleni.
15 imiz: Ngaba Niyazuza Kucwangciso Lwentsapho? Yenza impinda ngamacebiso akwisihlomelo soBulungiseleli Bethu BoBukumkani bukaMeyi 2005, uze ucele abaphulaphuli ukuba bagqabaze ngemigudu abayenzileyo yokusebenzisa la macebiso neengenelo abaye bazifumana ngokwenza oko.
20 imiz: “Ukushumayela Ngempumelelo Kwiindawo Zikawonke-wonke.”c Chaza indlela okusebenza ngayo oku kwintsimi yasekuhlaleni. Khumbuza abavakalisi ukuba basebenzise ifomu ethi Please Follow Up (S-43) xa kufanelekile.—Bona UBulungiseleli Bethu BoBukumkani buka-Aprili 2005, iphe. 5.
Ingoma 120 nomthandazo wokuqukumbela.
[Imibhalo esemazantsi]
a Intshayelelo yakho mayibe ngaphantsi komzuzu omnye, wandule ke ukubuza imibuzo.
b Intshayelelo yakho mayibe ngaphantsi komzuzu omnye, wandule ke ukubuza imibuzo.
c Intshayelelo yakho mayibe ngaphantsi komzuzu omnye, wandule ke ukubuza imibuzo.