• Àìsáyà 2:2, 3
    Bíbélì Mímọ́ ti Ìtumọ̀ Ayé Tuntun

    •  2 Ní apá ìgbẹ̀yìn àwọn ọjọ́,*

      Òkè ilé Jèhófà

      Máa fìdí múlẹ̀ gbọn-in sórí àwọn òkè,+

      A sì máa gbé e ga ju àwọn òkè kéékèèké lọ,

      Gbogbo orílẹ̀-èdè á sì máa rọ́ lọ síbẹ̀.+

       3 Ọ̀pọ̀ èèyàn máa lọ, wọ́n á sì sọ pé:

      “Ẹ wá, ẹ jẹ́ ká lọ sórí òkè Jèhófà,

      Sí ilé Ọlọ́run Jékọ́bù.+

      Ó máa kọ́ wa ní àwọn ọ̀nà rẹ̀,

      A ó sì máa rìn ní àwọn ọ̀nà rẹ̀.”+

      Torí òfin* máa jáde láti Síónì,

      Ọ̀rọ̀ Jèhófà sì máa jáde láti Jerúsálẹ́mù.+

  • Àìsáyà 56:6, 7
    Bíbélì Mímọ́ ti Ìtumọ̀ Ayé Tuntun

    •  6 Ní ti àwọn àjèjì tó fara mọ́ Jèhófà láti máa ṣe ìránṣẹ́ fún un,

      Láti nífẹ̀ẹ́ orúkọ Jèhófà,+

      Kí wọ́n sì di ìránṣẹ́ rẹ̀,

      Gbogbo àwọn tó ń pa Sábáàtì mọ́, tí wọn ò sì kẹ́gàn rẹ̀,

      Tí wọ́n ń rọ̀ mọ́ májẹ̀mú mi,

       7 Màá tún mú wọn wá sí òkè mímọ́ mi,+

      Màá sì mú kí wọ́n máa yọ̀ nínú ilé àdúrà mi.

      Màá tẹ́wọ́ gba odindi ẹbọ sísun wọn àtàwọn ẹbọ wọn lórí pẹpẹ mi.

      Torí a ó máa pe ilé mi ní ilé àdúrà fún gbogbo èèyàn.”+

  • Míkà 4:1, 2
    Bíbélì Mímọ́ ti Ìtumọ̀ Ayé Tuntun

    • 4 Ní apá ìgbẹ̀yìn àwọn ọjọ́,*

      Òkè ilé Jèhófà+

      Máa fìdí múlẹ̀ gbọn-in sórí àwọn òkè,

      A sì máa gbé e ga ju àwọn òkè kéékèèké lọ,

      Àwọn èèyàn á sì máa rọ́ lọ síbẹ̀.+

       2 Ọ̀pọ̀ orílẹ̀-èdè máa lọ, wọ́n á sì sọ pé:

      “Ẹ wá, ẹ jẹ́ ká lọ sórí òkè Jèhófà,

      Sí ilé Ọlọ́run Jékọ́bù.+

      Ó máa kọ́ wa ní àwọn ọ̀nà rẹ̀,

      A ó sì máa rìn ní àwọn ọ̀nà rẹ̀.”

      Torí òfin* máa jáde láti Síónì,

      Ọ̀rọ̀ Jèhófà sì máa jáde láti Jerúsálẹ́mù.

  • Sekaráyà 8:22, 23
    Bíbélì Mímọ́ ti Ìtumọ̀ Ayé Tuntun

    • 22 Ọ̀pọ̀ èèyàn àti orílẹ̀-èdè alágbára yóò wá sí Jerúsálẹ́mù láti wá Jèhófà Ọlọ́run àwọn ọmọ ogun,+ kí wọ́n sì lè bẹ Jèhófà pé kó ṣojúure sí àwọn.’*

      23 “Ohun tí Jèhófà Ọlọ́run àwọn ọmọ ogun sọ nìyí, ‘Ní àwọn ọjọ́ yẹn, ọkùnrin mẹ́wàá láti inú gbogbo èdè àwọn orílẹ̀-èdè+ yóò di aṣọ* Júù* kan mú, àní wọn yóò dì í mú ṣinṣin, wọ́n á sì sọ pé: “A fẹ́ bá yín lọ,+ torí a ti gbọ́ pé Ọlọ́run wà pẹ̀lú yín.”’”+