Bied die Goeie Nuus Aan—Met ouer publikasies
1 Dit is noodsaaklik dat ’n mens besluit om God te aanbid. Dit beteken ons lewe. Daarom is dit ’n lonende doelwit om juiste kennis en die wysheid om dit toe te pas op te doen.—Spr. 23:23; Joh. 17:3.
2 Ons moet God se Woord ywerig bestudeer om kennis op te doen en in wysheid toe te neem. Sodoende raak ons vertroud met sy gebooie, wette, vermanings en raad. Ons moet ook peins oor die geskiedenis van Jehovah se handelinge met sy volk. Jehovah gee mildelik kennis en wysheid aan diegene wat hom opreg soek. Deur middel van sy organisasie het hy deur die jare heen ’n oorvloed van publikasies voorsien wat talle gebiede van Bybelkennis dek. Hierdie publikasies kan baie voordelig wees vir talle wat Jehovah nog nie leer ken het nie.
DIE WAARDE VAN OUER PUBLIKASIES
3 Gedurende Januarie en Februarie kan enige van die sakformaatboeke wat voor 1980 gedruk is, gebruik word. Daar is ’n skat van kennis in hierdie publikasies. Hulle kan van groot geestelike waarde vir hierdie mense wees. (Kyk Mattheus 5:14-16.) Laat ons dus gedurende hierdie twee maande daarna streef om al die ouer publikasies wat ons gemeente in voorraad het te versprei.
4 Die ondervinding van ’n persoon wat ’n geskenkeksemplaar van een van die ouer boeke by sy vrou gekry het wat ’n Getuie is, lig toe hoe belangrik dit is om hierdie publikasies in die hande van mense te kry. Tot op daardie tydstip het hy geen belangstelling in die Bybel getoon nie. Hy het tot haar verbasing die boek in een aand deurgelees. Dit het hom so ’n sterk geloof in die Bybel as die Woord van God gegee dat hy die volgende gemeentelike vergadering bygewoon het en om ’n Bybelstudie gevra het. Hy het binne drie maande in die veldbediening begin uitgaan en is nou gedoop.
WEES POSITIEF
5 Moenie die krag van God se Woord onderskat nie. Bied hierdie ouer publikasies met ’n positiewe gesindheid aan, aangesien hulle Bybelwaarhede beklemtoon. Jy moet natuurlik seker maak dat die ouer boeke wat jy aanbied in ’n goeie toestand is. As die boeke beskadig is of die bladsye vergeel het, moet hulle nie van huis tot huis aangebied word nie, aangesien dit afbreuk aan die boodskap kan doen.
6 As julle gemeente geen sakformaatboeke het wat vir gebruik in hierdie kampanje aangegee word nie, kan julle enige ander sakformaatpublikasie teen ’n bydrae van R2,00 aanbied. Nadat jy Openbaring 21:4 met die huisbewoner bespreek het, kan jy sy aandag vestig op ’n gepaste aanhaling, paragraaf of hoofstuk, of ’n toepaslike illustrasie beklemtoon om die aanbod daarby in te skakel.
7 Mag ons almal ’n produktiewe bediening geniet deur kennis uit God se Woord deur middel van hierdie ouer publikasies met ander te deel! Dit kan die ewige welsyn van diegene vir wie ons getuig in die hand werk.