Wagtoring – AANLYN BIBLIOTEEK
Wagtoring
AANLYN BIBLIOTEEK
Afrikaans
  • BYBEL
  • PUBLIKASIES
  • VERGADERINGE
  • km 5/96 bl. 3
  • Is jy te besig?

Video nie beskikbaar nie.

Jammer, die video kon nie laai nie.

  • Is jy te besig?
  • Ons Koninkryksbediening—1996
  • Soortgelyke materiaal
  • “Laat ons ook elke las aflê”
    Die Wagtoring kondig Jehovah se Koninkryk aan—1991
  • Hoe om die geleë tyd uit te koop
    Ons Koninkryksbediening—1996
  • Altyd volop te doen
    Ons Koninkryksbediening—1995
  • Kan jy gelukkig wees al het jy baie om te doen?
    Die Wagtoring kondig Jehovah se Koninkryk aan—1991
Sien nog
Ons Koninkryksbediening—1996
km 5/96 bl. 3

Is jy te besig?

1 Paulus het gemaan dat ons ‘altyd volop moet hê om in die werk van die Here te doen’ (1 Kor. 15:58). Ons word aangespoor om ’n daaglikse roetine vir persoonlike studie te handhaaf, gereeld aan die bediening deel te neem, vergaderinge getrou by te woon en ywerig na gemeentelike toewysings om te sien. Daarbenewens moet ons ander bystaan wat ons hulp nodig het. Met soveel om te doen, voel ons dalk partykeer oorweldig en dink ons miskien dat ons na maniere moet soek om ons werklas te verminder.

2 Daar is situasies wat dit verstandig asook redelik maak om sekere bedrywighede uit te skakel of te verminder. Party mense voel dat daar van hulle verwag word om alles te doen wat ander hulle vra. ’n Gebrek aan balans in hierdie opsig kan druk en spanning veroorsaak wat uiteindelik verwoestend kan wees.

3 Wees gebalanseerd: Die sleutel tot balans lê in die toepassing van Paulus se raad om ‘seker te maak van wat die belangriker dinge is’ (Fil. 1:10). Dit beteken bloot dat ons aandag moet skenk aan die dinge wat werklik saak maak en, as die tyd en omstandighede dit toelaat, omsien na party dinge wat minder belangrik is. Gesinsverpligtinge tel beslis onder dié dinge wat noodsaaklik is. Sekere sekulêre verantwoordelikhede moet nagekom word. Maar Jesus het geleer dat ons prioriteite gegrond moet wees op die vooronderstelling dat ons eers die Koninkryk soek. Ons moet eers die dinge doen wat ons sal toelaat om ons toewyding aan Jehovah uit te leef.—Matt. 5:3; 6:33.

4 Hiermee in gedagte sal ons seker maak dat ons enige onnodige persoonlike strewes, oormatige ontspanning en verpligtinge teenoor ander wat nie noodsaaklik is nie uit ons besige rooster uitskakel. Wanneer ons ons bedrywighede vir elke week beplan, sal ons tyd opsy sit vir voldoende persoonlike studie, ’n redelike aandeel aan die bediening, die bywoning van vergaderinge en enige ander dinge wat ten nouste met ons aanbidding verband hou. Die oorblywende tyd kan aan ander strewes bestee word, na gelang van hoeveel dit bydra tot die verwesenliking van ons hoofdoel naamlik om gebalanseerde Christene te wees wat die Koninkryk eerste stel.

5 Selfs dan voel ons dalk nog dat ons vrag neerdrukkend is. Indien wel, moet ons gehoor gee aan Jesus se uitnodiging: “Kom na my toe, almal wat swoeg en swaar belaai is, en ek sal julle verkwik” (Matt. 11:28). En vertrou op Jehovah, “wat daagliks die vrag vir ons dra” en die vermoeide krag gee. Hy belowe dat hy nooit die regverdige sal laat wankel nie (Ps. 55:23; 68:19, NW; Jes. 40:29). Ons kan vol vertroue wees dat ons gebede verhoor sal word, wat dit vir ons moontlik sal maak om te volhard in ’n bedrywige lewe van teokratiese bedrywigheid.

6 Hoewel ons beslis besig sal bly in ons strewe na Koninkryksbelange wat die moeite werd is, kan ons ons verheug in die wete dat ons arbeid nie tevergeefs is in verband met die Here nie.—1 Kor. 15:58.

    Afrikaanse publikasies (1975-2025)
    Meld af
    Meld aan
    • Afrikaans
    • Deel
    • Voorkeure
    • Copyright © 2025 Watch Tower Bible and Tract Society of Pennsylvania
    • Gebruiksvoorwaardes
    • Privaatheidsbeleid
    • Privaatheidsinstellings
    • JW.ORG
    • Meld aan
    Deel