Diensvergaderingrooster
Week wat begin met 10 Februarie
10 min: Plaaslike aankondigings. Gekose Aankondigings uit Ons Koninkryksbediening. Moedig almal aan om na die video Faithful Under Trials—Jehovah’s Witnesses in the Soviet Union te kyk ter voorbereiding vir die bespreking by die Diensvergadering gedurende die week van 24 Februarie. In landelike gebiede kan die ouer manne reël dat die video gewys word vir gesinne wat nie videotoerusting het nie. Dit kan in die Koninkryksaal gewys word op ’n aand wanneer daar nie ’n vergadering is nie, of die broers kan ná die boekstudie daarna kyk. Maar die video moenie in die plek van die openbare toespraak gewys word nie. Gemeentes in landelike gebiede wat nie toegang tot videotoerusting het nie, kan tydens hierdie vergaderingdeel plaaslike behoeftes bespreek. Gebruik die wenke op bladsy 8 en hou twee aparte demonstrasies van hoe Die Wagtoring van 15 Februarie en die Ontwaak! van 22 Februarie aangebied kan word. In elke geval moet albei tydskrifte as ’n stel aangebied word, al word die aandag net op een gevestig.
35 min: “Doen die predikingswerk en gee ’n deeglike getuienis.”a Moet deur die diensopsiener behartig word. Moedig almal aan wat kan om in Maart en April aan die hulppionierdiens deel te neem. Vra dié wat verlede jaar gedurende die Gedenkmaalseisoen gepionier het, om kommentaar te lewer. Hoe het hulle hulle sake gereël sodat hulle kon pionier? Watter inspanning en aanpassings het dit geverg? Watter vreugdes en seëninge het dit vir hulle meegebring? Hersien die voorbeelde van roosters in die venster op bladsy 4. Meld dat aansoekvorms vir hulppionierdiens ná die vergadering beskikbaar sal wees.
Lied 30 en slotgebed.
Week wat begin met 17 Februarie
10 min: Plaaslike aankondigings. Rekeningverslag. Hersien lektuuraanbod vir Maart. Gee een of twee wenke oor hoe die Kennis-boek aangebied kan word deur punte uit die byvoegsel tot Ons Koninkryksbediening vir Januarie 2002 te gebruik. Beklemtoon die doelwit om tuisbybelstudies te begin.
35 min: “Vind ten volle baat by die ‘Ywerige Koninkryksverkondigers’-streekbyeenkoms.” Moet deur die Wagtoring-studiehouer behartig word. Ná ’n inleiding van een minuut moet ’n gehoorbespreking van die streekbyeenkomsprogram gehou word met behulp van die vrae wat in die artikel voorsien is. Verdeel die tyd noukeurig tussen die paragrawe. Kort kommentare kan ingesluit word om gehoor aan sleutelgedagtes te herinner. Waar gepas kan die gehoor gevra word hoe hulle toepas wat hulle geleer het en watter voordele hulle geniet omdat hulle dit doen.
Lied 57 en slotgebed.
Week wat begin met 24 Februarie
10 min: Plaaslike aankondigings. Herinner verkondigers daaraan om hulle velddiensrapporte vir Februarie in te gee. Gebruik die wenke op bladsy 8 en hou twee aparte demonstrasies van hoe Die Wagtoring van 1 Maart en die Ontwaak! van 8 Maart aangebied kan word. In elke geval moet albei tydskrifte as ’n stel aangebied word, al word die aandag net op een gevestig.
10 min: “Hulp op die regte tyd.” Toespraak deur ’n ouer man. Beklemtoon dat die spesiale poging wat aangewend word om dié te help wat onbedrywig is, Jehovah se liefdevolle besorgdheid vir sy volk weerspieël.
25 min: “’n Insiggewende en bemoedigende video!” Begin onmiddellik met ’n gehoorbespreking van die Faithful Under Trials-video deur die vrae te gebruik wat voorsien word. Verdeel die tyd noukeurig sodat daar genoeg tyd is vir etlike kommentare oor die laaste vraag. Sluit af deur die venster op bladsy 192 van die 2002 Yearbook te lees.
Lied 56 en slotgebed.
Week wat begin met 3 Maart
10 min: Plaaslike aankondigings.
15 min: “Kan jy jou huis beskikbaar stel?” Toespraak deur ’n boekstudieopsiener. Sluit kommentare in oor die Vraebus in Ons Koninkryksbediening vir April 2001 en Mei 1991 (CD-ROM Februarie 1990). Meld hoeveel boekstudiegroepe daar in die gemeente is en die gemiddelde bywoningsyfer. Laat een of twee verkondigers vertel hoe hulle en hulle gesin daarby baat gevind het om ’n boekstudie in hulle huis te hê. Enigiemand wat sy huis graag beskikbaar wil stel, moet die presiderende opsiener hiervan sê.
20 min: “Wat stel jy eerste?”b Reël vooraf dat een of twee verkondigers vertel wat hulle gedoen het om hulle omstandighede aan te pas sodat hulle meer in die bediening kan doen.
Lied 127 en slotgebed.
[Voetnote]
a Die inleiding moet korter as ’n minuut wees, gevolg deur ’n vraag-en-antwoord-bespreking.
b Die inleiding moet korter as ’n minuut wees, gevolg deur ’n vraag-en-antwoord-bespreking.