Kweek verdere belangstelling in die Koninkryksnuus
1 Gedurende Die Afgelope Paar Weke Het Ons Die Voorreg Geniet Om Koninkryksnuus Nr. 35 Te Versprei, Met Die Titel “Sal Alle Mense Mekaar Ooit Liefhê?” Oral Probeer Verkondigers Soveel Verdienstelikes As Moontlik Met Hierdie Nommer Van Die Koninkryksnuus Bereik (Matt. 10:11). Hoewel Die Kampanje Veronderstel Is Om Op Sondag, 16 November, Te Eindig, Kan Die Ouer Manne Julle Vra Om Voort Te Gaan Met Die Verspreiding Van Koninkryksnuus Nr. 35, As Daar Nog Gebied Is Om Te Dek En Solank Die Gemeente Nog Voorraad Het.
2 Hierdie Nommer Van Die Koninkryksnuus Het Baie Mense Se Belangstelling Gewek. Hulle Sien Dat Mense Oor Die Algemeen Hulle Natuurlike Geneentheid Verloor Het En Hulle Wonder Dus Wat Die Toekoms Inhou (2 Tim. 3:3). Ons Wil Die Belangstelling Wat Gewek Is Verder Kweek.
3 Die Koninkryksnuus lewer resultate: Gedurende die Koninkryksnuus-kampanje in 1995 het ’n vrou wat ’n eksemplaar ontvang het ’n vergadering by die Koninkryksaal bygewoon omdat sy meer wou leer oor wat Jehovah se Getuies glo. By daardie vergadering het sy geredelik ’n Bybelstudie aanvaar en daarna selde ’n vergadering oorgeslaan. Kort voor lank het sy aan haar vorige kerk geskryf en haar lidmaatskap beëindig!
4 Teen hierdie tyd het honderde mense in die gebied al die boodskap in Koninkryksnuus Nr. 35 gelees. Maar hoe het hulle daarop gereageer? Selfs al is hulle beïndruk deur dit wat hulle gelees het, sal die meeste nie daadwerklik optree voor een van Jehovah se Getuies hulle weer besoek nie. Beplan jy om terug te gaan? Liefdevolle besorgdheid oor ons medemens behoort ons te beweeg om dit te doen. Almal wat belangstelling in die Koninkryksnuus getoon het, moet weer besoek word.
5 Wat gaan jy sê wanneer jy teruggaan? Jy kan kommentaar lewer oor die tydigheid van die boodskap in die Koninkryksnuus en dan ’n gedagteprikkelende vraag opper. Luister aandagtig terwyl die huisbewoner sy mening uitspreek sodat jy kan agterkom wat sy beskouing is. Vestig dan die aandag op ’n gepaste punt in die Vereis-brosjure, wat in die Koninkryksnuus uitgebring is. As jy ’n gunstige reaksie kry, kan jy probeer om onmiddellik ’n Bybelstudie te begin.
6 Hier volg ’n paar aanbiedings wat jy kan probeer wanneer jy teruggaan na diegene wat belangstelling getoon het in “Koninkryksnuus” Nr. 35:
◼ “Jy onthou seker die traktaat wat ek onlangs by jou gelaat het. Die boodskap daarin roer ’n belangrike geskil aan wat die mensdom vandag verdeel—’n gebrek aan liefde vir ander.” Vestig die aandag op die bewyse op bladsy 2 van die Koninkryksnuus onder die opskrif “Naasteliefde het verkoel”. Vra dan: “Dink jy dit is God se voorneme vir die mensdom om so te lewe?” Wag vir ’n antwoord. Blaai na les 5 in die Vereis-brosjure en probeer ’n Bybelstudie begin.
◼ “Toe ons mekaar die eerste keer ontmoet het, het ek by jou inligting gelaat oor die onderwerp ‘Sal alle mense mekaar ooit liefhê?’ Dink jy so ’n wêreld is moontlik?” Wag vir ’n antwoord. Blaai na les 6 in die Vereis-brosjure en lees paragraaf 6. Lees dan God se belofte in Miga 4:3, 4. As dit lyk of die huisbewoner belangstel, kan jy die brosjure en ’n studie aanbied.
◼ “Toe ek jou die vorige keer besoek het, het ek ’n traktaat by jou gelaat met die titel: ‘Sal alle mense mekaar ooit liefhê?’ Dit het ’n gratis tuisbybelstudie aangebied. Ek het teruggekom om vir jou die studiehulp te wys wat ons gebruik. [Wys die Kennis-boek.] Hierdie boek verduidelik wanneer alle mense mekaar sal liefhê, en dit beantwoord ander vrae waaroor jy dalk wonder: Waarom word ons oud en sterf ons? Waarom laat God lyding toe? Wat gebeur met ons afgestorwe dierbares?” Vra dan: “Kan ek die studiekursus vir jou demonstreer?” As die huisbewoner jou aanbod van die hand wys, kan jy hom vra of hy die boek op sy eie sal wil lees. As hy instem, kan jy ’n eksemplaar by hom laat teen ’n bydrae van R4,00. Tref reëlings om terug te keer.
7 Sodra die gebied deeglik met Koninkryksnuus Nr. 35 gedek is, kan ons die Kennis-boek gedurende die res van die maand aanbied. ’n Verskeidenheid wenke oor hoe om hierdie boek aan te bied, kan gevind word op die agterblad van Ons Koninkryksbediening se nommers vir Maart, Junie en November 1996, asook Junie 1997.
8 Hierdie spesiale verspreiding van die Koninkryksnuus moet ons almal aanmoedig om ons pogings in die predikingswerk te verskerp. Met Jehovah se hulp kan ons vol vertroue wees dat hierdie kampanje beslis suksesvol sal wees en mense sal help om te sien dat dit God se voorneme vir die hele mensdom is om mekaar lief te hê. Mag Jehovah voortgaan om ons ywerige pogings te seën terwyl ons verdere belangstelling in die Koninkryksnuus kweek.