Wat beplan jy vir die somer?
1 Is dit nie waar dat ons ’n groter kans staan om ons doelwitte wat die moeite werd is te bereik wanneer ons beplan om die tyd tot ons beskikking ten beste te benut nie? Die somer bied ons baie geleenthede om teokratiese belange te bevorder (Spr. 21:5). Wat is van hierdie geleenthede?
2 Die “God se weg”-byeenkoms is een geleentheid wat ons almal by ons planne moet insluit. Reël om tyd by die werk af te kry sodat jy elke dag van die byeenkoms teenwoordig kan wees. Tref vroegtydig reëlings vir jou verblyf en jou vervoer.
3 Waarom beplan jy nie om meer velddiens gedurende die somer te doen nie? Omdat die dae langer en warmer is, sal jy moontlik meer tyd in die predikingswerk kan deurbring. Skoolvakansies bied jongmense die geleentheid om gedurende een of meer somermaande hulppionierdiens te doen. Ander kan ook vooruitbeplan om in November hulppionierdiens te doen, wanneer daar vyf Sondae sal wees. Laat ons almal ’n kragtige poging aanwend om soveel moontlik in die bediening te doen.
4 As julle gemeente se gebied gereeld gedek word, kan julle gerus reëlings tref om ’n naburige gemeente wat hulp nodig het te help om hulle gebied te dek. Die kringopsiener kan die ouer manne in kennis stel van die behoeftes in julle gebied. As jy weg van die huis af gaan vakansie hou, moet jy beplan om die vergaderinge by te woon en aan die velddiens deel te neem saam met die gemeente in daardie gebied. As jy familie besoek wat nie Getuies van Jehovah is nie, moet jy maniere voorberei waarop jy vir hulle van die waarheid kan getuig.
5 Wat beplan jy vir die somer? Jy wil ongetwyfeld fisies verkwik word. Maar moenie die belangriker geleenthede oorsien om jouself geestelik te versterk deur voort te gaan om die Koninkryk eerste in jou lewe te stel nie.—Matt. 6:33; Ef. 5:15, 16.