Ulwimbo lwa kwa Davidi.
א [Aleph]
37 Wilafulwa pa mulandu wa bacita ifyabipa
Kabili wilakumbwa abacita ifishalungama.+
2 Bakoma bwangu nge cani+
Kabili bakabonsa nge cani iciteku.
ב [Beth]
3 Cetekela Yehova kabili ulecita icisuma;+
Ikala mu calo kabili uleba uwa cishinka muli fyonse.+
4 Ulesekelela nga nshi muli Yehova,
Na o akakupeela ififwaya umutima obe.
ג [Gimel]
5 Bika fyonse ifyo ucita pali Yehova;+
Mutetekele na o akakwafwa.+
6 Akalenga ubulungami bobe bukabengeshime nga filya akasuba kabengeshima ilyo kaletula,
Kabili akalenga ifyalungama ifyo ucita fikabalike nga filya akasuba kabalika nga kafika pa kati.
ד [Daleth]
7 Uleikala tondolo
Ilyo ulelolela ukuti Yehova acitepo cimo.+
Wilakalipa ifintu nga file-endela bwino umuntu
Uulecita ifyo apanga.+
ה [He]
8 Leka ubukali kabili taluka icipyu;+
Wilakalipa kabili wilacita ifyabipa.
9 Pantu abacita ifyabipa bakabalofya,+
Lelo abatetekela Yehova bakekala mu calo.+
ו [Waw]
10 Kwashala fye panono ababifi tabakabepo;+
Ukalolesha apo bali,
Lelo tabakabepo.+
11 Lelo abafuuka bakekala mu calo,+
Kabili bakasekelela nga nshi pantu mukaba sana umutende.+
ז [Zayin]
12 Umubifi alapanga ukucita uwalungama ifyabipa;+
Alasumanya ameno pa mulandu wa kuti alamufulilwa.
13 Lelo Yehova akaseka umubifi,
Pantu alishiba ukuti ubushiku bwakwe ubwa kufwa bukesa.+
ח [Heth]
14 Ababifi balasomona ulupanga kabili balatinta ubuta
Pa kuti bawishe abo bacusha kabili abapiina,
Pa kuti bepaye abacita ifyalungama.
15 Lelo ulupanga lwabo lukalasa imitima yabo;+
Na mata yabo yakakontoka.
ט [Teth]
16 Ifinono ifyo uwalungama akwata
Fyawamapo ukucila ifingi ifyo ababifi abengi bakwata.+
17 Pantu amaboko ya babifi bakayafuna,
Lelo Yehova akafwilisha abalungama.
י [Yod]
18 Yehova aleshiba amafya abakaele bakwata,
Kabili ubupyani bwabo bwa muyayaya.+
19 Takabaseebanye mu nshita ya mafya;
Mu nshita ya cipowe bakakwata ifya kulya ifingi.
כ [Kaph]
20 Lelo ababifi bakaloba;+
Abalwani ba kwa Yehova bakaloba nga filya icani iciteku icisuma cuma bwangu;
Bakapwa nga filya icushi cipwa.
ל [Lamed]
21 Umubifi nga akongola tabwesha,
Lelo uwalungama ni kapekape kabili alalangulukilako abantu.+
22 Abo Lesa apaala bakekala mu calo,
Lelo abo atiipa bakaloba.+
מ [Mem]
23 Yehova alatungulula intampulo sha muntu,+
Nga atemwa ifyo umuntu acita.+
24 Nangu engawa, tekalilila panshi,+
Pantu Yehova alekata ukuboko kwakwe no kumwimya.+
נ [Nun]
25 Nali umulumendo nomba ninkota,
Lelo nshatalamonapo uwalungama bamulekelesha kuli Lesa,+
Nelyo abana bakwe balalombelesha ifya kulya.+
26 Lyonse alaitemenwa ukwashimisha,+
Kabili Lesa akapaala abana bakwe.
ס [Samekh]
27 Wilacita ifyabipa, lelo ulecita ifisuma,+
E lyo ukekala umuyayaya.
28 Pantu Yehova atemwa umulinganya,
Kabili takalekeleshe ababa ne cishinka kuli ena.+
ע [Ayin]
Lyonse akulabacingilila;+
Lelo abana ba babifi bena, akabalofya.+
29 Abalungama e bakekala mu calo,+
Kabili bakekalamo umuyayaya.+
פ [Pe]
30 Akanwa ka walungama kalanda ifya mano,
Kabili ululimi lwakwe lulanda ifyalungama.+
31 Amafunde ya kwa Lesa wakwe yali mu mutima wakwe;+
Ilyo akulaenda, amakasa yakwe tayakulashelemuka.+
צ [Tsade]
32 Umubifi alalolekesha uwalungama,
Pa kuti amwipaye.
33 Lelo Yehova takaleke umubifi akepaye uwalungama+
Kabili takamusange no mulandu ilyo akamupingula.+
ק [Qoph]
34 Ulelolela Yehova ukuti akacitepo cimo,
Kabili ule-enda mu nshila yakwe, na o akakucindamika.
Ilyo akalenga ukekale mu calo, ilyo ababifi bakabalofya+ ukamonako.+
ר [Resh]
35 Nalimonapo umubifi uushaba na luse ifintu filemwendela bwino
Aba nge cimuti icafumba icamena pa mushili wa ciko uusuma.+
36 Lelo mu kupumikisha alifwile kabili alilobele;+
Nalemufwaya, lelo nshamusangile.+
ש [Sin]
37 Lolesha uwa kaele,
Kabili mona uwalungama,+
Pantu inshita ya ku ntanshi iya uyu muntu ikaba iya mutende.+
38 Lelo bonse abashikonka amafunde ya kwa Lesa bakabalofya;
Ababifi bakabalofya.+
ת [Taw]
39 Yehova e upususha abalungama;+
E cubo cabo mu nshita ya macushi.+
40 Yehova akabafwa no kubapokolola.+
Akabapokolola ku babifi kabili akabapususha,
Pantu kuli ena e ko babutukila pa kuti abacingilile.+