Lelaa kwéha base i ñôbôs jôl li Djob?

Ibale Djob a yé gwéha, inyuki bibase bi bi nkal le bi ngwélél nye bi mboñ mam mabe? Kwéha base i mboñ mam ma ma ntinde bôt i hoñol le Djob a yé béba. Ndi lelaa kwéha base i ñôbôs jôl li Djob? Lelaa Djob a ntehe yo? Kii a ga boñ yo?

1. Inyuki biniigana bi kwéha base bi ñôbôs jôl li Djob?

Kwéha base i bi “luga maliga ma Nyambe lôñni bitembee.” (Rôma 1:25) Ngandak bibase i niiga bé bôt le Djob a gwé ngim jôl. Maselna ni hala, Bibel i niiga bés le di nlama gwélél jôl li Djob. (Rôma 10:13,14) Ngim baéga bibase i nkal le i ngéda mandutu ma nkwo, sômbôl i Djob i. Ndi, bitembee bi. Djob a mah bé boñ béba. (Añ Yakôbô 1:13.) Ngoo le bitembee bi, bi mboñ le bôt ba gwés ha bañ Djob.

2. Lelaa maboñok ma kwéha base ma ñôbôs jôl li Djob?

Kwéha base i ntôñ bé bôt kiki Yéhôva a ntôñ bo. Inyu pôdôl kwéha base, Bibel i nkal le: “Nwind u bibéba gwé u mpam letee ni i ngii.” (Masoola 18:5) Hala a yé ngandak nwii le kwéha base i nit mam ma m’bô, i nidik gwét. Maboñok ma, ma mboñ le ngandak bôt i nwo ngi njom. Inyu yila mingwañ mi bôt, ngandak baéga bibase i mbat bôt bap ba base moni. Maboñok map ma ñéba le ba nyi toi bé Djob, ba kôli bé to i kal le ba ngwélél nye.​—Añ 1 Yôhanes 4:8.

3. Lelaa Djob a ntehe kwéha base?

Ibale i mam kwéha base i mboñ ma nhindha we ñem, u nla hégda i yom Yéhôva a nôgda! Yéhôva a ngwés bôt, ndi hala a ntééñga nye i ngéda a ntehe baéga bibase ba gwé maboñok ma ma ñôbôs jôl jé, ba tééñgaga ki bôt. Yéhôva a mbôn le kwéha base y’a tjiba ni le “y’a nene ha bé ki kekikel.” (Masoola 18:21) Ndék ngéda, Djob a ga tjé kwéha base.​—Masoola 18:8.

KÔNDE TÉM

4. Bibase gwobisôna bi nlémél bé Djob

Ngandak bôt i nhoñol le bibase bi yé kiki manjel ma ma nhôla bés i pam yak Djob. Ndi baa maliga ma? Añ Matéô 7:13, 14, i mbus ni kwélél mbadga ini:

• Kii Bibel i nkal inyu njel i i nkena i niñ?

Tuk VIDÉÔ, i mbus ni kwélél mbadga ini.

VIDÉÔ: Baa Djob a neebe bibase gwobisôna?​—Dinyo malép (3:22)

• Baa Bibel i nkal le Djob a neebe bibase gwobisôna?

5. Kwéha base i ñéba bé bôt le Djob a yé gwéha

Kwéha base i bi boñ ngandak mam i i bi ôbôs jôl li Djob. Jam li tôbôtôbô jada ba bi boñ li yé le ba bi nyoñ ngaba i gwét. Inyu tehe hihéga hiada, tuk VIDÉÔ. I mbus ni kwélél mambadga mana.

VIDÉÔ: Bibase bi bi yoñ ngaba keñi i Gwét bi Ntôla II (2:22)

• Imbe ngaba ngandak bibase i bi yoñ mu Gwét bi Ntôla II?

• Lelaa we u ntehe liboñok jap?

Añ Yôhanes 13:34, 35 ni 17:16. I mbus ni kwélél mambadga mana:

• Lelaa Yéhôva a ntehe bibase bi bi bi yoñ ngaba i gwét?

• Kwéha base i nyoñ ngaba ikeñi i bibéba bi mam bi mbôña len. Baa u nla sima ngim mam kwéha base i mboñ ma ma nkéñ bôt i tehe le Djob a yé gwéha?

6. Djob a ngwés le bôt ba pam i kwéha base

Añ Masoola 18:4,a i mbus ni kwélél mbadga ini:

• Djob a ngwés le i bôt bobasôna kwéha base i bi yumus ba pei, kii u nôgda ngéda u nok hala?

7. Kee ni bisu i yi njee a yé bañga Djob

Baa maboñok ma kwéha base ma ntinde we i hoñol le Djob a yé béba? Hégda le mañge a ntjél nôgôl maéba ma isañ, a nyodi i ndap isañ. A bôdôl boñ mam mabe, ndi maboñok ma man ma nlémél bé isañ. Baa w’a ôm isañ nsohi inyule man a ndogbene nye, a mboñ ki bibéba bi mam?

• Baa u nhoñol le di kôli ôm Djob nsohi, di waa ki nigil i yi nye inyule kwéha base i mboñ bibéba bi mam?

I SEM KWEP

Biniigana ni maboñok ma kwéha base bi ñôbôs jôl li Djob. Djob a ga tjé kwéha base.

Mambadga ma mbigda

• Lelaa u ntehe biniigana ni maboñok ma kwéha base?

• Lelaa Yéhôva a ntehe kwéha base?

• Kii Djob a ga boñ kwéha base?

KÔNDE YÉÑ

Béñge mam ima ma ma ntinde Djob i oo kwéha base.

“Baa bibase gwobisôna bi yé nlélém? Baa gwobisôna bi nhôla i yi Djob?” (Kee i jw.org)

Inyuki Yéhôva a mbat le di kodba ni bagwélél bé bape inyu bégés nye?

“Baa i ba i ngim base i yé nseñ?” (Kee i jw.org)

I mam ma bé tagbe i base yé, ma bé tééñga pada yada. Ndi hala a bi kéñ bé nye i ke ni bisu i yéñ maliga inyu Djob.

“Inyuki Pada yada i bi tjôô base yé” (Tôde ’ilo!, Matjel 2015)

Ibôdôl behee, bibase bi niiga bôt le Djob a yé haa ni bés ni le a yé béba. Béñge maliga maa Bibel i niiga.

“Des mensonges qui empêchent d’aimer Dieu” (La Tour de Garde 1^er novembre 2013)