Ucwangciso LweNtlanganiso Yenkonzo
Iveki Eqala NgoJulayi 11
10 imiz: Izaziso zebandla lasekuhlaleni. IZaziso Ezikhethiweyo ezikuBulungiseleli Bethu BoBukumkani. Usebenzisa amacebiso akwiphepha 4 (ukuba ayasebenza kwintsimi yenu) bonisa indlela yokuhambisa IMboniselo kaJulayi 15 noVukani! ka-Agasti 8. Kusenokusetyenziswa nezinye iintshumayelo eziphumelelayo. Kumboniso ngamnye, yiba nendlela eyahlukileyo yokusabela kumazwi athintela incoko athi, “Ndixakekile.”—Bona incwadi ethi Ukuqiqa, iphe. 19-20.
15 imiz: Xubusha amalungiselelo entsimi engabelwanga bani. Mayisingathwe ngumveleli wenkonzo. Phinda uxubushe ileta yentsimi engabelwanga yomhla kaMeyi 31, 2005, uncwadi oluza kuhanjiswa, imihla, indawo ekuza kushunyayelwa kuyo, indawo yokuhlala kunye namalungiselelo okuhamba. Ngaba bakho abanokuba ngoovulindlela abangabancedani? Amabandla angayiyo kwintsimi engabelwanga afanele axubushe ngamalungiselelo okusebenza kwintsimi engafane isetyenzwe.
20 imiz: “Ukufikelela Abaninzi Kangangoko Kunokwenzeka.”a Xa nixubusha isiqendu 5, hlolisisa amacebiso akuBulungiseleli Bethu BoBukumkani bukaJuni 2005, iphepha 8, asebenzayo kwintsimi yebandla lenu.
Ingoma 88 nomthandazo wokuqukumbela.
Iveki Eqala NgoJulayi 18
10 imiz: Izaziso zebandla lasekuhlaleni. Ngokufutshane hlolisisa IMboniselo ka-Agasti 15, 2000, iphepha 32. Balaselisa iingenelo zokuba nocwangciso oluthe rhoqo lokufunda iBhayibhile, kwanaxa sisekhefini okanye xa singenzi imisebenzi yethu eqhelekileyo.
15 imiz: “Ukuqhuba Izifundo ZeBhayibhile Ezinenkqubela—Icandelo 11.”b Quka umboniso womvakalisi oqhuba isifundo kunye nomvakalisi osemtsha belungiselela ukwenza ibuyelo. Bahlolisisa oko bekuthethwa ngako kutyelelo lokuqala baze bakhethe ingongoma efanelekileyo ekuza kuthethwa ngayo xa kubuyelwa. Kwakhona balungiselela intshayelelo elula kunye nombuzo eliza kushiywa nawo ibuyelo emva kwengxubusho. Lo mboniso bawuqukumbela xa kanye beza kuqhelisela loo ntshumayelo bayilungiseleleyo.
20 imiz: Nceda Abanye Bayixabise IBhayibhile. Ingxubusho yemibuzo neempendulo esekelwe kwincwadi ethi Nqula UThixo, iphepha 24-5, isiqendu 3-6. Sebenzisa imibuzo esencwadini. Quka amagqabaza akwiphepha 32 lencwadana enemifanekiso ethi Incwadi Yabantu Bonke.
Ingoma 10 nomthandazo wokuqukumbela.
Iveki Eqala NgoJulayi 25
15 imiz: Izaziso zebandla lasekuhlaleni. Funda ingxelo yemali neeleta ezibulela iminikelo ethunyelweyo. Chazela ibandla ngamalungiselelo aqinisekileyo entsimi engabelwanga bani, eqalisa ngoAgasti 1. Usebenzisa amacebiso akwiphepha 4 (ukuba ayasebenza kwintsimi yenu), yenza umboniso ngendlela yokuhambisa IMboniselo ka-Agasti 1 noVukani! ka-Agasti 8. Kusenokusetyenziswa nezinye iintshumayelo ezisebenzayo kwintsimi yenu. Kwenye intshumayelo, yenza umboniso ngendlela yokuhambisa amaphephancwadi ngokungacwangciswanga kwindawo yentengiso okanye kwenye indawo efanelekileyo kawonke-wonke.
10 imiz: Bethelela Inyaniso Entliziyweni Yomntwana Wakho. (Dut. 6:7) Intetho enikelwa ngumdala esekelwe kwiMboniselo ka-Agasti 15, 2002, iphepha 30-1. Balaselisa imigaqo yeZibhalo eyalathisa indlela umzali ongumKristu oneqabane elingeloNgqina anokumqeqesha ngayo umntwana.
20 imiz: “Oko Sikutyala Abanye.”c Quka amagqabaza akwiMboniselo kaJulayi 1, 2000, iphepha 11, isiqendu 13.
Ingoma 82 nomthandazo wokuqukumbela.
Iveki Eqala NgoAgasti 1
15 imiz: Izaziso zebandla lasekuhlaleni. Iindaba Zobuthixo. Khumbuza abavakalisi ukuba badlulise ingxelo yenkonzo kaJulayi. Cela abaphulaphuli batyhile kwiphepha 70 lencwadi yeSikolo Sobulungiseleli, uze uxubushe nabo isiqendu 1-2 kunye nebhokisi ethi “Indlela Yokugqabaza Kwiintlanganiso.”
15 imiz: “Nceda Abantwana Bakho Benze Inkqubela Entsimini.” Intetho nengxubusho nabaphulaphuli. Quka umboniso womzali nomntwana besebenzisa intshumayelo elula. Umzali makaqukumbele intshumayelo ngokuchaza ngokufutshane ilungiselelo lomnikelo.
15 imiz: Ngaba Ukhe Wayizama Intshumayelo Ebhetyebhetye? Intetho nengxubusho nabaphulaphuli esekelwe kuBulungiseleli Bethu BoBukumkani bukaJanuwari 2005, iphepha 6. Hlolisisa amacebiso anikelweyo, uze ubonise indlela enokusetyenziswa ngayo intshayelelo ebhetyebhetye ukuze kuhanjiswe uncwadi oluhanjiswa ngoAgasti. Yiba nomboniso omnye okanye emibini.
Ingoma 218 nomthandazo wokuqukumbela.
[Imibhalo esemazantsi]
a Intshayelelo yakho mayibe ngaphantsi komzuzu omnye, wandule ke ukubuza imibuzo.
b Intshayelelo yakho mayibe ngaphantsi komzuzu omnye, wandule ke ukubuza imibuzo.
c Intshayelelo yakho mayibe ngaphantsi komzuzu omnye, wandule ke ukubuza imibuzo.