1 Бутрус
2 Беләликлә, һәр ҹүр пислији+, һијләни, ријакарлығы, пахыллығы вә шәр-бөһтаны кәнара гојун. 2 Анадан тәзәҹә доғулмуш чаға кими+ Аллаһын сөзүндәки саф сүдә гаршы иштаһа ојадын ки, онун васитәсилә бөјүјүб хиласа јетишәсиниз.+ 3 Ахы сиз Ағанын хејирхаһлығыны дадмысыныз.
4 Сиз она, инсанларын рәдд етдији,+ амма сечилмиш, Аллаһ үчүн гијмәтли олан+ ҹанлы даша јахынлашанда 5 ҹанлы дашлар олан сизләрдән руһани ев+ тикилир ки, сиз мүгәддәс каһинләр тајфасы олуб Иса Мәсиһин васитәсилә Аллаһа мәгбул+ руһани гурбанлар+ тәгдим едәсиниз. 6 Чүнки Мүгәддәс Јазыларда јазылыб: «Будур, Мән Сионда сечилмиш даш, гијмәтли ҝушә дашыны гојурам. Она иман едән һеч вахт пешман олмајаҹаг».+
7 Беләликлә, иман едән сизләр үчүн о, гијмәтлидир, иман етмәјәнләр үчүнсә «бәнналарын рәдд етдији даш+ күнҹүн әсас дашы»,+ 8 «бүдрәдән даш вә јыхан гаја» олду.+ Беләләри сөзә итаәт етмәдикләри үчүн бүдрәјирләр. Онларын агибәти будур. 9 Анҹаг сиз «сечилмиш сој, падшаһ вә каһин тајфасы, мүгәддәс халг,+ Аллаһын мәхсуси үммәтисиниз»,+ сизи гаранлыгдан Өз һејрәтамиз нуруна чағыранын+ «әзәмәтли сифәтләрини бәјан етмәк» үчүн сечилмисиниз.+ 10 Бир вахтлар сиз халг дејилдиниз, инди исә Аллаһын халгысыныз.+ Сизә мәрһәмәт ҝөстәрилмәмишди, инди исә мәрһәмәт ҝөрдүнүз.+
11 Әзизләрим, гәриб вә мүвәггәти сакин+ олан сизләрдән риҹа едирәм: ҹанынызла савашан+ ҹисмани истәкләрдән узаг дурун.+ 12 Башга халгларын арасында бундан сонра да нүмунәви давранын+ ки, сизә гара јаханлар јахшы ишләринизи мүшаһидә едиб+ јохлама ҝүнүндә Аллаһы мәдһ етсинләр.
13 Ағанын хатиринә инсан һакимијјәтләринә табе олун.+ Ән јүксәк вәзифә тутдуғуна ҝөрә падшаһа+, 14 јахуд пис иш ҝөрәнләри ҹәзаландырмаг, јахшы иш ҝөрәнләри+ исә мүкафатландырмаг үчүн падшаһ тәрәфиндән ҝөндәрилмиш һакимләрә табе олун. 15 Чүнки Аллаһ истәјир ки, сиз јахшы ишләринизлә наданлыгла данышан ағылсызлары сусдурасыныз.+ 16 Азад адамлар кими јашајын,+ Аллаһын гуллары+ олдуғунуз үчүн азадлығыныздан пис әмәлләр үчүн пәрдә кими истифадә етмәјин.+ 17 Һәр ҹүр инсана һөрмәт един,+ бүтүн гардашлығы севин,+ Аллаһдан горхун,+ падшаһа һөрмәт бәсләјин.+
18 Гој нөкәрләр ағаларына табе олсунлар, өзү дә тәкҹә хејирхаһ вә мүлајим оланлара јох, разы салмаг чәтин оланлара да лајигинҹә һөрмәт бәсләсинләр.+ 19 Чүнки кимсә Аллаһ гаршысында виҹданыны тәмиз сахламагдан өтрү әзаблара гатлашыр вә һагсызлыға мәруз галырса, бу, тәгдирәлајигдир.+ 20 Әҝәр сиз ҝүнаһ иш ҝөрдүјүнүз үчүн дөјүлүр вә буна гатлашырсынызса, бу сизә нә газандырыр?+ Анҹаг јахшы иш ҝөрдүјүнүз үчүн әзаб чәкирсинизсә вә буна дөзүрсүнүзсә, бу, Аллаһа мәгбулдур.+
21 Сиз мәһз бунун үчүн чағырылмысыныз. Ахы Мәсиһ дә сизин уғрунузда әзаб чәкди+ вә сизә нүмунә гојду ки, онун изи илә ҝедәсиниз.+ 22 О, һеч бир ҝүнаһ ишләмәмишди,+ ағзындан јалан сөз чыхмамышды.+ 23 О, тәһгирә тәһгирлә ҹаваб вермирди.+ Әзаб чәкәндә+ кимсәјә һәдә-горху ҝәлмирди, лакин өзүнү адил Һакимә+ тапшырырды. 24 О, ҝүнаһларымызы өз бәдәниндә дашыјыб+ дирәјин үзәринә апарды+ ки, биз ҝүнаһ үчүн өлүб салеһлик үчүн јашајаг. «Сиз онун јаралары илә шәфа тапдыныз».+ 25 Сиз јолуну азмыш гојунлар кими идиниз,+ анҹаг инди ҹанынызы горујан чобанын+ вә нәзарәтчинин јанына гајытдыныз.