Zama Intshayelelo Ebhetyebhetye

Umdla wethu onyanisekileyo kubantu uya kusishukumisela ukuba sizame ukuqonda iingxaki zabo size sibabonise indlela uBukumkani obuza kuzicombulula ngayo. (Fil. 2:4) Intshayelelo elula abaye bayifumanisa isebenziseka abavakalisi abaninzi kukucela umninimzi agqabaze ngemifanekiso yeParadesi ekwiimpapasho zethu, enjengale iboniswe kwicala elingasekunene kweli phepha. Ungakwenza oku usebenzisa ezinye zezi ntshayelelo zilandelayo:

◼ “Ucinga ukuba uluntu luya kuze luphile ngale ndlela iboniswe kulo mfanekiso?”

◼ “Sonke besingathanda ukuba abantwana bethu baphile kwihlabathi elinjengeli likulo mfanekiso. Ucinga ukuba yintoni efunekayo ukuze kube njalo?”

◼ “Lo ngumfanekiso woko uza kuba kuko umhlaba xa sele kusenziwa ukuthanda kukaThixo apha emhlabeni njengasezulwini. Ngaba ukho umahluko owubonayo kwindlela abaphila ngayo abantu namhlanje?”

◼ “Akungethandi ukuphila ngale ndlela ikulo mfanekiso? [Mvumele aphendule.] Ucinga ukuba oku kuza kwenzeka sisaphila?”

Mphulaphule ngenyameko njengoko ephendula, uze umbuze nokuba ngumbuzo omnye okanye emibini. Ukuba abanye bathi abakufuni ukuphila kwezi meko ziboniswe apha okanye abakholelwa ukuba oko kunokwenzeka, ungagqibi kwelokuba abanamdla. Phanda ngobuchule isizathu sokuba bavakalelwe ngendlela abavakalelwa ngayo. Iimpendulo zabo zisenokutyhila ukuba bakhathazekile ngenxa yeengxaki olungakwaziyo ukuzicombulula uluntu.—Hez. 9:4.

Wakuba uziqondile izinto ezikhathaza umninimzi, visisanisa intshumayelo yakho neemeko zakhe. Sebenzisa isigidimi soBukumkani esiyiphendula kakuhle ingxaki yakhe. Mbonise isibhalo esinye okanye ezibini eziphathelele loo nto imkhathazayo (Bona amacebiso akumhlathi ongasekunene.) Makazibonele oko kuthethwa liLizwi likaThixo. Ukuba unomdla, mhambisele loo mpapasho uze ulungiselele ukubuyela. Qhubeka nengxubusho yakho yokuqala.

[Ibhokisi ekwiphepha 6]

Imizekelo Yemifanekiso Yeparadesi

Incwadi ethi Umfundisi: iphepha 251-4

Incwadi ethi Ulwazi: iphepha 4-5, 188-9

Incwadana enemifanekiso ethi Okufunwa NguThixo: iphepha 11, 13

Incwadi ethi Uxolo Lokwenyaniso: iphepha 98

Incwadi ethi Nqula UThixo: iphepha 92-3

[Ibhokisi ekwiphepha 6]

Izinto Ezikhathaza Abantu

Imfazwe, ubugrogrisi

INdumiso 46:8, 9;

Mika 4:3, 4

Izindlu, iingxaki zoqoqosho

Isaya 65:21, 22

Ubuhlwempu, ingcinezelo

INdumiso 72:12-14

INtshumayeli 8:9

Udandatheko

INdumiso 34:8

Isaya 65:17-19

Ukonakaliswa komhlaba

ISityhilelo 11:18

Ukufa, ukuzila

Isaya 25:8;

ISityhilelo 21:3, 4

Ukugula, iziphene

Isaya 33:24; 35:5, 6

Ukunqongophala kokutya, ukungondleki

INdumiso 72:16

Isaya 25:6

Ukuphathwa kakubi kwezilwanyana

IMizekeliso 12:10

Ukuwohloka kwemilinganiselo yokuziphatha

2 Timoti 3:1-5

Ulwaphulo-mthetho, ugonyamelo

INdumiso 37:10, 11

IMizekeliso 2:21, 22

Umkhethe, ukungalingani

Isaya 11:3-5

IZenzo 10:34, 35

Urhulumente ongabanelisiyo abantu

INdumiso 146:3, 4

Daniyeli 2:44

Urhwaphilizo, ukungabikho kokusesikweni

Isaya 9:6, 7

2 Petros 3:13