Wagtoring – AANLYN BIBLIOTEEK
Wagtoring
AANLYN BIBLIOTEEK
Afrikaans
  • BYBEL
  • PUBLIKASIES
  • VERGADERINGE
  • g02 1/8 bl. 30
  • Van ons lesers

Video nie beskikbaar nie.

Jammer, die video kon nie laai nie.

  • Van ons lesers
  • Ontwaak!—2002
  • Soortgelyke materiaal
  • “Kan gevangenes gerehabiliteer word?”
    Ontwaak!—2005
  • Is die oplossing ’n deel van die probleem?
    Ontwaak!—2001
  • Korrespondensie met gevangenes
    Ons Koninkryksbediening—1989
  • Is ware rehabilitasie moontlik?
    Ontwaak!—2001
Sien nog
Ontwaak!—2002
g02 1/8 bl. 30

Van ons lesers

Gevangenisse Baie dankie vir julle artikels oor die onderwerp “Kan gevangenes gerehabiliteer word?” (8 Mei 2001). Ek was 14 jaar in die tronk. Ek het daar met Jehovah se Getuies in aanraking gekom en die Bybel begin studeer. Nadat ek vrygelaat is, het ek voortgegaan met my studie, en ek is kort daarna gedoop. Gevangenes kan verander as hulle die beginsels navolg wat in die Bybel geleer word. Hulle kan ook—soos ek—dankbaar wees teenoor hardwerkende Getuies wat hulle tyd opoffer om mense in die gevangenis te help.

R. S., Verenigde State

Ek is op die oomblik in ’n korrektiewe inrigting waar Jehovah se Getuies toegelaat word om ’n uitstekende onderrigprogram aan te bied. Een gevangene is gedoop en baie ander bestudeer die Bybel. Hoe wonderlik is dit tog om Jehovah te dien ongeag waar ons is!

J.A.M., Verenigde State

Ek voel soms dat dit hier in Japan moeilik is om met mense oor die Bybel te praat. Maar ek is aangemoedig deur hierdie broers wat op Jehovah vertrou en die Bybel saam met gevangenes studeer. Ek is dankbaar dat julle ons vertel hoe hard hierdie broers werk. Aangesien ons in die laaste dae lewe, moet elkeen van ons ons verhouding met Jehovah voortdurend versterk.

K. D., Japan

Aangesien ek al agt jaar in die tronk is, sien ek dat gevangenisse nie in hulle doel slaag nie. Die Bybelonderrigtingswerk wat julle doen, is wel suksesvol. As ’n gevangene is ek baie dankbaar teenoor Jehovah se Getuies wat liefde betoon aan ons wat ’n fout begaan het, maar wat probeer om dit reg te stel en beter mense te word.

R. J., Verenigde State

Toe ek hierdie tydskrif gesien het, het ek gewonder wie hierin sou belangstel. Ek het dieselfde aand ’n telefoonoproep ontvang. My ma is aangeval en haar motor is gesteel. Terwyl ek en my werksmaats oor misdaad, misdadigers en gevangenisse gesels het, het ek onthou van die tydskrif in my sluitkas. Dit is uitstekende artikels! Ek het die volgende dag eksemplare daarvan vir my werksmaats en vir my ma gegee. Hierdie artikels pas goed by die doel van die Ontwaak!—“dit delf dieper as die oppervlak en wys op die ware betekenis van aktuele gebeure”.

R. S., Verenigde State

Ek het vir die eerste keer by my selmaat van Jehovah se Getuies gehoor. Ek is opreg dankbaar om te lees dat Jehovah se Getuies die moed het om dit binne hierdie heinings en mure te waag, om mense soos ek te help om Jehovah te vind voor dit te laat is. Die Getuies moet geprys word vir die liefde wat hulle betoon.

M. N., Verenigde State

Hierdie artikels is nuttig vir diegene van ons wat in gevangenisse werk, want dit toon dat die Bybel gevangenes kan help om hulle innerlik, in hulle verstand en hulle hart, te verander. Dit help ook gevangenes om te verstaan wat ons doen om hulle te help, sodat hulle Jehovah se wil kan leer doen. Die voorbeelde op bladsy 10 wys duidelik waarom ons nie by gevangenes se wetlike probleme betrokke moet raak nie, maar hulle eerder die Bybel leer en hulle hart probeer bereik.

A. I., Roemenië

Safari Ek is 13 jaar oud en het dit regtig geniet om die artikel “Op safari in Ghana” (8 Mei 2001) te lees. Dit is vir my lekker om oor diere te lees. Hou asseblief aan om die tydskrifte te druk!

J. W., Verenigde State

    Afrikaanse publikasies (1975-2025)
    Meld af
    Meld aan
    • Afrikaans
    • Deel
    • Voorkeure
    • Copyright © 2025 Watch Tower Bible and Tract Society of Pennsylvania
    • Gebruiksvoorwaardes
    • Privaatheidsbeleid
    • Privaatheidsinstellings
    • JW.ORG
    • Meld aan
    Deel