Ulwa kwa Davidi.
א [ʼAʹleph]
37 Wikalipa pa mulandu wa ncitatubi.+
Wilakumbwa abacita ifishalungama.+
2 Pantu bakabonsa bwangu nge cani,+
Kabili bakaloba nge cani iciteku.+
ב [Behth]
3 Tetekela Yehova no kucita icisuma;+
Ikala mu calo, kabili ba uwa cishinka.+
4 Kabili sekelela nga nshi muli Yehova,+
Na o akakupeela ififwaya umutima obe.+
ג [Giʹmel]
5 Leka Yehova atungulule inshila yobe,+
Kabili mutetekele,+ na o akabombelapo.+
6 Kabili akalenga ubulungami bobe ukumoneka nga kasuba,+
No mulinganya obe nga kasuba pa kati.+
ד [Daʹleth]
7 Ba tondolo kuli Yehova+
Kabili utekanye pa kumulolela.+
Wikalipa pa muntu onse uuletunguluka,+
Pa muntu uulefisha amapange yakwe.+
ה [Heʼ]
8 Leka ubukali kabili taluka ku cipyu;+
Wikalipa pantu ukukalipa kulenga umuntu ukucita ifyabipa.+
9 Pantu incitatubi shikaloba,+
Lelo abalolela Yehova e bakekala mu calo.+
ו [Waw]
10 Pashala fye panono no mubifi takabepo;+
Awe ukalolekesha apo aali, no kusanga talipo.+
11 Lelo abafuuka e bakekala mu calo,+
Kabili bakasekelela nga nshi pantu umutende ukafula.+
ז [Zaʹyin]
12 Umubifi alepangila uwalungama,+
No kumusumanishisha ameno incecete.+
13 Yehova akamuseka,+
Pantu namona ukuti ubushiku bwakwe bukesa.+
ח [Chehth]
14 Ababifi basomona ulupanga no kutinta ubuta,+
Ku kulenga uwacushiwa no mupiina ukuwa,+
Ku kwipaya abakwata imibele iisuma.+
15 Ulupanga lwabo lukengila mu mitima yabo,+
Na mata yabo yakakontoka.+
ט [Tehth]
16 Twawama utunono utwa walungama+
Ukucila ifingi ifya babifi abengi.+
17 Pantu amaboko ya babifi yakafunwa,+
Lelo Yehova akalatungilila abalungama.+
י [Yohdh]
18 Yehova alishiba ulwa nshiku sha ba kaele,+
Ne ca bupyani cabo cikatwalilila umuyayaya.+
19 Tabakalengwe insoni mu nshita ya mafya,+
Kabili mu nshiku sha cipowe bakekuta.+
כ [Kaph]
20 Pantu ababifi bakaloba,+
Kabili abalwani ba kwa Yehova bakayemba ngo mulemfwe;
Bakapwa.+ Bakapwila mu cushi.+
ל [Laʹmedh]
21 Umubifi alakongola no kukanabwesha,+
Lelo uwalungama alapaala no kupeela ifya bupe.+
22 Pantu abo akapaala bakekala mu calo,+
Lelo abo akatiipa bakaloba.+
מ [Mem]
23 Amatampulo ya muntu yashikimikwa na Yehova,+
Kabili asekelela mu kwenda kwakwe.+
24 Nangu engawa, tashala nalambalala pa nshi,+
Pantu Yehova alamutungilila ku kuboko kwakwe.+
נ [Nun]
25 Nali umulumendo, nomba ninkota,+
Lelo nshatalamona uwalungama nalekeleshiwa,+
Nelyo abana bakwe balelombelesha ifya kulya.+
26 Cila bushiku alapaala no kwashimisha,+
E co na bana bakwe bakapaalilwa.+
ס [Saʹmekh]
27 Taluka ku cabipa no kucita icisuma,+
E lyo ukekala umuyayaya.+
28 Pantu Yehova atemwa umulinganya,+
Kabili takashe aba cishinka bakwe.+
ע [ʽAʹyin]
Bakacingililwa umuyayaya;+
Lelo abana ba babifi, bakaloba.+
29 Abalungama e bakekala mu calo,+
Kabili bakekalamo umuyayaya.+
פ [Peʼ]
30 Akanwa ka walungama kasosa ifya mano mu kantepentepe,+
Kabili ululimi lwakwe lusosa ifyalungama.+
31 Amafunde ya kwa Lesa wakwe yali mu mutima wakwe;+
Intampulo shakwe tashakatelemuke.+
צ [Tsa·dhehʹ]
32 Umubifi abebeta uwalungama+
Kabili afwaya ukumwipaya.+
33 Lelo Yehova, takashe uwalungama mu minwe ya mubifi,+
Kabili takamumone ngo mubifi pa kumupingula.+
ק [Qohph]
34 Lolela Yehova no kusunga inshila yakwe,+
Na o akakusansabika ku kupyana icalo.+
Ilyo ababifi bakalofiwa, ukamonako.+
ר [Rehsh]
35 Nalimona umubifi uwa lucu+
Kabili aikusha ngo muti uwafumba mu mushili wa uko.+
36 Lelo alifwile, kabili palya talipo;+
Kabili nalemufwaya, na o tasangilwe.+
ש [Shin]
37 Lolesha uwa kaele kabili mona uwaololoka,+
Pantu inshita ya ku ntanshi iya ulya muntu ikaba iya mutende.+
38 Lelo bampulamafunde bakalofiwa;+
Ababifi tabakekale imyaka iingi.+
ת [Taw]
39 Kabili ipusukilo lya balungama lifuma kuli Yehova;+
E cubo cabo mu nshita ya mafya.+
40 Kabili Yehova akabafwa no kubapokolola.+
Akabapokolola ku babifi no kubapususha,+
Pantu muli ena e mo bafisama.+