Volg die belangstelling op wat deur Koninkryksnuus Nr. 36 aangewakker is
1 Het jy jou kwota van Koninkryksnuus Nr. 36 al versprei? Dit vra ’n tydige vraag waaroor almal moet nadink: “Die nuwe millennium—Wat hou die toekoms vir jou in?” Namate die jaar 2000 nadergekom het, het mense uiteenlopende verwagtinge gehad oor wat die nuwe millennium sou bring. Koninkryksnuus Nr. 36 bespreek ’n paar van daardie verwagtinge en herinner ons daaraan dat wêreldtoestande nie ’n grondslag vir optimisme bied nie. Die enigste millennium wat die vrede en veiligheid sal bring waarna die meeste mense verlang, is die Duisendjarige Heerskappy van Christus Jesus. Ons vertroue in die werklikheid van sy Koninkryk het ons beweeg om Koninkryksnuus Nr. 36 te versprei onder almal wat ons kon.
2 Reaksies op die Koninkryksnuus-traktaat: Vorige kampanjes om die Koninkryksnuus-traktaat te versprei, het ons met nuwe ywer vir ons werk gevul. Aangaande Koninkryksnuus Nr. 35 het die Kanadese takkantoor geskryf: “Die verkondigers en pioniers in die veld het hierdie spesiale kampanje geesdriftig ondersteun, en daar was talle bemoedigende ondervindinge.” Jy het ongetwyfeld met dieselfde geesdrif aan die verspreiding van Koninkryksnuus Nr. 36 deelgeneem.
3 Die huidige Koninkryksnuus-kampanje sal op 17 November 2000 eindig. Is al die gebied gedek wat aan julle gemeente toegewys is? Indien nie, kan die ouer manne julle vra om die kampanje tot aan die einde van November voort te sit.
4 Wat was die reaksie sover op die verspreiding van Koninkryksnuus Nr. 36 in julle omgewing? ’n Paar mense sal die koepon invul en ’n Vereis-brosjure en/of ’n tuisbybelstudie vra. Maar die meeste wat aanvanklik belangstelling in die onderwerp van die millennium toon, sal waarskynlik nie iets daaromtrent doen voordat een van Jehovah se Getuies hulle weer besoek nie. Almal wat belangstelling toon, moet weer besoek word. Wanneer sal ’n goeie tyd wees om dit te doen? Gaan so gou as moontlik terug.
5 Kyk byvoorbeeld na hierdie ondervindinge wat verkondigers geniet het omdat hulle teruggegaan het na waar hulle Koninkryksnuus Nr. 35 gelaat het. ’n Pionier in Ierland het ’n Koninkryksnuus-traktaat by ’n restauranteienaar gelaat. Die vrou was beïndruk deur die boodskap en het die suster genooi om terug te kom. Die suster het twee dae later teruggegaan, en ’n Bybelstudie is begin. In Denemarke is ’n Koninkryksnuus-traktaat by ’n huis gelaat waar niemand tuis was nie. Daardie selfde dag het die vrou wat daar woon die koepon na die takkantoor gestuur, wat dit op hulle beurt na die plaaslike gemeente aangestuur het. Voor die einde van die week het twee susters haar besoek, ’n studie is gereël en die vrou het haar eerste vergadering by die Koninkryksaal bygewoon!
6 Wat om te sê wanneer jy teruggaan: Om herbesoeke te doen waar ons ’n Koninkryksnuus-traktaat gelaat het, is relatief maklik en is ’n genotvolle deel van ons bediening. Wanneer jy dit doen, sal dit raadsaam wees om ’n eksemplaar van Koninkryksnuus Nr. 36 by jou te hê, aangesien die huisbewoner dalk nie sy eksemplaar sal hê nie. Jy kan hierdie wenke probeer.
7 Nadat jy die huisbewoner herinner het wie jy is, kan jy sê:
◼ “Ek het ’n traktaat by jou gelaat met die tema ‘Die nuwe millennium—Wat hou die toekoms vir jou in?’ Was dit nie bemoedigend om te lees dat die Duisendjarige Heerskappy van Christus Jesus, wat paradystoestande na die aarde sal bring, binnekort gaan begin nie? [Wys vir die huisbewoner prente van die Paradys in Koninkryksnuus Nr. 36.] Op die agterblad word jy genooi om ’n eksemplaar van die brosjure Wat vereis God van ons? aan te vra.” Wys vir die huisbewoner die brosjure, blaai na les 5, lees die eerste vraag, asook paragrawe 1 en 2, en vra hom om kommentaar te lewer. Lees en bespreek een of twee tekste. Bespreek, indien moontlik, nog ’n vraag en paragraaf en reël dan om terug te gaan en die bespreking voort te sit.
8 Aangesien die aanbod vir die res van November die “Vereis”-brosjure of die “Kennis”-boek sal wees, kan jy sê:
◼ “Toe ek jou onlangs besoek het, het ek ’n eksemplaar van ‘Die nuwe millennium—Wat hou die toekoms vir jou in?’ by jou gelaat. Dit bevat ’n aanbod vir ’n gratis tuisbybelstudie. Ek het teruggekom om vir jou die studiehulp te wys wat ons gebruik. [Wys vir die huisbewoner die Vereis-brosjure en blaai na die agterblad; of wys vir hom die Kennis-boek en blaai na bladsye 188-9.] Die Millennium waarvan die Bybel praat, sal toestande bring soos jy in hierdie prent sien. As ons in die Paradys wil lewe, moet ons juiste kennis van God inneem. Ek wil graag kortliks aan jou demonstreer hoe ons die Bybel bestudeer.”
9 Die verspreiding van Koninkryksnuus Nr. 36 het ons gemotiveer om ons deelname aan die bediening te vergroot, wat tot ’n groot getuienis gelei het. Dit het waarskynlik die belangstelling van baie mense in die gebied aangewakker. Met Jehovah se hulp sal ons verenigde poging om hierdie belangstelling lewend te hou daartoe lei dat ons die vreugde smaak om meer skaapgeaardes te vind.—Matt. 10:11; Hand. 13:48, 49, 52.