Spesiale kampanje om die Gedenkmaal te adverteer!
1. Waarmee sal Koninkryksverkondigers vanaf 21 Maart 2009 oor die hele wêreld besig wees, en waarom?
1 Op Donderdag 9 April 2009 sal aanbidders van Jehovah God oor die hele wêreld vergader om sy grootste liefdedaad teenoor die mensdom te herdenk (Rom. 5:6-8). Ons sien met groot afwagting daarna uit om miljoene belangstellendes saam met ons teenwoordig te hê wanneer ons Jesus se dood herdenk. ’n Spesiale Gedenkmaaluitnodiging sal vanaf 21 Maart wêreldwyd versprei word.
2. Watter punte moet jy in gedagte hou wanneer jy die uitnodiging aanbied?
2 Punte om in gedagte te hou: Maak goeie gebruik van die prente, vrae en teksverwysings op die uitnodiging. Jy kan byvoorbeeld na die prent op die voorblad wys en sê: “Ek wil u graag uitnooi om Jesus se dood saam met ons te herdenk op Donderdag 9 April 2009.” Meld dan die titel van die uitnodiging en die vrae wat daarop volg. Onthou om te beklemtoon dat die huisbewoner gerus sy gesin en enigiemand anders wat hy wil, kan saambring.
3. Wat kan jy doen in verband met uitnodigings wat jy vroeër in die kampanje gerig het?
3 As julle gemeente ’n groot gebied het, sal die ouer manne dalk sê dat julle die uitnodiging by nietuise kan laat. Bied oor naweke die tydskrifte saam met die uitnodiging aan. Stel jou dit ten doel om jou herbesoeke, Bybelstudente, familielede, skoolmaats, werksmaats, bure en ander kennisse uit te nooi. Verlede jaar het een suster 30 van haar familielede uitgenooi en hulle van tyd tot tyd herinner aan hoe belangrik die geleentheid is. Hoe bly was sy tog dat 25 dit bygewoon het en 4 van hulle later ’n Bybelstudie aanvaar het!
4. Watter planne moet ons nou maak, en waarom?
4 Beplan nou: Baie verkondigers sal gedurende Maart en April meer in die bediening kan doen. As jy kinders of Bybelstudente het wat goeie vordering maak, kan dit ’n uitstekende tyd vir hulle wees om ongedoopte verkondigers te word. Dit is nou die tyd om reëlings te begin tref om ’n volle aandeel te hê aan hierdie kampanje wat die herdenking van die twee grootste liefdesblyke adverteer.—Joh. 3:16; 15:13.